الخميس، 30 يونيو، 2011

عفوا ايتها الثوره........لم اتعلم منك شيئا

جاء يوم الخميس فأجلست نفسى على ( كرسى الحساب ) لأعيد تقييم أفعالها على مدار الأسبوع  قبل أن تصعد الأعمال إلى ربها

وجاء السؤال الذى أوجهه لها كل خميس فلا أجد منها إلا الصمت والإمتناع عن الإجابه ألا وهو ( أتعلمتى ايه من الثوره؟)

ولكنها أجابتنى هذه المره فقالت( متعلمتش أى حاجه) .... :)

........................................................

صدقت نفسى فأنا لم أتعلم شيئا واحدا منها ........... فكلما أفكر فى صفه أو قيمه ثد أكون أكتسبتها من الثوره أجدنى أعرف
تلك الصفه جيدا وأنها ليست بجديده

فقدعلمنى إياها إسلامى من قبل

فما جاءت الثوره إلا تذكره لما علمنى وربانى عليه إسلامى 

فعذرا أيتها الثوره.... مع إعتزازى وفخرى بكى إلا انكى لم تضيقى لى أى جديد .....فقد سبقك إسلامى بكل جديد

ولكنى أيضا لن أنسى فضل الله فى أنك ذكرتينى بالتمسك بتطبيق إسلامى قولا وفعلا فى كل شئون حياتى

فشكرا لك إلهى على نعمه الإسلام
وشكرا لك إسلامى على التربيه 
وشكرا لك ثورتى على التذكره 

والآن جاء دورك أخى لتسأل نقسك ( أتعلمت ايه من الثوره؟)........ :)

نصيحه لكم أخوتى :- أتمنى أن تجربوا فكره ( كرسى الحساب ) على الأقل يوما واحدا فى الاسبوع فكم ساعدنى ذلك الكرسى فى تهذيب ونرويض نفسى وكبح شهواتها وأسألوا مجرب :):)

الخميس، 23 يونيو، 2011

قصه خطف .............. يدمع لها القلب

يتحدثون عن أهميه بقاء أمن الدوله وعدم حله...... يشيدون بدور الحاكم العسكرى ولابد لنا من أن نضع كامل ثقتنا به....أما أنا فأتحدث عما عايشته بنفسى وبناء عليه أرفض رفضا باااااااااااااااااتا بقاء أمن الدوله والمجلس العسكرى لا أعرف ما الحل دونهما ولكن أعرف شيئا واحدا ( لم أعد أثق بهما ولو بنكله)


إسراء ( إبنه خالتى) طالبه بالمرحله الثانيه بالثانويه العامه خرجت لتذهب لإمتحان الفلسفه فأتصل أصحابها بوالدتها بعد إنتهاء الإمتحان ليسألوها 

(إسراء مجتش الامتحان ليه؟؟؟) ومن هنا تبدأ القصه

القصه على لسان إسراء ( خرجت الصبح الساعه 8 وربع حودت على زميلتى لقيتها مشت فروحت للمدرسه لوحدى وكنت أتأخرت على اللجنه لأنى ملقتش تاكسى وروحت مشى وصلت للمدرسه وأنا على بعد أمتار منها إذا بعربيه ملاكى تهدىء سرعتها بالقرب منى فسرعت فى خطوتى فإذا بها تسرع وتقف عندى وواحد يشد شنطتى والآخر يخرج ويحطنى فى العربيه وأدونى حقنه فلم أشعر بنفسى إلا وأنا داخل كشك ملىء بالحديد والمعادن )

ننتقل إلى أسره إسراء بالمنزل :- بغض النظر عن الحاله التى كانت بها عائله إسراء بأكملها إلا أننا سننظر للوقائع , بلغت الأسره الشرطه عن إختفاء إسراء كما بلغت الحاكم العسكرى

رد فعل الشرطه :- انا لو قلت انه لم يحرك ساكنا هتصدقونى ؟ عارفه انكم هتصدقونى لأن ده اللى متوقع من  الشرطه بالعكس ده انا لو قلت غير كده هيبقى واضح اوى انى بكدب

رد فعل الحاكم العسكرى :- لاء ده بقى كتر الف خيره صراحه جاب الارقام اللى إسراء أتصلت بيها وطلعت كلها أسماء إصحابها بصراحه عمل الواجب وزيــــــــــــــــــــــــــــــــــاده ( حسبى الله ونعم الوكيل هقول ايه غير كده بس)

نرجع لإسراء ( قعدت حوالى ساعه بعد ما فقت من أثر الحقنه  بصرخ ومحدش بيجى لحد ما جم و.................. وأيه؟؟؟؟؟؟؟؟؟؟؟  انا مش عايزه اقول اللى هيه قالته بس حرام والله العظيم حرام اللى حصلها ده حرااااااااااااااااااااااااااااااااااااااااااااااااااااااااااااااااااااام  .......... وبعدين خرجوا وكل شويه يدخلوا ي................. ويخرجوا لحد ما الساعه جت تسعه بالليل تقريبا  فتحوا الموبايل بتاعى وأتصلوا ببابا قدامى وكانوا حطين مسدس على دماغى وقالولى لو نطقتى حرف هنفرغه فيكى   وقالولوا بنتك معانا وعايزين 10 آلاف جنيه

نرجع لأسره إسراء: أتصلوا بالشرطه قالولهم على المكالمه دى ووالدها قال انه هيدفع ال10 آلاف جنيه لأن الشرطه زى ما قلنا لم تحرك ساكنا لالالالالالا استنوا هيه صراحه قالت حاجه لازم أقولها من باب الأمانه هم سألوا والد إسراء أنت متأكد انها مراحتش بمزاجها؟ ......... !!!!! طب اشتم انا دلوقتى ولا أقول ايه يعنى ؟ اللهم إنى صائمه

نرجع لإسراء ( بعد ما اتصلوا ببابا قعدوا قدامى يشدوا مع بعض فى الكلام فى واحد فيهم قال احنا نسيبها من غير ما ناخد فلوس عشان مندخلش بسببها السجن بس هم رفضوا وقالوا لازم ناخد الفوس وخرجوا........ بعد شويه جه اللى كان بيقول انهم يسيبونى أحسن          وقعد ............. وبعدين قالى كفايه علبكى كده لبسنى هدومى  وقالى انا ههربك من هنا عشان مش هدخل السجن بسببك ورش فى وشى بنج عشان معرفش انا فين مفوقتش غير وانا فى بترمى من عربيه نص نقل والعربيه فص ملح وداب الناس اتلموا حواليا وأخدت موبايل من واحد وكلمت بابا وقلتله انا فى موقف العوايد ( بالأسكندريه) ( علما بأنها مخطوفه من كفر الدوار باللحيره) 

ننتقل لأسره إسراء ( خرجت  من منزل إسراء خمس عربيات ملاكى متجهين لموقف العوايد حتى وصلوا إلى الماكن فإذا بالخاطفين يخرجون عليهم بالسيوف والشوم ..............انا مش هحى اللى حصل بالظبط بس احنا لو فضلنا نسجد شكر لربنا لحد ما نموت مش هنوفى ربنا حقه بجد كانت معجزه بمعنى الكلمه ان إسراء وأسرتها تخرج من هناك دون أن يلقوا حتفهم وحتى دون أى إصايه بسيطه


وصلت إسراء المنزل وكان هناك ما يزيد عن خمس دكاتره ودكتورات ليفحصوها ثم خرجوا وتأكد لنا الخبر........... اللهم لا اعتراض

ذهبت انا وإسراء للمباحث باليوم التالى لتأخذ أقوالها .......... بصوا كله كوم والمعامله اللى إسراء شافتها هناك كوم تانى خاااااااااااااااااااااااااااااااااااااالص والله العظيم كأنها الجانى مش المجنى عليها انا بقيت ابكى قبل إسراء من اللى شوفته بيتعمل فيها

والله حرام يا جماعه دى بنى آدمه وكفايه اللى شافته من ولاد ال.......... تروح المباحث عشان يحصل فيها كده ليييييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟ حد يجاوبنى ليه ؟؟؟؟؟؟؟؟؟ ربنا ينتقم منهم دعوه المظلوم لا ترد ربنا وريهم يوم من اللى شفناه منهم اللم آمين

المباحث بعد مهاترات أثبتت انها كانت مخطوفه مش ( رايحه بمزاجها) وأدى سياده المباحث بتعمل ما تدعيه بتحرياتها عشان توصلهم رغم علمى ويقينى أنهم بتليفون واحد ممكن يجيبوهم لكن....................... إنها مصر

دواعتكم لها ولوالدتها ووالدها ولأخوتها وليا وللعائله وعلى الخاطفين وعلى الشرطه وعلى الحاكم العسكرى

 

الاثنين، 20 يونيو، 2011

كيف يتربى أبناء جماعه الإخوان المسلمين؟؟؟؟؟ (حملة الإخوان مش بعبع)


فى البدايه أحب أٌول أنى أفتقدتكم جدا جدا جدا والف تحيه لكم

بدأت حمله أسمها ( الإخوان مش بعبع) ودى أول تدوينه فى الحمله على الإنترنت

رساله وضعا مكتب الإرشاد لخص فيها الفكره الإسلاميه اعتقادا وعملا فى عدة سطور أطلق عليها اسم (عقيدتنا)

وهذا نصها (ملخصا)

1- أعتقد أن الأمر كله لله
وأن سيدنا محمد خاتم رسله للناس كافه
وأن الجزاء حق
وأن القرآن كتاب الله
وأن الإسلام قانون شامل لنظام الدنيا والآخره
وأتعهد أن أرتب نفسى جزءا من القرآن الكريم
وأن أتنسك بالسنه المطهره
وأن أدرس السيره النبويه وتاريخ الصحابه الكرام

2- أعتقد أن الاستقامه والفضيله والعلم من أركان الإسلام
وأتعهد أن أكون مستقيما أؤدى العبادات وأبتعد عن المنكرات
فاضلا, أتحلى بالأخلاق الحسنه وأتخلى عن الأغخلاق السيئه وأتحرى العبادات الاسلاميه ما استطعت
وأؤثر المحبه والود على التحاكم والتقاضى فلا ألجأ إلى القضاء إلا مضطرا

3-أعتقد أن المسلم مطالب بالعمل والكسب
وأن ماله حقا مفروضا للسائل والمحروم
وأتعهد بأن أعمل اكسب عيشى
وأقتصد لمستقبلى
وأؤدى زكاة مالى
وأقدم منتجات بلادى وبنى دينى ووطنى والا أتعمل بالربا فى شأن من شئونى

4- أعتقد أن المسلم مسئول عن أسرته
وأن من واجبه أن يحافظ على صحتها وعقائداه وأخلاقها
وأتعهد بأن أعمل لذلك جهدى
وأن أ[ث تعاليم الإسلام فى أسرتى
ولاأدخل أبنائى مدرسه لا تحفظ عقائدهم وأخلاقهم

5- أعتقد أن من واجب المسلم إحياء مجد الاسلام
وأن رايه الاسلام يجب ان تسود البشر
وأن مهمه كل مسلم تربيه العالم على قواعد الاسلام
وأتعهد ان اجاهد فى سبيل هذه الرساله ما حييت
وأضحى فى سبيلها بكل ما أملك


6-أعتقد أن المسلمين جميعا أمه واحده تربطها العقيده الاسلاميه
وأن الاسلام  يأمر أبناءه بالإحسان إلى الناس جميعا
وأتعهد بأن أ[ذل جهدى فى توثيق رابطة الإخاء بين جميع المسلمين
وإزاله الجفاء والاختلاف بين طوائفهم وفرقهم


7- أعتقد أن سر تأخر المسلمين ابتعادهم عن دينهم
وأن اساس الاصلاح هو العوده الى تعاليم الاسلام وأحكامه
وأن ذلك ممكن لو عمل المسلمونبه
وأن فكره الاخوان المسلمين تحقق هذه الغايه
وأتعهد بالثباتعلى مبادئها والاخلاص لكل من عمل بها
وأن أظل جنديا فى خدمتها أو أن أموت فى سبيلها

هذا هو نهج الإخوان هذا هو الطريق الذى رسمه الامام الشهيد حسن البنا ولن نحيد عنه لأنه بكل بساطه ( منهج الاسلام)


السبت، 9 أبريل، 2011

قرار نهاااااااااائى

هسيب التدوين

بالله عليكم بقى ساندونى فى قرارى لأنى من غير حاجه نفسى أماره بالسوء 

على حد علمى أنى مش هرجع التدوين تانى بس يا عالم ربنا كاتب ايه

مش يمكن ربنا كاتب أنى أرجع بكره أدون!!!! يا عااااااااالم

أستودعكم الله الذى لا تضيع ودائعه

الخميس، 7 أبريل، 2011

آخر ما سأدون


هتكلم فى عنوان التوبيك بس فى الآخر

أيادى بيضاء ويد واحدة سوداء ( دعوه للتفاؤل)

هكذا لابد أن ننظر للوضع الحالى فى مصر

أيادى بيضاء تبنى مصر ويد واحده سوداء تخرب ما تبنيه الأولى

أيادى بيضاء تستكمل الثوره ويد واحدة سوداء تسعى للقضاء عليها

أيادى بيضاء تمد يدها للسلام ويد واحده سوداء تزرع الفتنه بين ذوى القلوب الضعيفه

نعم هى يد واحده ولكن بإيديكم أنتم تسطيعوا أن تنشروا تلك اليد بدون أى قصد

نعم  هى يد واحده التى تنشر الشائعات وتزرع الفتنه وتقنعكم بفشل الثوره وتزرع اليأس فى قلوبكم

لذا أحلفكم بالله ألا تكون قلبوكم تربه خصبه لتلك اليد

أحلفكم بالله ألا تضعف قلبوكم  امام تلك اليد اللعينه

أحلفكم بالله ألا تستسلموا للشائعات وأن تضعوا حب مصر نصب أعينكم ولا تدعوا أحد يشتت إنتباهكم عنها

أحلفكم بالله ألا تنشروا أى خبر سلبى ولو صحيح

أحلفكم بالله أن تكونوا أنت من ينشر التفاؤل والأمل

أحلفكم بالله أن تثقوا بالله أكبر ثقه و تقتنعوا أن الله يريد لمصر كل خير

أهملنا تاريخهم ..... فسيأتى من يهمل تاريخنا ( دعوه للقراءه  فى تاريخ مصر)

معلش بقى هتكلم بالعاميه شويه

إحساسك ايه؟؟؟؟؟؟؟  تعالى كده نركب آله الزمن ونروح المستقبل

قاعد مع ولادك وبتحكيلهم عن الثوره وبتقولهم بقى انك نزلت الميدان والأمن ضربك واللى جنبك أستشهد ورشوك بالميه ورموك بالحجاره وتحكيلهم عن الهتافات وإزاى أصريت انك تفضل فى الميدان وعن الأخلاق اللى شوفتها فى الميدان وعن الحب والود والتآلف وإزاى المسيحى كان جنب المسلم وإن المسيحى رفع المصحف والمسلم رفع الإنجيل

وولادك :- خلاص يا بابا بقى احنا زهقنا ......... يووووووه يا بابا الثوره تانى .......... يا بابا الثوره خلصت خلاص .......... يا بابا مصدقينك والله خلاص بقى............... أحمد مش احنا ورانا مشوار؟ يلا بينا نكمل بعدين يا بابا ...... ياااااااااه دى الساعه سبعه طب أستأذن انا بقى يا والدى عشان انام.....

 طب بالله عليك إحساسك ايه؟؟؟؟ إحباط؟ غضب؟ مفروس؟ هتنفجر فيهم؟ 

طب ما تيجى نفكر كده ........ مش ده اللى احنا سببناه للناس اللى قبلنا ؟؟؟؟

لما واحد جه يحكى بكل حماس  عن اللى عمله فى حرب 73 أو  يحكى عن أيام السادات أو أو أو

رديت عليه قولتله ايه؟؟؟؟  أقولك انا قولته ايه :- خلاص بقى يا عمنا احنا فى 2011 دلوقتى مش 73

الله يرحمه بقى السادات بقولك ايه شوفت ماتش امبارح؟ الأهلى عمل ماتش ميه ميه

طيب انت سببتله إحباط أهو  ليه بقى ولادك مش يسسببولك إحباط وانت عارف طبعا أنه كما تدين تدان

قاعده ترغى ترغى ترغى يا أمل ما تقوليلنا قصدك ايه بقى وتريحينا

حااااااااااااااااااضر  هقول أهو واجب علينا نقرأ فى التاريخ نعرف التفاصيل نعيش اللحظه ههههههههه

لاء بجد لازم نعرف تاريخ مصر ومتقولش بقى طب ما انا عارف 

اللى انت عارفه ده طشاش..... قشور مش أكتر لازم تعرف ايه اللى حصل بجد 

ماده التاريخ فى الدراسه كرهتنى فى تاريخ مصر بجد والله كلها كانت حفظ دون أى تشويق كلها بم تفسر والنتائج المترتبه على

بس  غير كده بجد التاريخ بجد ...... التاريخ مشوق جدا الى أقصى درجه طيب جرب تقرأ فيه وبجد هتقول أمل قالت

أنا ( المسلم ) قبطي وهو  ( المسيحى) قبطى ( دعوه لمواجهه الفتنه المقصوده )

بس براحه عليا بس ومتشخطش فيا كده

فى الفرعونيه كلمه قبطى تعنى مصرى......... أه وربنا 

الفتنه مقصوده ولن يختلف أحد معى قى ذلك طيب هو ينفع يبقى فيه فتنه وانا أقوم دجايه ف الكليه مثلا وكل ما أقابل حد أقوله على فكره فيه فتنه......... سمعت عن الفتنه يا دكتور؟ .........  ده المسيحين بيقولوا علينا كذا كذا ........ والمسيحين يقولوا ده المسلمين بيقولوا علينا كذا كذا ........ انا عارفه اننا مش بنبقى قاصدين اننا ننشر الفتنه بس رغم كده بننشرها 

طب وبعدين معانا بقى؟ يعنى هو ينفع كده؟ طيب مش المفروض نمسك لسانا شويه؟

طيب ممكن نراجع نفسنا؟؟؟ بس اقف بس مع نفسك كده وقول انا ساعدت ان الفتنه تتنشر بنسبه كام فى الميه؟؟؟؟ ممكن؟

نرجع بقى لعنوان التوبيك

همشى ؟؟؟ أه همشى طب ليه ؟؟؟؟ عشان أرضى ربنا وردا على الشاب الصح ( هل يوجد أسمى من هذا هدف؟ )

طيب مش انا كنت قولت انى هكمل تدوين ؟؟؟؟ نعمل ايه بقى يا جماعه .... سبحان مقلب القلوب ولا ايه؟؟؟؟

طيب هرجع تانى؟؟؟؟ على حد علمى إنى مش هرجع لكن يا عالم ربنا كاتب إيه؟؟

طيب قدرت إزاى آخد قرار أنى اسيب التدوين وأسيب المدونين بالسهوله دى؟؟؟؟ مين قال أنى أخدت القرار بسهوله؟؟؟؟؟؟؟

طيب انا سعيده بقرارى ؟؟؟؟ أكيد طبعا سعيده جدا  سعيده عشان هرضى ربنا سعيده عشان هرجع أحافظ على وقتى سعيده عشان
ههتم بحياتى أكتر سعيده عشان حطيت خطه أمشى عليها سعيده عشان حاسه ان ربنا راضى عنى لما قولت أبعد عن النت

ليه بقى مبقاش سعيده؟؟؟؟ 

بس حزينه............. حزينه لأنى هفارقكم بس لما أرجع افتكر هدفى من أنى اسيب التدوين برجع سعيده تانى

أستاذ ماجد القاضى ............ أستطعت أن تغير فى سلوكياتى دون حتى أن تشعر أنك تغيرها فجزاك الله عنى كل خير

المنشد أبو مجاهد الرنتيسى...... ربنا يكثر من أمثالك أخى

أستاذ نور الدين محمود ..... كنت خير صديق لى يا فندم  فتذكرنى دائما بالخير أستاذى

الشاب الصح ......... دائما ما كانت نصائحك  فى تدويناتك تأتى فى وقتها لى وكأن ربى يرسل لى من يرشدنى للطريق الصحيح

إبن بلدى................. لن أنسى أحد أعزه بهذا الشكل أبدا 

مصر الفرعونيه........... انت عارف من غير ما أقول مش كده ؟

عاشور.......... أعتذر عن كل كلمه أخطأت فى حقك بها وأعرف أنك ستقبل إعتذارى أخى وأعلم اننى لم أقصد أبدا ما فهمته من كلامى وقدر الله وما شاء فعل

ميدو الأهلاوى............ ربنا يوفقك فى حياتك متنسانيش بقى وانت بتدعى أوك؟

استاذ جمعاوى........... لن أنسى أبدا كيف يجب أن نكون فى خدمه الآخرين ونكون نعم العون لهم فجزاك الله خيرا :)

لكل مدون وصديق لم أذكره ......... أشعر أننى أفارق جزءا من روحى بفراقكم فلا تنسونى من دعاءكم لى بالهدايه

وأخيرا............. لن أنساكم فتذكرونى دائما بالخير وأدعو الله أن يجمعنى بكم وهو على كل شىء قدير

السلام عليكم ورحمه الله وبركاته













الأحد، 3 أبريل، 2011

أقصانا ..... أبدا أبدا لن أنساك

فلسطين ..






تبكي طعنات السنين ..
وعزة فخر الشهداء والمناضلين ..


وظلم العرب لأنفسهم والمستعمرين ..






فلسطين ..






لغةً مقهورة في شفة طفل حزين ..






موت امرأة تحت أقدام الظالمين ..






واندثار وتمزيق أشلاء أطفال من الرحم قادمين ..




فلسطين ..






تبكي ..






وتبكي كالمساكين ..كالمحتاجين


كالذليل الذي تحتقره أنظار الحاضرين ..


كتوهج حارقٍ ألهب ببيداء الغارقين ..






يا مجدا كانت واليوم أمست أطلال من وحل وطين ..






فلسطين ..


مسرى نبي الله الأمين


وحضارات يشهد لها جل العالمين ..


وأمومة تنهشها أنياب الحاقدين الغادرين ..




وأنوثة تمزقت على أيدي الكافرين ..




اغتراب .. وعذاب .. واضطهاد ..




واندثار في فلسطين


وهنا مهرجانات ..


واحتفالات تملء شوارعنا فرحين ..


فلسطين ..


نهر يضج بالدماء ..


وسيدة تلد الشهداء ..


وأرض نبتها الأوفياء ..


وقاعة عرض قتل الأبرياء ..


وسيدة الموت بأجيالها ترهب الأعداء ..


منقوووول






يا رب اصلى فى المسجد الأقصى يا رب ما  تحرم نظرى من متعه رؤيته ولا تحرم قدمى من لمس ترابه  ولا تحرم رأسى من لمس أرضه يا رب يا رب يا رب

الاثنين، 28 مارس، 2011

من علامات وأفعال حسن الخلق


مقتطف من كتاب ( صفات المسلم ) لفضيله الشيخ ( محمد حسين عيسى)

حسن الخلق هو الايمان وسوء الخلق هو النفاق , وقد ك الله تعالى صفات المؤمنين والمنافقين فى كتابه , وهى بجملتها ثمره حسن الخلق
وه بعينه ما قصدته أم المؤمنين عائشه رضى الله عنها عندما سئلت عن خلق السول إ قالت ( كان خلقه القرآن ) أى ما ترك صفه مدحها الله تعالى ووصف بها عباد الحمن المؤمنين إلا تحلى بها وما علم من صفه لا يحبها الله تعالى الا تخلى عنها . 


وإليك بعض علامات حسن الخلق:-


1- أن يكون كثير الحياء

2- قليل الأذى

3- كثير الإصلاح 

4- صدوق اللسان

5-قليل الكلام كثير العمل

6-قليل الزلل

7-قليل الفضول

8- برا وصولا

9-وقورا

10-صبورا

11-شكورا

12-راضيا

13- حليما

14- رفيقا

15- عفيفا

16-شفيقا

17- لا لعانا ولا سبابا ولا نماما ولا مغتابا

18- ألا يكون عجولا

19-ولا حقودا 

20- ولا بخيلا

21- ولا حسودا

22- يحب فى الله ويبغض فى الله

23-بشاشا هشاشا

24- قليل الخلاف

25- حسن الإنصاف

26- لا يتبع العثرات

27- يطلب الأعذار ويقبلها

28- كثير اللوم لنفسه

29- لا يطلب المكافأه على فعل الخير

30- كثير الإستغار والذكر لله والموت


,,,,,,,,,,,,,,,,,,,,,,,,,,,,,,,,,,,,,,,,,

والآن قف مع نفسك وأسألها اين أنت من تلك الصفات؟؟؟؟؟؟؟

اللهم حسن خلقنا كما أحسنت خلقنا

إقتراح من ( سجل انا مصريه)

ممكن نعمل حاجة عملية

هناخد من النهاردة خلق من الثلاثين
خلق أسبوعيا ونبدأ ندرب نفسنا عليه  

,,,,,,,,,,,,,

كل واحد فينا هيختار صفه ويذكرها لنا والصفه دى يدرب نفسه عليها خلال أسبوعين وكل أسبوعين نختار صفه جديده نطبقها اتفقنا؟؟؟؟


أنا هختار صفه الحلم لأنى بجد محتاجها تكون فيا ها هتختاروا ايه؟؟؟؟؟


الخميس، 24 مارس، 2011

ومضى عام

ها قد مضى عام على إنشائى مدونه إلكترونيه

راجعت نفسى يا ترى كتاباتى تضمنها رياء ونفاق؟؟؟ طيب أنا رضيت ربنا فى كل كلمه كتبتها؟؟؟

طيب يا ترى انا استفدت؟؟؟

طيب لو أستفد يا ترى قدرت أفيد غيرى ؟؟؟ طيب أكمل تدوين ولا كفايه لحد كده؟؟؟

طيب انا قدرت أحقق هدفى بنسبه كام؟؟؟ طيب يا ترى النسبه دى كافيه أنى أكمل وأقول لا تراجع ولا إستسلام؟؟؟؟

طيب لو أكتفيت يا ترى هكون سعيده بإبتعادى عن عالم التدوين والمدونين؟؟؟

طيب لو كملت ايه الهدف اللى هسعى لتحقيقه الفتره القادمه؟؟؟

طيب يا ترى بالتقريب كده ايه نسبه المدونين الموافقين انى اكمل لأهميتى فى عالم التدوين؟؟؟

طيب ايه نسبه المعترضين على إستمرارى فى التدوين حيث لا يجدون أى أهميه لى؟؟؟؟ ( عدمى أحسن من وجودى)؟

أسئله صعبه أوى يمكن صعبه لأنى  خايفه أواجه نفسى بالحقيقه  ..... بس مش دايما الحقيقه  مره فقلت أسيبها على الله وأبدأ أجاوب

,,,,,,,,,,,,,,,,,,,,,,,,,,,,,,,,

أنتهيت من إجابابتى وقفلت الورقه وسلمتها لضميرى وجلست أنتظر النتيجه ويدور فى ذهنى عدة تساؤلات لن أبيح بها لخصوصيتها

رأيت على شفتيه إبتسامه فهدأ قلبى وعقلى ولكن رجع عقلى يتساءل ترى هل تلك الإبتسامه توحى عن الرضا أم السخريه والإستهزاء؟؟؟

ولكنى نظرت لقلبى فوجدته هادئا مطمئنا فأرتاح بالى وعرفت  النتيجه بل تيقنتها  قبل حتى أن ينطق بها ضميرى

نطقها ضميرى فأرتاح عقلى ولكن عاد يتساءل ما الخطوة القادمه؟؟؟؟؟

,,,,,,,,,,,,,,,,,,,,,,,,,,,,,,,,,,,,,,

نخرج بقى من جو الدارما ده ونحتفل بالنتيجه 

أولا أشكر من علمنى التدوين ووضعنى على بداية الطريق ( صاحب مدونه فكك منى)

أشكر  كل مدون  وكل زائر لمدونتى وكل معلق وكل متابع 

أشكر من علمنى التدوين ووضعنى على بداية الطريق ( صاحب مدونه فكك منى)

أشكر كل من أحتفل بمدونتى فى جروب (فى حب مصر) وأخص بالذكر 

مدونه جايدا العزيزى http://httpjaedacom.blogspot.com/ 
أخى الكبير شريف صابر ( من غير مستر) صاحب مدونه الحياة http://sheref2010.blogspot.com/

سعيده جدا بالتعرف عليكم بجد والله حسيت ان التدوين ليه طعم تانى أول ما عرفتكم

وكمان أشكرهم على الهدايا الغاليه ( ربنا ما يحرمنى منكم ياااا رب) وشرف ليا أنى أعرض هداياهم عندى 
من أخويا الكبير شريف

من ماما جايدا حبيبتى

 من شريف ربنا ما يحرمنى من ذوقه يا رب


من ماما جايدا ( دى ليا أنا ومدام جايدا وشريف أوعوا تقربوا منها:) )

سعيده جدا أنى دخلت عالم التدوين لأنى عرفت ناس بجد بجد يشرفنى أنى أتناقش معاهم وأسمع لآراءهم 

مش هذكر أسماء علشان محدش يزعل لكن هما أكيد عارفين مقامهم قد ايه عندى:)

أتفضوا بقى عندى فى البوفيه وأدعولى لأنى تعبت فى التحضير :)

اللى أخد من التورته دى يقول وانا مش هعمله حاجه
ندخل بقى عالمشروبات

ليا ومدام جايدا وشريف  اللى هيقرب منهم غيرنا هيندم






دول بقى مقاطعه أوعوا تقربوا منهم

دى بقى لأبن بلدى وبقوله انا اسفه ومتزعلش منى :)


 

انا هكمل تدوين وربنا يقوينى وأحقق هدفى فى السنه الجايه 

محتاجه لدعمكم جدا علشان أكمل وسعيده للتعرف عليكم إخوتى

تحياتى لكم جميعا






الثلاثاء، 22 مارس، 2011

مهاتيرمحمد.... نجاح بلا حدود

 سمعت أبى يحكى عنه وعن إنجازاته .... فكان لابد لى أن أبحث  وأعرف من هذا الرجل الذى أحبه شعبه !!!!

قل ما نجد مثله فى هذا العصر .... أعطانى أمل فى إمكانية نهضه مصر بالعلم

مهاتير محمد زعيم مسلم  نهض بوطنه وأصلحه لأنه..................يحبه

 ولى مهاتير محمد رئاسة الوزراء عام 1981م، حيث وصلت ماليزيا في عهده إلى ذروة مجدها وارتفع نصيب دخل الفرد فيها ارتفاعاً كبيراً، كما تم تقليص حجم البطالة فيها بشكل ملحوظ ، استطاع من خلال منصبه أن يتجه بالبلاد نحو نهضة اقتصادية عالية حيث حقق نسب عالية جدا في معدل النمو الاقتصادي للبلاد، ورسم الخطط بحيث تصبح بلاده بحلول عام 2020 بلد على درجة عالية من التقدم الصناعي .

 اعتمد مهاتير في فكره للتقدم بالبلاد على ركائز أساسية ويعد أولها بل في مقدمتها الوحدة بين فئات الشعب حيث إن سكان ماليزيا ينقسموا إلى السكان الأصليين وهم المالايا ويمثلون أكثر من نصف سكان ماليزيا، وقسم آخر من الصينيين والهنود وأقليات أخرى، وأيضاً توجد الديانة الأساسية وهي الإسلام بالإضافة للديانات الأخرى مثل البوذية والهندوسية "ولقد نص الدستور الماليزي على أن الدين الرسمي للدولة هو الإسلام مع ضمان الحقوق الدينية للأقليات الدينية الأخرى "،  لذلك لزم التوحد بين جميع الأطراف لتسير البلاد كلها من أجل الاتجاه نحو هدف واحد والعمل وفق منظومة تتكاتف فيها جميع الفئات، والركيزة الثانية في خطة التنمية تمثلت في البحث عن دولة مناسبة تقوم بعملية الدعم لماليزيا في تجربتها نحو التقدم والتنمية وكانت هذه الدولة هي اليابان التي أصبحت من أكبر حلفاء ماليزيا في مشروعها نحو التنمية والتقدم، وثالثاًُ العمل على جذب الاستثمار نحو ماليزيا وتوجيه الأنظار إليها، كما قام مهاتيربإدخال التكنولوجيا الحديثة والتدريب عليها حتى يتم الانتقال بالبلاد سريعاً إلى مرحلة أخرى أكثر تقدماً وأيضاً لتحقيق إمكانيات التواصل مع العالم الخارجي.   

تبنى مهاتير محمد المنهج التنموي ودفع بالمالايا نحو النهضة التنموية من خلال توفير مستويات عالية من التعليم والتكنولوجيا لهم، كما دفع بهم لتعلم اللغة الإنجليزية، وقام بإرسال البعثات التعليمية للخارج وتواصل مع الجامعات الأجنبية، حاول بكل جهده في إطار سياسته الاقتصادية بتجهيز المواطن الماليزي بكافة الوسائل العلمية والتكنولوجية لكي يستطيع الانفتاح والتواصل مع العالم الخارجي والتعرف على الثقافات المختلفة، ثم بعد ذلك الدفع به إلى سوق العمل من أجل زيادة الإنتاج وخفض مستوى البطالة بين أفراد الشعب، حيث كان يهدف لتفعيل الجزء الأكبر من المجتمع الأمر الذي يعود على ارتفاع مستوى التنمية الاقتصادية للبلاد في نهاية الأمر، واستطاع أن يحول ماليزيا من دولة زراعية يعتمد اقتصادها على تصدير السلع الزراعية والمواد الأولية البسيطة مثل المطاط والقصدير وغيرها إلى دولة صناعية متقدمة، حيث شارك القطاع الصناعي والخدمي في اقتصادها بنسبة 90 %، وأصبحت معظم السيارات التي توجد بها صناعة ماليزية خالصة، وزاد نصيب دخل الفرد زيادة ملحوظة فأصبحت واحدة من أنجح الدول الصناعية في جنوب آسيا، كما أدى هذا التحول إلى تقوية المركز المالي للدولة ككل.
وأصبحت تجربة ماليزيا في النهضة الصناعية التي قامت بها تحت رعاية مهاتير محمد مثل تحتذي به الدول، ومادة للدراسة من قبل الاقتصاديين.
تعرض الزعيم الماليزي مهاتير محمد للعديد من الانتقادات على مدار حياته السياسية حيث وصفه البعض  بالديكتاتور ولكن جاء قرار استقالته وهو في قمة مجده لينسف هذا المعتقد حيث لم يستأثر بالحكم على الرغم من النجاح الساحق الذي حققه أثناء حكمه للبلاد، وظل مثيراً للجدل من قبل الغرب نظراً لتصريحاته اللاذعة الشديدة اللهجة دائماً.
وكانت أكثر هذه التصريحات جرأة وإثارة لغضب الغرب تلك التي كانت في القمة الإسلامية التي عقدت في ماليزيا حيث انتقد اليهود بشدة في كلمته التي ألقاها حيث أشار لسيطرتهم على القرار الدولي وقيامهم بإشعال نيران الحرب ضد المسلمين.
قام مهاتير محمد بتأليف كتاب " معضلة الملايو" عام 1970م، وهو الكتاب الذي أثار ضجة وقام فيه بانتقاد الشعب المالاوي واتهمه بالكسل ودعا فيه الشعب لثورة صناعية تنقل ماليزيا من إطار الدول الزراعية المتخلفة إلى دولة ذات نهضة اقتصادية عالية، ولقد تم منع الكتاب من قبل منظمة المالايو القومية المتحدة ولكنه استطاع أن يتجاوز هذا وبدأ يظهر كشخصية سياسية لها فكر مختلف حتى وصل لرئاسة الوزراء عام 1981م.

كما قام بتأليف عدد آخر من الكتب منها كتاب " صوت ماليزيا"، و"صوت آسيا – زعيمان أسيويان يناقشان أمور القرن المقبل" هذا الكتاب الذي قام بالمشاركة بتأليفه مع السياسي الياباني شينتارو اشيهار.

وقد قام عدد من المؤلفين والكتاب بتناول حياة الزعيم الماليزي مهاتير محمد والتجربة الماليزية سواء في مقالتهم أو كتبهم نذكر منهم الكاتب والصحفي الفلسطيني الدكتور عبد الرحيم عبد الواحد والذي قام بتأليف كتاب عنوانه " مهاتير محمد .. عاقل في زمن الجنون " حيث يستعرض فيه التجربة الماليزية والظروف التي عاشتها وكيفية تغلبها على الأزمات التي واجهتها، كما ركز في الكتاب على شخصية مهاتير محمد وفلسفته ورؤيته الاقتصادية والسياسية والإسلامية خلال فترة رئاسته للوزراء.
قرر الزعيم الماليزي الانسحاب من السلطة وهو في قمة مجده بعد أن استطاع نقل البلاد إلى مرحلة جديدة متقدمة من النهضة الاقتصادية، وبعد قيامه برئاسة الوزراء لمدة 22عاماً، وكان زعيم حزب الأغلبية في البرلمان الماليزي، فقد قرر اعتزال الحياة السياسية عام 2003 بعد أن أثبت للعالم إمكانية قيام دولة إسلامية بالنهوض اقتصادياً بالاعتماد على شعبها والوحدةوالتآلف بين جميع أفراده بمختلف ديانتهم وأعراقهم، قام مهاتير محمد بتسليم مقاليد البلاد لخليفته عبد الله أحمد بدوي وهو في قمة نجاحه، وأصبح بعد ذلك الرجل الاقتصادي الحكيم والذي يعد منهجه السياسي والتنموي مرجع للعديد من السياسيي
ن والقادة في بلاده وفي جميع أنحاء العالم .

رأيى الشخصى : تخطو مصر خطواتها على طريق حياة جديده بكل معنى ولكن ليس كل حياة جديده حياة سعيده فإن لم نعتبر ونتعلم فلن نضمن بالمره حياة سعيده لمصرنا وكما أثبتت جميع الدول المتقدمه أنه لا نهضه إلا بالتعليم, أطمع فى أن يسقط نظام التعليم الحالى  خاصة بعد سقوط النظام الأكبر أطمع فى , أطمع فى بناء نظام يأخد بيد مصر وينير لها طريق القمة , أطمع , أطمع , أطمع  لالالا لست أطمع أنا أتمنى وها قد تحققت أمانيا من قبل لذا أعرف أنا ستتحقق هذه المرة أيضا ولكن متى؟؟؟؟؟؟؟؟؟؟
 


















الأحد، 20 مارس، 2011

لو لم أكن مصريا لوددت ان أكون مصريا

الف الف الف مبروك ليكى يا مصر الف الف الف مبروك ليكم يا مصريين

مش علشان النتيجه نعم بقول مبروك علشان أول مره فى حياتنا كلنا نقول رأينا ويأثر على الحياة السياسيه بل على الحياة المصريه كلها

دى أول خطوه على طريق الحريه .... أول خطوه على طريق الديمقراطيه ..... أول خطوه على طريق التغيير

الطريق طويل أوى بس بيقولوا أن أول خطوه هيه دايما أصعب خطوه وأدينا خطينا كلنا مع بعض وعلى قلب رجل واحد أول خطوه

الخطوات الجايه مهما صعبت فمش هتبقى زى صعوبه الأولى أبدا

(أيه حكايه كلمه خطوه دى معايا مش عارفه )

نسيبنا بقى من نغمه الإخوان هيكتسحوا والإخوان أستلموا السلطه والبلد بقت فى يد الإسلاميين

الإخوان مش الشعب المصرى الإخوان مستحيل مستحيل مستحيل يخطفوا الثوره أو يقفزوا على رغبه الشعب المصرى لأن الشعب المصرى بقى واعى وعرف مصلحته فين ومش هيسمح لأى حد أيا كان أنه يفرض نفسه عليه وأنا أولهم

الإخوان جزء لا يتجزأ عن المصريين ونسيب الأيام الجايه هيه اللى تثبت حسن أو سوء نيتهم

بلاش نغمه إن المسحيين مش هياخدوا حقوقهم المسيحيين مصريين ومفيش مصرى مش هياخد حقوقه واللى مش هيعرف ياخدها ميدان التحرير موجووووووووووووود وأنا أول واحده هرجع الميدان لو معرفتش آخد حقوقى
( رغم إختلافنا فى النقطه دى)

(أيه حكايه كلمه حقوق دى معايا برده مش عارفه )

حمدا على سلامتك يا مصر رجعتى تانى أم الدنيا يا مصر رجعت أفتخر أنى مصريه رجعت أقول لو لم اكن مصريا لوددت أن اكون
مصريا

الأيام الجايه محتاجانا نحكم بعقلنا مش بعاطفتنا محتاجه نفكر فى كل خطوه بناخدها لحد ما نوصل لبر الأمان وهنوصل أنا متأكده

هنقابل محن كتيره أنا عارفه لكن هنتغلب عليها بالإراده والعزيمه القويه

وأخيرا أرفع رأسك فوووووووووووووق فأنت مصرى






الجمعة، 18 مارس، 2011

ندااااااااااااء أخيييييييييير

أظن بعد كلامه ده اللى هيقول لاء يبقى تفكيره مش سليم بس بجد ياااااااا ريت اسمعوه كويس وللآخر

الثلاثاء، 15 مارس، 2011

الأنيميا وسنينها

بعيدا عن الأحداث... بعيدا عن الأوجاع.... بعيدا عن التساؤلات..... بعيدا عن الهموم

حواربينى وبين الممرضه والدكتور


الممرضه: أنتى بايظه يا أمل خااااااااااااالص

أمل (ويعلو على وجهها نظره خوف) : ليه بس هيه النتيجه طلعت أيه؟

الممرضه: انا هخلى الدكتوراللى يقولك بس انتى بجد باااااااااااااااايظه

أمل (تحدث نفسها) : يا رب استرها اللهم أنى لا أسألك رد القضاء ولكنى أسألك اللطف فيه

,,,,,,,,,,,,,,,,,,,,,,,,,,,,
أمل : السلام عليك أزى حضرتك يا دكتور
الدكتور : وعليكم السلام الحمد لله أزيك أنتى يا أمل ...... أيه يا أمل ينفع اللى انتى عاملاه فى نفسك ده؟

أمل: ايه يا دكتور هو فيه ايه بالظبط؟؟؟

الدكتور: خمسه وستين يا أمل؟؟؟؟؟

أمل : هو ايه اللى خمسه وستين يا دكتور؟؟؟

الدكتور: نسبه الهيموجلوبين عندك خمسه وستين فى الميه معنى كده انك مش بتاكلى حديد غير قليل

أمل : أه يا دكتور حضرتك عايزنى أكل الحديد بتاع أحمد عز أزاى بس ده غالى جدا وكمان طعمه وحش يعنى ميتاكلش خالص

الدكتور: لاء اطمنى أحمد عز راح لحاله خلاص وكمان حطوا سكر فى الحديد علشان طعمه يحلو 

أمل مبتسمه : لاء إن كان كده ماشى

الدكتور: بصى يا أمل النسبه وحشه ولو فضلتى كده  فى مضاعفات هتظهر أحنا مش قدها

أمل : والحل يا دكتور؟

الدكتور : الإسلام هو الحل يا أمل
أمل مبتسمه:أكيد طبعا يا دكتور

الدكتور: خدى العلاج ده استمرى عليه لمده شهر وتشربى عسل أسود وتاكلى كبده وخرشوف وبنجر وطبق سلطه كل يوم وبيضتين  بلدى وبعدين تعملى تحليل كمان شهر                


أمل : أه كل شويه حقنه بقى يا دكتور ( إبتسامه خفيفه)

الدكتور: انتى هتاخدى البرشام دهبعد الغدا وده بعد العشا

أمل: ماشى البرشام مقدور عليه أشكرك يا دكتور جزاك الله خيرا ( وأمد  يدى لآخذ الروشته)

الدكتور : أستنى لسه الحقنه دى تاخديها كل أسبوع

أمل : لالالالالالالا حقنه لاء يا دكتور مالها الانيميا زى الفل دى حتى مخليانى رفيعه انا وانا مش بحب التخن

الدكتور: بصى العلاج ده يتاخد علشان مقولش لبابا وهو يتصرف معاكى

أمل: بالله عليك يا دكتور بلاش حقن منك لله يا أنيميا

الدكتور: ليه بس ده انتى بتحبيها دى حتى مخلياكى رفيعه

أمل: ده انا بكررررررررررها قال بحبها قال 

الدكتور ضاحكا: خلاص بقى بلاش دلع الحقن دى هتتاخد ولا ؟؟؟؟؟؟

أمل (وأقتربت الدمعه كثيرا من عينها) : هتتاخد يا دكتور


الدكتور : شفاك الله وعفاك يا أمل وأشوفك الشهر الجاى إن شاء الله

أمل : إن عشنا يا دكتور  السلام عليكم 

الدكتور ( ضاحكا): وعليكم السلام   مع السلامه يا أمل سلميلى على بابا وقوليله يشترى حديد علشان رخص

( وتخرج أمل من الغرفه قائله : إنا لله وإنا اليه راجعون)

باخد حقنه كل أسبوع وباخد البرشام وأشتريت حديد 

آآآآآآآآآآآآآآآآآآآآى أصلى لسه واخده حقنه

 منك لله يا أنيميا

تحياتى لكم




السبت، 12 مارس، 2011

التعديلات الدستوريه ..... بين الرأى والرأى الآخر

إيمانا منى بهذه المقوله:- ( المعقول الممكن خير من الأمثل المستحيل)


ــ هل نثق فى مجلس رئاسى (لا نعرف حتى الآن من يختاره أو قواعد اختيارية أو من هم المرشحون له)، أم نثق فى انتخابات حرة نزيهة تحت إشراف قضائى ورقابة دولية تؤدى لرئيس نختاره ومجلس شعب يراقبه ولا يمكن له التشريع إلا بموافقته وبالتالى تتوازن سلطاته؟ أنا أميل للثقة فى انتخاب رئيس ومعه مجلس تشريعى (بأى ترتيب زمنى) على أساس برامج انتخابية معلنة ومتضمنة وعودة صريحة بتعديل الدستور من خلال هيئة تأسيسية منتخبة تتضمن، بالإضافة للدستوريين والقضاة، أساتذة فى العلوم السياسية ومؤرخين وعددا من الشخصيات العامة المهتمة بالدراسات الدستورية.

الدستور شأن أخطر من أن يترك للدستوريين وحدهم.

ــ هل علينا أن نخشى من استبداد الرئيس الجديد بسبب صلاحياته الدستورية الواسعة؟ بنية الاستبداد بحاجة لوقت، وبحاجة لرأى عام غافل، كشرطين ضروريين كى يتحول الرئيس إلى فرعون.

أستبعد هذا مع الرئيس الجديد لأن ذاكرة 25 يناير موجودة فى ذهن أى قادم، كما أن قصر الفترة الرئاسية على 4 سنوات تقتل تماما القابلية للاستبداد.

ــ هل نستطيع أن نكتب دستورا جديدا فى أسبوع أو أسبوعين؟ هذه فكرة منتشرة على الفضاء الالكترونى وهى مرتبطة بوجود دساتير جاهزة فى مكان ما يمكن لنا أن نخرجها من الأدراج ونجرى عليها بعض التعديلات حتى تكون جاهزة للاستخدام.

أتشكك كثيرا فى قدرتنا على أن نفعل ذلك لأن الدستور الجديد سيفتح باب الجدل نحو مواد لو فتحنا باب النقاش فيها الآن قد تنتهى إلى شهور من النقاش تزيد من عدم الاستقرار وتفتح آفاقا للثورة المضادة دون وجود حكومة قادرة على التصدى لها. هل سيصبر المصريون والجيش على نقاشات بشأن أسئلة معقدة حول المادة الثانية من الدستور، كوتة الفلاحين والعمال (50 بالمائة)، وكوتة المرأة، والرئاسى أم البرلمانى. هل نحن مستعدون لذلك الآن؟ كنت أتمنى أن تكون الإجابة نعم، ولكن أتشكك فى ذلك.

ــ أتصور أن الدكتور يحيى الجمل مطالب بالشروع فى الدعوة لحوار وطنى يتشارك فيه جميع القوى الوطنية للاتفاق على قواعد ما قبل دستورية تحكم العمل العام فى مصر بالتوازى مع التعديلات الدستورية المقترحة وكتمهيد للدستور الحقيقى، بحيث لو قبلت التعديلات، كانت لدينا لبنة للبناء عليها، وإن لم تقبل هذه التعديلات، نكون بالفعل بدأنا فى صياغة دستور جديد.

ــ أخيرا أنا مع التصويت بنعم للتعديلات الحالية، على ما لى فيها من بعض التحفظات، ومع ذلك أدعو صراحة لأن يأخذ المجلس العسكرى النقاشات الدائرة بشأن «تعديل» و«إعادة صياغة» بعض المواد فى عين الاعتبار قبل طرح الصيغة النهائية فى 19 مارس القادم.


هذا رأيى فما الرأى الآخر؟؟؟؟