الخميس، 15 أبريل، 2010

هيكلك العظمى يستغيث بك(ارحمنى يرحمك ربنا)

هيكلك العظمى يستغيث بك (ارحمنى يرحمك ربنا) معظمنا اتعود على شكل معين لجسمنا انثناء الظهر ليظهر القوس المميز ارتخاء الكتفين وميل الرأس للأمام(وده دليل على قله الثقه فى النفس اللامتناهيه) والبطن اسفه فى اللفظ (مترين قدام) محدش فينا فكر لما ربنا يسأله عملت ايه فى جسدك هيرد يقول ايه؟ هو مش جسدك ده امانه؟ واحنا يا مسلمين بنحافظ على الامانات ؟امال ايه بقى؟ انا عارفه انها عاده وقليل اوى لما كان حد يقولنا افرد ضهرك او شد بطنك او ارفع رأسك بس احنا لازم نراجع نفسنا وحاسبوا انفسكم قبل ان تحاسبوا خلينا نعيش صح اللى باقى من عمرنا وخليك قد الامانه اللى ربك امنك عليها اقف مع نفسك واعدل جسدك واستقم وانصح غيرك واوعدك انك هتحس بفرق كبير واكيد هتمنع تشوهات كتير ممكن اوى تحصلك وساعتها هتندم يوم لا ينفع الندم وانت ماشى امشى صح وانت جالس اجلس صح وانت نايم نام صح عايزه تعليق كل واحد فيكم يكون عباره عن وعد انه بجد هيقف مع نفسه ويصلح من نفسه وهيستجيب لاستغاثه عموده الفقرى وارجو ان اكون قد افدتكم وخليكم فاكرين ان المؤمن القوى خير عند الله من المؤون الضعيف

بحبك يا مصر وبعشق ترابك............... وألف المداين وأرجع لبابك

وأحس بكيانى .......... وكرامتى فى رحابك

يقولوا فقيرة ........ يقولوا أسيره.......... يقولوا حزينه

يقولوا اللى يقولوه ........... أنا شايفك أميره .....وأحبك يا مصر

بحبك ملايه......... ومنديل فى أيديا

مقالب من أختى....... وغتاته من أخويا

بوسه من جدتى........... وعتاب لصاحبى

ودعوه من أمى........ تنسينى همى

وحكمه من أبويا

وأحبك صبيه ...... على البحر جايه.......... فى ساعه عصارى

ونسمه قبالها ........ تطير فى شالها

تبين جمالها ........... وترجع تدارى

وأحبك مراكب .......... تعدى اللى راكب ........ لبر الامان

تدوب جوا نيلك............. ويعطش يجيلك .......... يقولك كمان

وأقابلك ببوسه........ فى زفه عروسه

ولمه فى بيتنا....... مع ولاد حارتنا

تدق المزاهر..... ترد المزامر......... تزغرد جارتنا

نهلل ......... نغنى ........ وحلم التمنى....... ينور ليليتنا

وأحبك زياره....... لبيت عم سيد

ده أصله فقير .......... مش هيقدر يعيد

نعيد عليه......... نفرح عينيه.......... ويدعيلنا دعوه بمليون جنيه

فى أرضك يحس الغريب انه مصرى وأحنا الاجانب

ويلقى الرعايه ويلقى الحمايه على كل جانب

ويمشى فى ربوعك.. ويشبع فى جوعك ..ويعمل مصايب

ويرحل وينسى.... جميلك ويقسى........ ويطلع يعايب

ويرجع تسامحى...... يا ساكنه فى ملامحى ... يا ست الحبايب

ولادك بنوكى......... وبروحهم فدوكى

ويشهد عليهم ترابك فى سينا

ومنهم باعوكى .......عشان الشيروكى...... وفيللا فى مارينا

يعيشوا فى خيرك... ويدوه لغيرك ......... ولاد اللذينا

ولو جار زمانهم.......يعودوا لمكانهم........ يلاقوا السكينه

وتنسى جحودهم ...... وتبكى عليهم..... عنيكى الحزينه

فى أر ضك سرحت...فشلت ونجحت......وعشت ببساطه

صاحبت الحمام.......ونمت فى سلام....... ولو عل البلاطه

تغير فى شكلى ... همومى ومشاكلى ....... لكن روحى لأ

روحى هيه هيه طاهره وعفيه ونقيه وزكيه

ماهو أصل المصرى طيب .......ومهما قالوا عنه ......برده أصله طيب

أعبر بغنوه....... وأقول نكته حلوه....... لكن يأس لأ

ما طيقش الغتتاته......وقلبىالمسالم ما يعرف شماته

وأقول بالتلاته.................... بحبك... بحبك.... بحبك..... يا مصر