من حقها

ما يسمى بأسطول الحريه اثناء اتجاهه لقطاع غزه المحاصر من قبل اسرائيل

انا مسلمه وأنت مسلم أنا عقلانيه فهل أنت عقلانى؟

من حق اسرائيل انها تعترض ما يسمى ب(اسطول الحريه) لانها خايفه على امنها ويا عالم مش ممكن الاسطول يكون بيهرب اسلحه لقطاع غزه وكمان اسرائيل دلوقتى محاصره قطاع غزه يبقى براحتها بقى تدخله اللى هيه عايزاه ومتدخلش اللى مش عايزاه وزى ما قال الضابط الاسرائيلى اتجاه اسطول الحريه نحو قطاع غزه خطوه مستفزه واكيد اى قول او فعل يستفز اى انسان بيكون رد فعله عدوانى ( الا من رحم ربى طبعا) وده كان رد فعل اسرائيل تجاه فعل استفزها ده رأيى ومستعده أقنعكم بيه 
لكن كما قال الامام الشافعى رحمه الله وجمعنا به يوم الدين


(رأيى صواب يحتمل الخطأ ورأيهم خطأ يحتمل الصواب)
وأنا بطبق القول ده فى الموضوع




مستعده ومتأهبه اتم الاستعداد والتأهب لتعليقاتكم

 والسلام عليكم ورحمه الله وبركاته

أسرانا...............لم و لن ننساكم

 لا أعرف من اين أبدأ فالقضيه مألوفه لدينا _نحن المسلمين_ ولن ننساها ولكن........هل تناسيناها؟؟؟

أسرانا يعذبون ويهانون معامله الصهاينه للحيوانات افضل بكثير من معاملتهم للاسرى 

موتهم ارحم من تعذيبهم  هناك وراء القضبان يمكثون لا نعرف عنهم شىء معهم الله فالهمهم الصبر

(رغم القيد لم ننكسر واملنا بالحرية اكبر من ايمان شارون بقتلنا) قالها الاسير وليد الدقع عام 2004

  والآن يقولون (صامدوون..............وعشقنا السجون)

سعيد العتبه يكتب من داخل السجن :(إن من عاش تجربة السجن يدرك كم هي طويلة وقاسية لكنه يدرك أنه لا مكان للإستسلام. وأنا عندما أقف اليوم وأعطي شهادتي هذه وأنظر إلى ستة وعشرون عاماً من الأسر فإنني أرى صورة كاملة ذات وجهين: حالة وحشية وسادية وقمع يجسدهما السجان وحالة صمود وبطولة يجسدها الأسير الفلسطيني الذي إستطاع أن يحفظ بقاؤه كإنسان ويصون هويته كمناضل ويواجه هذه الظروف ويحولها إلى مدرسة ثورية حقيقية).

  فايزعبد المهدى زيدات ............شهيد الاسر والسرطان

أعلن نادي الاسير الفلسطيني، صباح اليوم السبت، عن وفاة الاسير المحرر فايز عبد المهدي سالم زيدات، والمصاب بمرض السرطان، في المستشفى الاهلي بمدينة الخليل.

الأسير المحرر زيدات داخل احد المستشفيات

وقال أمجد النجار مدير النادي في الخليل "نحن في نادي الاسير الفلسطيني اذ نتهم ادارة السجون بالعلم المسبق باصابة الاسرى بالامراض الا انها تهمل علاجهم وعندما يصل الى مرحلة الخطر تخبره بذلك ضمن سياسة مبرمجة ومخططة وهذا ما حدث من الاسير فايز زيدات".

وقد اعتقل فايز زيدات بتاريخ 15/2/2006، بعد مطاردة طويلة مع الاحتلال استمرت ست سنوات حيث قامت قوة كبيرة من وحدة ( الدوفدفان ) باعتقاله وخضع لتحقيق مكثف داخل سجون الاحتلال حيث وجهت له تهمة قيادة كتائب شهداء الاقصى والقيام بعدة عمليات ضد الاحتلال.

وحكمت عليه المحكمة العسكرية بالسجن لمدة 12 عاماً، وبسبب سياسة الاهمال الطبي المتعمد التي تمارسه ادارة السجون بحق الاسرى تبين انه يعاني من وجود مرض السرطان رغم انه منذ فترة طويلة يراجع طبيب السجن ويقول له انه لايعاني من شيء حتى استفحل به المرض واعلموه بذلك.

وبسبب الضغط الشعبي والجماهيري الذي نظمه نادي الاسير الفلسطيني في كافة محافظات الوطن من اجل الضغط على حكومة الاحتلال بالافراج عنه ونتيجة جهد متواصل من قبل طاقم خاص من محامي نادي الاسير الفلسطيني، استطاعوا ان ينتزعوا قرار الافراج عنه بتاريخ 2/6/2009 لينقل مباشرة وبقرار من الرئيس محمود عباس الى مستشفيات الاردن لتلقي العلاج ولتبدأ مرحلة جديدة من الصراع مع هذا المرض الخبيث الذي يستوطن في اجساد العشرات من الاسرى، ويعتاش على دمائهم وعاد الاسير زيدات الى الخليل بعد ان فشلت كل الجهود للقضاء على هذا المرض.

الاسرى الفلسطينيون ......حقول تجارب!!!!!!!!!!!!!!

 برزت الى السطح قضيه استغلال الاسرى الفلسطينيين كعينات مخبرية حية لتجريب الادوية الجديدة المنتجة في مختبرات وزارة الصحة الاسرائيلية على اجسامهم، وقياس تأثيراتها على الوظائف الحيوية لاجسام اولئك الاسرى.

ولعل من ابرز تلك الحوادث كانت في حكاية الاسير زهير الاسكافي (28عاما) من مدينة الخليل، حيث تم اعتقاله قبل اكثر من سبعه سنوات تقريبا وهو في كامل صحته العضوية والشكلية، وقد قام المحققون بحقنه بابرة يراها لاول مرة قبل ان يتساقط شعر رأسه ووجهه بالكامل والى الابد .

وهو ونفس ما حدث مع احدى الاسيرات الفلسطينيات من مدينة الخليل حيث فقدت شعر رأسها بعد حقنها بمادة غريبة ايضا اثناء التحقيق.

وذا اخذنا بعين الاعتبار طبيعة الآثار التي يتركها استخدام الاسرى في سجون الاحتلال كحقوق للتجارب على حالاتهم العضوية نجد ان اغلبها يتراوح ما بين تساقط الشعر والاصابة بالعقم وضمور العضلات واعضاء الجسد وكلها مؤشرات تدل على ان التجارب تلك تتم على الهرمونات البشرية وهي مواد كيميائية تتواجد في الجسم بكميات قليلة لتؤدي دور فعال واي اختلال في تركيزها يقود يقود حتما الى نتائج كارثية وهو ما يفسر رغبة المهنيين الطبيين في دولة الاحتلال باستخدام الاسرى لهذا الغرض ذ قلما يوجد متطوع يقبل ان تخضع هرمونات جسده لتجريب الادوية والمستحضرات لشدة الحساسية في التعامل مع تلك الهرمونات وهو ما يؤكد النظرة الفوقية الصهيونية لجميع البشر من ما سواهم  . 

ماذا ينتظر حكام العرب بل ماذا ننتظر نحن الشعب العربى؟

اثبتت المظاهرات والوقفات انها ليست كافيه لتحريك الحكام من ثباتهم العميق

فماذا بعد؟؟؟؟؟؟؟؟؟؟؟؟؟؟

كرهنا الصمت كرهنا الخوف كرهنا الجبن فماذا بعد الكره؟

 (اسرانا.... أغبطكم فمعكم الله والله خير الحافظين)

التاج السلطانى

بناء على طلب مدونه زهرة الاسلام هاخد التاج السلطانى لمدونتى وانفذ شروطه

اولا:الاستاذ جمعاوى (مدونه فكك منى) ربنا يجازيه كل خير يرجع ليه الفضل بعد ربنا سبحانه وتعالى فى تعلمى التدوين بمعنى أصح هو اللى حطنى على اول الطريق  وخلانى اكمل ودايما بيساندنى جزاك الله خيرا يا استاذنا وربنا يجعله فى ميزان حسناتك وده عنوان مدونته بجد مدونه تستحق تقدير صاحبها

http://fokakmeni.blogspot.com/

ثانيا:-هو انا المفروض اذكر بعض المدونين اللى اتعلموا على ايد الاستاذ جمعاوى بس للاسف انا مش عارفه كتير فهذكر المدونات اللى بتابعها

مدونه زهره الاسلام مدونه تستحق المتابعه

http://zahraeleslam.blogspot.com

مدونه عاشقه الجنه

http://sotallh.jeeran.com/

 مدونه ضكتور جدا

http://dactoor.blogspot.com/2008/05/blog-post.html

مدونه مصر الفرعونيه

http://impegypt.blogspot.com/

مدونه أسد

http://asadx.net/node/65

مدونه عمرانيه(مجمع المدونات المصريه )

 http://www.omraneya.net/node/121602

وأخييييرا وصلنا لآخر شرط وهو انى اذكر ست صفات ليا يلا عدوا معايا سته بقى

أولا:دايما بحس ان مش هعيش للحظه اللى جايه انا مش عارفه اذا كان ده وسواس ولا ايه بس الموضوع ده بيفدنى لانى غصب عنى بعمل حساب لكل لحظه بتعدى

ثانيا:انا غامضه حبتين وبتكلم بالالغاز ساعات كتير حد يقولى نفسى افهمك بس انا بقول انه كفايه انى فاهمه نفسى

ثالثا: بيقولوا انى ذكيه مع انى احيانا بحس العكس تماما

رابعا:كتير بحط نفسى فى مواقف بيخااااااااااااااااااااااه ههههههههههههه

خامسا:انطوائيه وبحب الوحده جدا مش بحب احضر  مناسبات اجتماعيه والصفه دى وحشه اوى  واللى قدامى بيفهمنى انى متكبره ومش اى حد اكلمه بس بالعكس بجد انا مش كده انا  الحمد لله متواضعه كتير بيقولولى اغير الصفه دى بس انا بحب الوحده بحبها اوى ومقدرش فى يوم محبهاش وده كان سبب فى انى احب موضوع التدوين لانى هتكلم براحتى واتفاعل مع غيرى وفى نفس الوقت فى حاجز بينا

سادسا :حساسه زياده عن اللزوم والموضوع ده بيتعبنى نفسيا كتير نفسى اتخلص من الحساسيه دى بس مش عارفه ازاى

واحده كمان فوق البيعه بقى: انا مثاليه زياده عن اللزوم مش عارفه اذا كانت الصفه دى كويسه ولا لاء بس الشئ اللى يزيد عن حده يتقلب ضده

الحجاب مش بس طرحه

الحجاب مش بس طرحه والباقى بنطلون او حتى جيبه ضيقه

الحجاب:يغطى منطقه الصدر ومن الخلف ولا يشف ولا يحدد تفاصيل الجسم

هو ده الحجاب الصح

نحاول نلتزم بالحجاب عشان منخافش واحنا رايحين نقابل ربنا ونندم يوم لا ينفع الندم

كلنا فينا صفات حلوه كتير يلا نجملها بالحجاب 

ومنقولش ربنا يهدينا:

(ان الله لا يغير ما بقوم حتى يغيروا ما بأنفسهم) 

ومنقولش بكره يا عالم هنعيش لبكره ولا لاء

ايدك فى ايدى نغير نفسنا قبل فوات الاوان

اصلاح الجيل من اجل التغيير

ندعوكم لمشاركتنا حملة إصلاح الجيل من أجل التحرير .
(حملتنا حملة أفعال مش بس كلام )

والتفاعل مع الحملة

ونفع الله بنا وبكم الأسلام والمسلمين
 

http://forelaqsa20.blogspot.com
 

بجد احنا كلنا محتاجين نصلح من نفسنا

ومحدش يقول انا عاجبنى حالى كده ولا انا مقتنع باللى انا بعمله

نحاول كلنا منكابرش ونشوف اسلامنا قالنا نعمل ايه ومنعملش ايه

كلنا محتاجين التغيير وبلاش ناكابر عشان منرجعش نندم

وانا اولكم طبعا 

بتمنى كلامى يكون اثر فيكوا وفيا 

وربنا يهدى جميع المسلمين

 

كان نفسى

كان نفسى أعيش فى البلد دية

وأتكلم فيها بحرية

ومخفش من أمن الدولة والبلطجية

وأربى ولادى على الحرية

وأعيشهم فى أمن وحياة متهنية

وكان نفسى يعيشوا فى بلد اقتصادية

مافيهاش غلا ولا فقير فى الحتة دية

وأكلهم عيش من غير مسامير مصدية

ولحمة بقر مش كلاب مشوية

ولا تعالوا شوفوا الفاكهة الكيماوية

موجود فيها سرطان يقتل شعب البلد دية

ويقولوا عليها من اللى هيه

ونيجى نكلمهم على الميزانية

يقولوا دى بلد خربانة ومليانة بالعواطلية

ومترميين على كل قهوة شوية

مادة مخطط اليهودية

لدمار الشباب دية

بمخدرات وسجاير من اللى هية

يفرحوا بيها شباب الايام دية

وصحيت ولقيت امى بتصرخ وتقولى ألحقى الملوخية

داهى اكلة اليوم دية

داحنا فى بلد مش أقتصادية

يلا نقضيها فول وفلافل من الأكلة الشعبية
بكرة نلاقيها دخلت من ضمن الميزانية

مدونه زهره الاسلام

النهارده عيد ميلاد الريس

النهارده عيد ميلاد الريس ..
يلا نفرح يلا نهيص ..
مليون مبروك يا سيادة الريس ..

يلا يا ولاد تعالوا نبارك ..
تعالوا نبارك لبابا مبارك ..
دا الفرحة مالية داري ودارك ..

في عيد ميلاده نفرح بيه ..
نإيدله الشمع ندور حوليه ..

يلا هاتوه ..
وحطوا الملح جوه عينيه ..
شلوه حطوه ومدوه على رجليه ..
جايز يحس بطعم المر اللي إحنا فيه ..

رصولوا الشمع واحدة واحدة ..
أه صحيح هما كام واحدة ..
تسعة وتسعين ولا ناقصين واحدة ..

يلا يا ماما يا ماما سوزان ..
قومي ولفي جمب الودان ..
قوليله يا ماما أنت مش دريان ..
ولا أنت نايم على ودانك ..
ألفين مبروك يا بابا مبارك ..

يلا يا أمة رشي الملح سبع مرات ..
داري على التزوير وحرق القطارات ..
داري على النصب دار على النهب ..
وداري على غرق العبارات ..

فين الهدايا منك له ؟؟!!
مين جابله لعبة فيها زمارة ..
ومين جابله طرطور وطيارة ..
ومين جابله البلد فى كباية ..
ومين عملوه انجازاته فى غنواية ..

يلا يا حبايب ..
سقفولوا ..
وافرحولوا ..
علشان يريقك ..
وتبقى نايب ..
أما اللي غايب ..
عن عيدي نايم ..
يا ويله هيكون هو النادم ..
تعلوا عندي بوزع زيت ..
وكمان بوزع فدادين غيط ..
وكمان يلا سكر للبيت ..

شفتوا أزاي انتووا ظلمنيّ ..
بتتهموني ..
لو مش عاجب تعالوا حاكموني ..

دا عيدي الاثنين والثمانين ..
متكسروش الجبين ..
نفسي ..
إن عندي إحساس ..
نفس حد يحبني بس بإخلاص ..

أنسى يا ريس ..
قوم من أعيادك ..
قصدي فوق من أحلامك ..
عيد أيه بس يا عم ..
يا عم عيشتنا مر ..
شفلنا حل ..
مستني جوابك وعمري ما همل ..


منقول .. بقلم : واحد من الإخوان ( مع التعديل )

تقدر تنكر؟

 

  فى عهد الرئيس محمد مبارك (ربنا يحميه) تقدمت مصر تقدما هائلا لا يستطيع احد إنكاره

قرأت هذه الجمله فى احد المواقع التابعه للريس اللى (ربنا يحميه) قريتها من هنا وأصابتنى هيستريا الضحك من هنا

بس انا اقتنعت بآخر اربع كلمات اكيد محدش يقدر ينكر (الا من رحم رب) لان اللى بينكر بيحرم ينكر مره تانيه (الا من رحم ربى )

 بس حبيت ادلل بصوره على صحه هذه الجمله بائعه

بائعه الخضره والشبت بتفرش فرشتها كل يوم مقابل دفع المعلوم _شوفتوا التقدم
_اللى حصل بقى انها مكنش معاها تدفع المعلوم 

مسح الضابط  مسح على راسها وقال(معلوم ايه يا حاجه احنا اخر حاجه نفكر فيها المعلوم المهم انك تشوفى اكل عيشك احنا بنيجى كل يوم عشان نوفرلك الراحه والامن بل وساعدها انها تلم فرشتها بعدما خلصت بيع ساعدها على الآآآآآآآآآآخر

ربنا يحميك يا سعادة الضابط مع الريس فى ليله واحده

هيه دى مصر  وهو ده التقدم اللى هو حد يقدر ينكر؟