الاثنين، 10 مايو، 2010

كان نفسى

كان نفسى أعيش فى البلد دية
وأتكلم فيها بحرية

ومخفش من أمن الدولة والبلطجية

وأربى ولادى على الحرية
وأعيشهم فى أمن وحياة متهنية
وكان نفسى يعيشوا فى بلد اقتصادية
مافيهاش غلا ولا فقير فى الحتة دية

وأكلهم عيش من غير مسامير مصدية
ولحمة بقر مش كلاب مشوية

ولا تعالوا شوفوا الفاكهة الكيماوية
موجود فيها سرطان يقتل شعب البلد دية

ويقولوا عليها من اللى هيه
ونيجى نكلمهم على الميزانية

يقولوا دى بلد خربانة ومليانة بالعواطلية
ومترميين على كل قهوة شوية

مادة مخطط اليهودية
لدمار الشباب دية

بمخدرات وسجاير من اللى هية
يفرحوا بيها شباب الايام دية

وصحيت ولقيت امى بتصرخ وتقولى ألحقى الملوخية
داهى اكلة اليوم دية

داحنا فى بلد مش أقتصادية
يلا نقضيها فول وفلافل من الأكلة الشعبية
بكرة نلاقيها دخلت من ضمن الميزانية

مدونه زهره الاسلام

هناك تعليقان (2):

زهرة(جنى)الاسلام يقول...

السلام عليكم
جزاك الله خيرا على نشرة الشعر بتاعى لاكن مش عارفةى اقول ايه
بس صاحبة الشعر دى نكدية قوى مش عارفة حاسة وبردة همها على بطنها
هههههههههههههههههههههههههه
المفروض ان الكلام دة عنى

صاحبه المدونه يقول...

انا بخالفك الرأى تماما مش وحش اننا نكون حاسين بالبلد واللى بيجرالها ونزعل على الخراب ده لاننا لو محسناش بيها يبقى مش هنحاول نصلحها ولا ايه؟