الخميس، 15 أبريل 2010


بحبك يا مصر وبعشق ترابك............... وألف المداين وأرجع لبابك

وأحس بكيانى .......... وكرامتى فى رحابك

يقولوا فقيرة ........ يقولوا أسيره.......... يقولوا حزينه

يقولوا اللى يقولوه ........... أنا شايفك أميره .....وأحبك يا مصر

بحبك ملايه......... ومنديل فى أيديا

مقالب من أختى....... وغتاته من أخويا

بوسه من جدتى........... وعتاب لصاحبى

ودعوه من أمى........ تنسينى همى

وحكمه من أبويا

وأحبك صبيه ...... على البحر جايه.......... فى ساعه عصارى

ونسمه قبالها ........ تطير فى شالها

تبين جمالها ........... وترجع تدارى

وأحبك مراكب .......... تعدى اللى راكب ........ لبر الامان

تدوب جوا نيلك............. ويعطش يجيلك .......... يقولك كمان

وأقابلك ببوسه........ فى زفه عروسه

ولمه فى بيتنا....... مع ولاد حارتنا

تدق المزاهر..... ترد المزامر......... تزغرد جارتنا

نهلل ......... نغنى ........ وحلم التمنى....... ينور ليليتنا

وأحبك زياره....... لبيت عم سيد

ده أصله فقير .......... مش هيقدر يعيد

نعيد عليه......... نفرح عينيه.......... ويدعيلنا دعوه بمليون جنيه

فى أرضك يحس الغريب انه مصرى وأحنا الاجانب

ويلقى الرعايه ويلقى الحمايه على كل جانب

ويمشى فى ربوعك.. ويشبع فى جوعك ..ويعمل مصايب

ويرحل وينسى.... جميلك ويقسى........ ويطلع يعايب

ويرجع تسامحى...... يا ساكنه فى ملامحى ... يا ست الحبايب

ولادك بنوكى......... وبروحهم فدوكى

ويشهد عليهم ترابك فى سينا

ومنهم باعوكى .......عشان الشيروكى...... وفيللا فى مارينا

يعيشوا فى خيرك... ويدوه لغيرك ......... ولاد اللذينا

ولو جار زمانهم.......يعودوا لمكانهم........ يلاقوا السكينه

وتنسى جحودهم ...... وتبكى عليهم..... عنيكى الحزينه

فى أر ضك سرحت...فشلت ونجحت......وعشت ببساطه

صاحبت الحمام.......ونمت فى سلام....... ولو عل البلاطه

تغير فى شكلى ... همومى ومشاكلى ....... لكن روحى لأ

روحى هيه هيه طاهره وعفيه ونقيه وزكيه

ماهو أصل المصرى طيب .......ومهما قالوا عنه ......برده أصله طيب

أعبر بغنوه....... وأقول نكته حلوه....... لكن يأس لأ

ما طيقش الغتتاته......وقلبىالمسالم ما يعرف شماته

وأقول بالتلاته.................... بحبك... بحبك.... بحبك..... يا مصر

هناك تعليقان (2):

صاحبة المدونه يقول...

مصر فيها حاجات كتير عايزه تتغير بس هل ده معناه اننا نكرهها ونسيبها ونعيش بره؟ اكيييد لاء طبعا لان ببساطه هتلاقى اهلك بره؟ هتلاقى اصحابك هتلاقى الحاره اللى انت عشت فيها؟هتلاقى جيرانك ؟ هتلاقى طيبه اهل مصر؟ هتلاقى حد يقرفك؟بجد بجد معتقدش حب مصر بجد عشان تغيرها للاحسن

صاحبة المدونه يقول...

الشعر منقووووول