السبت، 9 أبريل، 2011

قرار نهاااااااااائى

هسيب التدوين

بالله عليكم بقى ساندونى فى قرارى لأنى من غير حاجه نفسى أماره بالسوء 

على حد علمى أنى مش هرجع التدوين تانى بس يا عالم ربنا كاتب ايه

مش يمكن ربنا كاتب أنى أرجع بكره أدون!!!! يا عااااااااالم

أستودعكم الله الذى لا تضيع ودائعه

هناك 44 تعليقًا:

لورنس العرب يقول...

قرار خاطيء في وقت خاطيء
طالما ان ربنا اعطى لك موهبه فأجعلي الناس تسمعك
وطالما ان الله اعطى لك فكرا فأجعلي الناس تسمع فكرك
فلو صمتنا جملعا وتركنا -من لا يفم- هو الذي يتكلم لضاعت الدنيا

هذا رأيي

مدونه ما كفايه بقى يقول...

لورنس العرب

والله العظيم تلاته لو حضرتك عارف الحقيقه كامله كنت هتأيدنى تماااااااااما فى قرارى

وانا مش بحلف بالله إلا وأنا متأكده من اللى بقوله

دعواتك بقى

أبو حسام الدين يقول...

أنا جد غاضب منك
قرار جائر، ولا يحق اتخاذه.

هذا رأيي.

المرجو مراجعة الأمر.

مدونه ما كفايه بقى يقول...

أبو حسام الدين

والله يا استاذى لو عرفت اللى فيها هتأيدنى بجد

مش عايزه أضايق حضرتك والله بس انا فعلا لازم لازم لازم أسيبه لو كان فى حل غير كده أكيد مكنتش هسيب التدوين لأنه يعز عليا جدا انى أترك شىء بحبه وأترك ناس أثرت فيا بشكل واضح جدا

بالله عليك لا تنسانى من دعائك

وحاضر هراجع نفسى تانى للمره السادسه دون مبالغه

بس كفايه أوى انى مستشعره رضا ربى عنى بتركى للإنترنت

تحياتى الطيبه لك أستاذى ولست قلقه على التدوين طالما أنه يوجد أمثالك :)

استودعك الله الذى لا تضيع ودائعه

ماجد القاضي يقول...

السلام عليكم

أؤيدك أختي أمل في أي قرار تتخذيه بعد تفكير.. ومهما كانت لنا من نصائح فبالتأكيد أنتِ الوحيدة المدركة لما يصلحك..
وفقك الله لكل ما يرضيه عز وجل..
ومدونتك مفتوحة في أي وقت.. يمكن تحبي تفضفضي من حين لآخر.. أو حتى علشان تطمنينا عليكي من حين لآخر. :)

دمتِ سالمة مع تحياتي.

لورنس العرب يقول...

بلاش قرارات متسرعه

بس ده طلبي منك

مدونه ما كفايه بقى يقول...

أستاذ ماجد القاضى

لا تعلم كم رفع تعليقك من معنوياتى أخة\ى بعد أن كانت قد إقتربت جدا من الأرض بعد تلك التعليقات من الباقين

لكن عندما أتذكر أن هدفى من ترك المدونه هدف سامى ونبيل لو علمه الجميه لحيونى عليه وقبل ذلك طبعا انه يرضى الله عندما أتذكر ذلك أعود إلى حاله الطمأنينه والثبات على قرارى

إن شاء الله بإذن الله متكونش دى آخر تدوينه ليا وهرجع بإذن الله لكن هرجهع وأنا عارفه أنى ربى مش غضبان عليا

بالتأكيد كل تحيه طيبه وكل أمنياتى بالنجاح الدائم لك أستاذى

على الهامش: ربنا يكتر من أمثالم يا رب

أستودعكم الله

مدونه ما كفايه بقى يقول...

لورنس العرب

انا بس عايزاك تتطمن أنه فعلا مش قرار متسرع وأنى متأكده مليون فى الميه من قرارى

كده ابقى نفذت طلبك مش كده؟

أم هريرة (lolocat) يقول...

السلام عليكم

بصى حبيبتى لو انت شايفة ان دينك وكرامتك هيكونوا بخير لو تركتى التدوين والانترنت خلاص انت ادرى بالخير لك
ولو كنت عارفة انك بتعملى شىء طيب للناس فى مدونتك من غير اى اخطاء شرعية برده خلاص ترجعى تانى لمدونتك
فى الاخر انت اللى تحكمى الخير بالنسبة لك فين مش حد تانى
وفى كل الاحوال ربنا معاك ويهيىء لك من امرك رشدا

تحياتى لك وتقديرى حبيبتى

محمد محمود عمارة يقول...

أستاذة / أمل
لأول مرة لن أمزح في تعليق .
تقول الأمثال أهل مكة أدرى بشعابها. طلبنا منك ألا تتخذي هذا القرار لكن هناك ماتعلميه و لا نعلمه فأنت أدرى طالما فكرتي و تدبرتي. أعلم أننا سنفتقد أخت صغير سنها ، كبيرة بأدبها و فكرها ، لكن عزاؤنا أن في ذلك راحتك.
و عموماً مدونتك موجودة ، مرحباً بك في أي وقت . تقبلي تمنيات أخ أكبر ، أي نعم مش إخوانجي بس أخ أكبر سيفتقدك هو وبقية المدونين.
بقول إيه : متأجري المدونة بدل متسيبيها فاضية اليومين دول.

لورنس العرب يقول...

لا
مش مشكله- فكري تاني
شوفي
انا يصعب عليا شيء واحد
وهو ترك الساحه لمن لا يفكر ليتكلم
ومن يفكر يبتعد بنفسه عن الاحداث
ده مش صح

MR.PRESIDENT يقول...

تروي واستشر

لورنس العرب يقول...

في الاوقات الصعبه أو الحالات النفسيه الضيقه، الواحد بيبحث عن من يفكر مثله ويتحدث معه، ده شيء معروف من زمان، فلو مشيتي انتي ومشي سيادة الرئيس ومشي باقي الاصدقاء هانقعد نعمل ايه ونتكلم مع مين؟

وردة الجنة يقول...

حبيبتى امل

انا والله مقصدتش اى حاجة خالص من الكلام على البوست اللى فات كا قصدى انك تفكرى بس

بس شكل الموضوع فعلا ممكن يكون عندك حق فيه واسبابك شكلها قوية اوى عشان تبعدى احنا اكيد هنتمنى ليكى الخير

ربنا يوفقك يارب ويكرمك

وهنستناكى اكيد تانى فى يوم من الايام وهيكون عندنا امل

وبجد هتوحشينى والله العظيم جداا جدااا

لك التقدير والاحترام عزيزتى الغالية

الشاب الصح يقول...

السلام عليكم و رحمه الله و بركاته

اولا احيكى على صدقك مع نفسك بجد رائع
و انا اوافقك فى التوقف عن التدوين لانى شعرت الى رغبتك القويه الصادقه من اجل مصارحت نفسك و الرغبه للتغيير الى الافضل و لكن بشروط من وجهه نظرى حتى يتم الامر على ما هو افضل ان شاء الله:
1-ارضاء الله عز وجل و تكونى راضيه عن نفسك
2-الحفاظ على نفسك و هذه من اهم الشروط
3- وضع هدف للمرحله القادمه و ياريت يكون الهدف مكتوب حتى تتذكريه من حين الى الاخر
4-يكون ليديك رغبه قويه جدا فى النجاح فى الطريق مع الله
5-كونى قريبه من اعز اصدقاءك يعينك على الخير
6-اخذ وقتك كافى لترتيب اولوياتك و اوراقك بصوره صحيحه من اجل ارضاء الله ثم نفسك و ليس ارضاء الناس فقط
7-بعد كل ذلك و كان فى رغبه للتدوين ترجعى على اساس جديد فى كل شئ

حبه فرفشه:
شعور رائع عندما يرى انسان اناس من حلوه يسعون على البقاء معهم بجد انا اغبطك على شعور هؤلاء نحوك .
اهم الشروووط على الاطلاق:
متابعنه مدونتى و الا.........)/(
هههههههه ربنا يبارك فيكى ان شاء الله تجدى فى مدونتى ما يعينك جزاكم الله خيرا

اسأل الله العظيم رب العرش العظيم ان يكتب لكى التوفيق و السداد و الحمد لله رب العالمين
========>♥ ◕‿◕ ♥<========
هناك أناس يعزفون على أوتار صمتنا ألحاناً رائعة ، لنا فخر بمعرفتهم ، فليحفظهم الله و يسدد خطاهم.
========>♥ ◕‿◕ ♥<========

ENG./ELSAYED,PMP يقول...
أزال المؤلف هذا التعليق.
ENG./ELSAYED,PMP يقول...

قرار صائب جداً جداً ... و قد قرئت فى بعض تعليقاتك رغبتك فى الابتعاد عن الانترنت بالكلية ... فأستشعرت مدى صدقك ويقينك والبناء المنطقى لقرارك .

أكاد أجزم أنك أنسانة أمها راضية عنها ودعيالها .

أنا على النت من أكثر من 10 سنوات ... خسرت أكثر مما كسبت .

النت ده من أكبر خدع التاريخ ... المليىء بالخدع ... !

لم نكن اصدقاء ف التدوين ... ولكننى كنت استشعر طيبتك وإيمانك الكامل بما تعتقدين ... لقد تركت التدوين ورجعت له اكثر من مرة وفى كل مرة تركته فيها كنت أفضل مما عدت اليه ... عمر الانسان قصير وما هو مطلوب منه خلال هذا العمر القصير كثيراً جداً ... الأقبال على الشأن الشخصى والأسرى والعائلى و الجيران مقدم وبشكل كبير على الاقبال والاهتمام المجتمعى ... والشأن العام الذى هو كفيل بضياع الوقت والجهد دون الوصول الى اى حقائق من اى نوع ...!

التدوين وهو شق لا يستهان به من الانترنت ... فتنة كبيرة ... شاء من شاء وأبى من أبى ... أن هذا هو خلاصة تجربتى ... السؤال الان لماذا لا تغلق هذا الموضوع للأبد ؟ ... أدخن من حوالى 20 سنة واعلم مصائب التدخين ... وكم اقلعت وعدت ... ولكن هناك من وبفضل الله اقلعوا للأبد ...!

لن أدخل فى تفاصيل لماذا الانترنت والتدوين وبشكل خاص فتنة كبيرة ... فهذه قناعتى الشخصية الغير ملزمة لأى أحد ... ولولا أنك على الطريق الصحيح بفضل من الله ... لما كتبت لكى هذه الكلمات ... فأنت قد حسبتيها جيداً وبفطرة طيبة سوية أعانك الله ... وما هذه الكلمات سوى غبطة لما قررتيه ... !

هذه الكلمات سوف يستاء منها الكثيرون ... ولكنى والله أكتبها لكى انتى فقط لأنك قد وصلتى للحقيقة المجردة فى شأن الانترنت والتدوين بصفة خاصة ...!
ملحوظة : لا أقفز فى نفسيتك ولكن هذا ما اعتقده .

قد تعودين للتدوين ... احتمال ... ولكن أليس الأفضل أن تدونى ما تريدين فى كشكول أو كراسة ... ولما لا وانت لا تبغين بعد سنتين ثلاثة من التدوين ان تطبعى كتاب - مخيلاً لكى الشيطان - أنك الاديبة العالمية أمل شاهين - ارجو ان تفهمينى انى اتكلم ف المطلق عن اشياء كثيرة وليس عنك تحديداً - أقول أليس من الافضل ان تدونى ما يتبادر لذهنك ف كشكول مثلاً ...!

أعود فأقول ... هل من المنطقى أو العقلى أو أى شىء أن أرتبط ألكترونياً ونفسياً مع أناس من شتات الأرض و الجيران على بعد أمتار منى لا اعلم او يعلمون عنى اى شىء - اتكلم ف المطلق مع اختلاف البيئات والثقافات - أقسم لك بالله أننى أتصل يومياً ببعض معارفى - على اتفاق مسبق لهذا الاتصال - خوفاً من ان اموت لا يدرى احد بذلك كونى اعيش وحدى حالياً ... ولا أعيش ف صحراء ولكن جيران هذا العصر كلاً منهم فى وادى ...! وأنا كذلك

لقد بهرنى الانترنت كما بهر غيرى ، لم أدون اتعقاداً فى نفسى أننى عندى ما اعطيه لغيرى خبرة او تجربة او علماً أو فهماً بقدر ما استفاد من خبرات وتجارب وعلم وفهم الاخرين ... وأفقت على حقائق كثيرة مثل التى افقتى عليها وتخجلين من طرحها على الملاء لعدم تجريح وإيذاء أحد ...!

أذهلنى عالم التدوين فى البدايات ... ثم أكتشفت فيه الكثير من السوء ... وبنوعيات مختلفة من هذا السؤ ... حاولت ان اجد اى مبرر لأنى ادون أو حتى أعلق ... فلم أجد ما يرضينى تبريرياً ... كذلك وبتحليلى للأخرين لم أجد مبرراً أستحسنه ... أشفقت على الكثيرين المخدوعين ولكنى لا استطيع ولا املك الصلاحية لنصح أحد ...!

ربنا يوفقك

إذا كان ما سردت بعيداً كل البعد عن معطيات ومنطقيات ابتعادك ... اعتبرى هذا التعليق مجرد خيال خاطىء .

مقولة عن فيلسوف فرنسى لا اذكر اسمه :

( أكتب لى جملة واحدة وأنا استطيع أن أذهب بك بها إلى المحكمة )

mrmr يقول...

ياريت مش يكون قرار نهائى
انصحك باخذ اجازه فتره وبعدين قررى
ومهما كان قرارك فالكل سوف يحترم هذا القرار ما دام فى منفعتك

تحياتى وبالتوفيق

sun of free dom يقول...

لا راجعيه

الموهبة ماتستحقش كدة

افروديت يقول...

السلام عليكم

أمل ...لاحظت من ردودك علي بعض التعليقات من أن هناك سبب ماهوالذي يضطرك لهذاالقرار الغير مرضي بالنسبه لي ....

التدوين أدمان ...حالة ... حب

أعلمي أنكي حتي لوتركتيه لفترة سوف تعودي من نفسك لأنك ستتوقي له

ولكن رأيي الشخصي لا تتركيه اذا كان قرارك مؤقت فأهلآ به أمادائمآ فلا لا

أنتي هناتخرجي مابداخلك افكار كلام حكايات كل هذا يهون عليكي وعلي كل من يدون

تروي أختي وسنحترم قرارك أيآ كان
تحياتي لكي

سبايدرمان يقول...

بصي انا هقولك كملتين ابرك من مليون
دوري على مصلحتك الاول
لو النت او التدوين او في حاجه شغلاكي او معطلاكي في حياتك
سيبها فورا
و مع احترامي لجميع
سيبك من الى يقوك قرار صح او غلط
دوري على مصلحتك الاول
محدش هيخاف على مصحتك اكثر منك

وربنا يوفقك في حياتك كلها ان شاء الله

محمد الجرايحى يقول...

نسأل الله تعالى ان يهدك إلى ماغيه الخير والصلاح... آمين

أقدم عاصمه فى الحب يقول...

السلام عليكم
.
.
ابدا ما كان بين الاصدقاء الكلام
انها المشاعر التى تعجز الكلمات عن ترجمتها .. شيئاً ما غير ملموس .. هو الذى نترنم معه على لحن الحب هو الذى يسمى

.. جزء من حبى لربنا ..

أحببت هنا أشياء كثيره .. وخاصه الانتماء الذى تمتلكيه لبلادك وفخرك بها
.
.
بس تعرفى بقه ..
ممكن احنا فى اى مكان نذكر ربنا ونرضيه بدليل كلامك انك كنتى مستفيده ميه فى الميه من ناس انتى سعيده انهم متابعينك ومهتمين ببعضهم .. مجال جميل واخد جزء من حياتك مش سهل انك تخرجى منه بالسهوله دى .. انا مستبشر خير انى انتى هتفكرى تانى وهتتخذى القرار الصح ..
وأيا كان القرار هو ايه .. هفضل افتخر بإنى كنت اعرف حد زيك
وعلى فكره ما تنسيش ان الباب مفتوح فى بلوجر ومش هيتقفل ابدا
ودى وإحترامى :)

مدونه ما كفايه بقى يقول...

أم هريره

انتى عارفه انك هتوحشينى أوى مش كده؟ مش محتاجه أقول يعنى

كلامك صحيح أنا اللى بحكم على نفسى مش أى حد تانى لأنى انا بس اللى عارفه نفسى ومخابئها وأعرف أزاى أروضها وأعيد تهذيبها

كل تحيه إجلال وأحترام لكى حبيبتى

مدونه ما كفايه بقى يقول...

أستاذ محمد عماره

جزاك الله خيرا على الجمامله الجميله دى ولو أنى أرى أنك تتحدث عن شخص آخر سيدى :)

فكره تأجير المدونه فكره جميله لو حضرتك ممكن تتفضل تكتب فيها حتى عودتى فأنا أكيد هكون فى قمه السعاده أستاذى :)

تحياتى لك وجزاك الله خيرا مره ثانيه

مدونه ما كفايه بقى يقول...

لورنس العرب

طالما أنه يوجد أمثال الاستاذ ماجد القاضى والاستاذ محمد الجرايحى والمنشد أبو مجاهد الرنتيسى والدكتوره ستيته فأنا جد مطمئنه على التدوين

ولكن كما قلت لىعوده بإذن الله لكن متى الله أعلم

تحياتى لك سيدى

مدونه ما كفايه بقى يقول...

انا الريس

حااااااااااااااضر :)

مدونه ما كفايه بقى يقول...

ورده الجنه

يا حبيبه قلبى أنا كنت بهزر والله مش أكتر أنا عارفه ان قلبك طيب والله :)))))

أه والله يا فله انا اسبابى قويه جدا وكفايه أوى انى مستشعره رضا ربنا عنى لمجرد أنى قررت أسيب النت وسنينه :)

انتى عارفه طبعا انتىهتوحشسنى قد ايه بس البعيد عن العين مستحيل مستحيل يكون بعيد عن القلب مش كده؟؟؟

موووووووووووه بوسه كبييييره على خدودك

مدونه ما كفايه بقى يقول...

الشاب الصح

مش بقولك ربنا بعتك ليا:)

حااااااااااااضر والله هنفذ نصيحتك على أكمل وجه:)

هكتب هدفى وأعلقه عندى فى الأوضه عشان يكون دايما قدام عينى تمام كده يافندم؟:)

جزاك الله خيرا على الغبطه وأنا مطمئنه على التدوين طالما أنك فيه أخى ..... أه وربنا :)

أكيد طبعا هتابع مدونتك وأقرأ كل جديد أول لما متلاقيش تعليق ليا عندك يبقى تعرف أنى قرأت موضوعك بجد والله هدخل وأتابع لكن فى الأغلب مش هعلق إلا لو فيه استفسار بقى يبقى فى الحاله دى مش هعلق برده ههههههه تأكد أ ننى سأقرأ كل ما ستكتبه أخى فهل من العقل أن أجد من ينصحنى وأبتعد عنه ؟؟!!!

كل تحيه طيبه لك أخى الكريم :)

مدونه ما كفايه بقى يقول...

البشمهندس السيد

عارف حضرتك أنا حاسه أنك دخلت جوايا وعرفت الحكايه كامله وعلى أساس معرفتك بتتكلم

على الرغم أنى ليا قله من التحفظات على كلامك لن أبيح بها :)) إلا اننى موافقه على أغلب ما قلته بل وتركت التدوين من أجله فعلا

(أدمنا الانترنت وهو جعلنا نصنع لأنفسنا عالم خيالى بعيد جداعن الواقع بل وبعيد أيضا عن آمالنا التى كان من الممكن أن نحققها فى الواقع وتخلينا عنها من أجل أن يرضى الانترنت عنا........ وعندما أدركت الواقع حزنت على ما تركته يضيع من يدى من أجل ذلك اللعين وأقسمت ألا أعود لذلك العالم خيالى مره أخرى) هذا هو رأيى عن الانترنت عامة

أما التدوين فله مميزاته وله عيوبه ومن أجل تلك العيوب سأترك التدوين أو بالأحرى سأترك الانترنت كله

سعيده بكلامك أخى وأشعر أنه يوجد من يعرف ما بداخلى فعلا

كل تحيه طيبه لك أخى

مدونه ما كفايه بقى يقول...

مرمر

هرجع أوك؟؟؟؟؟؟ لو شاطره بقى استنينى:)))) بس أمتى الله أعلم سيبيها على الله :))))

موووووووووووووووه عارفه دى أيه ولا لاء؟

مدونه ما كفايه بقى يقول...

صن اوف فريدم

الموهبه تستحق نعمل فيها أكتر من كده لو بنعصر ربنا من خلاللها صح؟؟؟

مدونه ما كفايه بقى يقول...

افروديت

كلامك صح والله وأكيد هرجع بس مش دلوقتى كل اللى اعرفه انى دلوقتى عايزه أبعد عنه نهائيا وببقى متضايقه جدالو أضطريت أفتحه لأى سبب قهرى

انا سعيده بقرارى جدا وهتوحشونى كلكم جدا جدا بس للضروره احكام برده ولا ايه؟؟؟؟

كل امنياتى الطيبه لكى حبيبتى :)

مدونه ما كفايه بقى يقول...

سبايدر مان

انت كده قلت ما قل ودل ...... اه وربنا

ياااااااااااااا رب ويوفقك انت كمان اخى

مدونه ما كفايه بقى يقول...

استاذ محمد الجرايحى

اللهم استجب اللهم آمين

جزاك الله خيرا على هذه الدعوه الطيبه النابعه من قلب متعلق بربه

مدونه ما كفايه بقى يقول...

أقدم عاصمه فىالحب

عايزه أخرج من هنا وأنا عارفه أنك مش مدايق منى لأى كلمه قلتهالك اوك؟؟؟

وطبعا حضرتك عارف قد ايه بفتخر بيك يا ابن بلدى :)

أطمن هرجع إن شاء الله هرجع بس هرجع وأنا عارفه ان برجوعى مش بغضب ربنا أمتى ده بقى الله أعلم بس أكيد بتمنى يكون فى أسرع وقت

وإلى أن يحدث ذلك كل التمنيات لك أخى بالنجاح والتوفيق فى حياتك

وتذكره من أخت لأخيها الكبير لا تنسى
أبدا أن الله يراك أينما كنت :)

استودعك الله أخى

شريف صابر يقول...

امل بجد لو كان السبب هو رضا الرب وانتى حاسه ان قرارك ده فيه ارضاء لربنا استمرى على موقفك ده واكيد لما نصبر على بعدك ونرضى بيه ربنا هيجمعنا تانى باحسن حال وخلى مدونتك مفتوحه ومن وقت للتانى طمنينا عليكى

♥نبع الغرام♥♪≈ يقول...

حبيبتى

لو انتى مرتاحه لكده استمرى

وقلبى معاكى

بس ياريت مش تقفلى المدونه اهو حتى نطمن على اخت اكتسبتها وحبيتها لوجهه الله تعالى

ربنا يقويكى ويثبتك حبيبتى

esraa يقول...

السلام عليكمأ
أختى الحبيبةل
لا أحد يعرف أين الخير و لكن الله هو المعين
لو شعرتى اختى الكريمة أن التدوين يقلل إيمانك أو يؤثر على قوته عندك فاتركيه غير آسفة
أما ان كان التدوين شيئا يعينك على ألا يكون عندك وقت فراغ او يكون حاجزا يمنعك أو يشغلك عن ذنب فما أجمل التدوين و أحلاه....
دمتى فى رعاية الله
و أدعو الله أن يوفقك لما يحبه و يرضى
قبل ان اذهب التدوين قد يشغلك عن الجلوس مثلا على الفيس بوك أو الجلوس امام التليفزيون بقنواته الهابطة (ليس كلها) و اعلامنا الذى مازال يخدعنا
اما لو استبدلتى الوقت الذى تقضينه فى التدوين بقراءة جزء من القرآن فامضى فى قرارك

rack-yourminds يقول...

بس سيبي مدونتك مفتوحه لعل في يوم من الايام تغيري قرارك وترجعي لها

انا اخدت اجازه من التدوين لاكثر من سنه واديني اهو رجعت وبزهق واخد اجازه اخري وبرحع تاني وهكذا

أقدم عاصمه فى الحب يقول...

وحشتينى :)

أقدم عاصمه فى الحب يقول...

يا رب تكونى بخير :)

ماجد القاضي يقول...

السلام عليكم

لم آتي لأخرجك من خلوتك الإلكترونية.. لكن مررت لأسلم وأطمئن.. أرجو الله صادقا أن يكون هدفك من إيقاف التدوين قد أتى ثماره.. اللهم آمين.

تحياتي أختي الكريمة أمل.

هبة فاروق يقول...

يعنى انا ارجع للتدوين الاقى احبابى اختفو اتمنى رجوعك مرة ثانية ولو بصورة متقطعة
تحياتى