الاثنين، 31 مايو 2010

من حقها

انا مسلمه وأنت مسلم أنا عقلانيه فهل أنت عقلانى؟

من حق اسرائيل انها تعترض ما يسمى ب(اسطول الحريه) لانها خايفه على امنها ويا عالم مش ممكن الاسطول يكون بيهرب اسلحه لقطاع غزه وكمان اسرائيل دلوقتى محاصره قطاع غزه يبقى براحتها بقى تدخله اللى هيه عايزاه ومتدخلش اللى مش عايزاه وزى ما قال الضابط الاسرائيلى اتجاه اسطول الحريه نحو قطاع غزه خطوه مستفزه واكيد اى قول او فعل يستفز اى انسان بيكون رد فعله عدوانى ( الا من رحم ربى طبعا) وده كان رد فعل اسرائيل تجاه فعل استفزها ده رأيى ومستعده أقنعكم بيه 
لكن كما قال الامام الشافعى رحمه الله وجمعنا به يوم الدين


(رأيى صواب يحتمل الخطأ ورأيهم خطأ يحتمل الصواب)
وأنا بطبق القول ده فى الموضوع




مستعده ومتأهبه اتم الاستعداد والتأهب لتعليقاتكم

 والسلام عليكم ورحمه الله وبركاته









هناك 9 تعليقات:

رشيد أمديون يقول...

الحقيقة أن هذا رأيك، ومن حقكِ أن تقولي ما شئت.

فقط أقول لكِ أن المقولة للإمام الغزالي لكنها للإمام الشافعي.

والسلام عليكم.

hend anwar يقول...

امنها ايه بس
دى اصلا مش بلدها
خلينا نكون صرحا هيا قاعدة فى ارض مغتصباها يعنى مش من حقها خالص تنهى وتؤمر حقيقى يهود ومتخلفين وخطوة مستفزة ايه بس يعنى محتل وبيتامر انا مش قادرة افهم دول اتحسبوا علينا بنى ادمين ازاى

hend anwar يقول...

تحياتى اليك

♥ ♥ Amira Samy ♥ ♥ يقول...

غريبة فعلاً تكون بتدافع عن امنها وهى اصلاً مش بلدها و بعدين الاعتداء تم فى مياة دولية يعنى محصلش اى مخالفة من القافلة حتى يتم الاعتداء عليها و بعدين حتى لو بتهرب سلام خلينا صرحا ما امريكا بتمل إسرائيل علناً و محدش بيتكلم لية بس لما يكون فى مساعدة للمقاومة وهم اصحاب الحق فى هذة البلاد
يكون تهريب و إرهاب

تحياتى لك حبيبتى على هذة التدوينة
الراااااااااااااااااااااااائعة

جمعاوى يقول...

طيب ممكن حضرك تفهمينا أكتر ..!!

بصراحة انا ضغطي ارتفع من رايك يقول...

تصدقي انا بعد ماقريت الكلام ده
والله مالي نفس ارد او اكتب تعليق
تحياتي

افروديت يقول...

هههههههههههه..أكيدبتهرجي مش كده!هزعل أوي لوكان ده رايك فعلآ.

-_- يقول...

لا مش من حقها ..

1-اسرائيل هاجمت السفن في المياة الدولية و ليس المياه الاقليمية الاسرائيلية و هذا في حد ذاته جريمة دولية ..

2- هل من حقها انها تدافع عن نفسها و مش من حق الفلسطينيين انهم يدافعوا عن نفسهم ( بفرض ان السفن كان فيها اسلحة)؟

3- من حق اسرائيل انها تقتل مدنيين عزّل ؟

4- من حق اسرائيل انها تقتل الفلسطينيين جوعا ؟

هل من حقك انك تمنعي وصول الطعام لجارتك القعيدة العاجزة ؟

محمود المصرى يقول...

انت فعلاَ شخصيه ممتازه وعقلانيه ياريت تيجى تزورنى وتشوفى موضوعاتى ونبقى اْصدقاء
اخوك
محمود المصرى