الجمعة، 4 يونيو، 2010

الموضوع كبير


السلام عليكم

 

(الموضوع كبير فيا ريت تخليكوا معايا للآخر وطولوا بالكم )

 

طبعا كتير قرأ الموضوع اللى كتبته وكلامى زعل ناس كتير وحرق دم ناس اكتر ورفع ضغط ناس اكتر واكتر


قبل اى حاجه عايزه اقول انى اكيد اكيد مش مقتنعه باى كلمه كتبتها بل انا كنت مضايقه جدا وانا بكتب الكلام ده


ثانيا هقول انا قلت الكلام ده ليه


كنت فى الكليه وبكلم الجروب عن اللى حصل للاسطول واشوف رأيهم ونتناقش عشان انشر القضيه


ردت عليا واحده ربنا يكرمها ويكرم والدها (من الحزب الوطنى) قالتلى نفس الكلام اللى انا كتبته

هو انا مسكتش وناقشتها والحمد لله قدرت اقنعها بالصح الغريب ان كل كلامها كان اوله بابا قالى بابا اقنعنى


بس انا اتحرق دمى زيى زيكم بل ممكن اكتر كمان...........المهم

 

اهدافى من كتابه الرأى اللى يحرق الدم ده:-

 

1-هدفى الاول هو تفعيل القضيه وزى ما بيقولوا خالف تعرف

والحمد لله قدرت احقق الهدف بنسبه كبيره

فى كتير بعتولى على الاميل قالولى انهم مكنوش يعرفوا الموضوع وقرأوا عنه عشان يقدروا يردوا عليا


بجد دى حاجه تكسف ان يكون اخوانا بيحصلهم كده واحنا فى عالم تانى خالص .......ما علينا


2-كنت عايزه اعرف ايه رد فعلكم وطريقه ردكم  يا ترى هتتحكموا فى مشاعركم وتتكلموا  بعقلانيه ولا لاء


لنفترض دلوقتى ان انا واحده مقتنعه بفكره غلط وكل اللى حواليا ساعدونى انى اقتنع بيها كتبت رأيى على المدونه ومستنيه ردكم وكأنى بقولكم أرجوكم قولولى فين الحقيقه


لقيت معظم الردود بتهاجم الفكره وبس من غير ما تصححها

 

انا هيكون موقفى ايه؟  حطوا حضراتكم مكانى


3-كنت عايزه اوصل فكره معينه ان الاقتناع بالصح مش كل حاجه الاهم انك تكون قادر انك تقنع اللى قدامك بعقلانيه وبدون مهاجمه


ثالثا:هعرض كل رد واعلق عليه


1-الاخ الكريم ابو حسام الدين:-الحقيقة أن هذا رأيك، ومن حقكِ أن تقولي ما شئت.

 

اخى الكريم:- من حقى ان اقول ما شئت ولكن اين انت ؟ اخى حث الاسلام على الامر بالمعروف والنهى عن المنكر

رأيى خاطىء فهل ستتركنى مقتنعه به ام ستصححه لى؟


2-sun of freedom :-امنها ايه بس
دى اصلا مش بلدها
خلينا نكون صرحا هيا قاعدة فى ارض مغتصباها يعنى مش من حقها خالص تنهى وتؤمر حقيقى يهود ومتخلفين وخطوة مستفزة ايه بس يعنى محتل وبيتامر انا مش قادرة افهم دول اتحسبوا علينا بنى ادمين ازاى

 

جزاك الله خيرا على ردك الرائع ده  الرد اللى كنت اتمنى ان الجميع يقوله وان خدعتك بعض الألفاظ


3-اختى وحبيبتى سلسبيل: -غريبة فعلاً تكون بتدافع عن امنها وهى اصلاً مش بلدها و بعدين الاعتداء تم فى مياة دولية يعنى محصلش اى مخالفة من القافلة حتى يتم الاعتداء عليها و بعدين حتى لو بتهرب سلاح خلينا صرحا ما امريكا بتمول إسرائيل علناً و محدش بيتكلم لية بس لما يكون فى مساعدة للمقاومة وهم اصحاب الحق فى هذه البلاد


جزاكى الله خيرا وفقتى فى طريقه الاقناع والافاظ  جزاك الله خيرا على ردك الجميل اللى زيك فعلا الجميل لا يقول الا كل جميل


الاخ الكريم استاذ جمعاوى:-طيب ممكن حضرك تفهمينا أكتر ..!!

 

اعتقد حضرتك عرفت اللى كنت اقصده وجزاك الله خيرا على عدم مهاجمتى  ( انا اتبع اسلوبك ليس اكثر)

 

غير معروف: صراحة انا ضغطي ارتفع من رايك ... تصدقي انا بعد ماقريت الكلام ده
والله مالي نفس ارد او اكتب تعليق
:

اخى الكريم جميل جدا الحرقه والضيق اللى حصلك بس هل ده اسلوب لتصحيح وتعديل رأيى الخاطىء ؟



افروديت:هههههههههههه..أكيدبتهرجي مش كده!هزعل أوي لوكان ده رايك فعلآ.

 

اختى افرضى ان انا فعلا مقتنعه بالفكره دى مش هتحاولى تغيرى فكرتى؟

7-الاستاذ شارم:-اسرائيل هاجمت السفن في المياة الدولية و ليس المياه الاقليمية الاسرائيلية و هذا في حد ذاته جريمة دولية ..

2- هل من حقها انها تدافع عن نفسها و مش من حق الفلسطينيين انهم يدافعوا عن نفسهم ( بفرض ان السفن كان فيها اسلحة)؟

3- من حق اسرائيل انها تقتل مدنيين عزّل ؟

4- من حق اسرائيل انها تقتل الفلسطينيين جوعا ؟

هل من حقك انك تمنعي وصول الطعام لجارتك القعيدة العاجزة ؟

بجد ردك اكثر من راائع اتمنى ان الجميع يكونوا فى مثل موضوعيتك
جزاك الله عنى خيرا



انا مقصدش نهائى انى اهاجم ردودكم بس بجد لازم نعرف ازاى نقنع الاخرين لانه مش كل اللى حوالينا بيفكروا زينا

خاصة اذا كان الموضوع مرتبط بالقضيه الفلسطينيه عامه وحصار الصهاينه لغزه خاصة


اطلت عليكم .........اتمنى انى اكون افدتكم


 

 











 

هناك 14 تعليقًا:

افروديت يقول...

اختي الفاضله عندماكتبت تعليقي السابق كان ليس اعتراضآعلي حديثك لآني كنت متأكده إنك ماقلتي هذا إلالهدف ماولكن ليس لأقتناعك بان اسرائيل اللعينه من حقهاومن حقهافالمغتصبون ياسيدتي ليس لهم حق قاتلواالاطفال والشيوخ والمقعدين ليس لهم حق ..نحن فقط من لناالحق وكل الحق في كل شبرمن فلسطين .وأن كناغيرقادرين الان علي أخذه فسيأتي من سيأخذه ويدمرهم باذن الله "وماربك بظلام للعبيد".أن كنتي قراتي ردي علي تعليقك عندي كنتي فهمتي مااعنيه من البدايه ..تحياتي لكي

سلسبيل يقول...

حبيبتى اشكرك كتير على المجاملة

الجميلةدى بجد انا أول ما قرأت

البوست قلت اكيد هيا عوزة توصل

فكرة معينة

جزاك الله خيراً جبيبتى

أبو حسام الدين يقول...

السلام عليكم
شكرا لك على الطرح.
لقد فهت من البداية أنها ليست قناعتك، من خلال ما تنشريه في مدونتك.

جمعاوى يقول...

السلام عليكم

بداية جزاكم الله خيراً على الموضوع


ثانيا

خلينى اختلف مع حضرتك فى عدة نقط

الأولى
قدرى إن حد دخل المدونة و هو فعلا عنده فكر سلبية عن غزة و فلسطين عامة إيه اللى ح يحصل ..

ح يزيد شعوره بكده فعلا ، و يقتنع تماما إنه صح و إنه مش لوحده اللى بيفكر كده ..

( و مش عاوزين نقول إنه المفروض ح يدخل تانى علشان يقرأ التدوينة اللى فيها الرد ..!!)


كان من باب أولى إننا نكتب التدوينة الأولى ، و ثحاول نرد عليها فى نفس البوست حاجة كده زى شبهات و ردود ..أظنها كانت ح تبقى أوقع

جمعاوى يقول...

الحاجة التانية ..

طالما حضرتك أدرتيها نقاش ...فلتكن نقاش بمعنى إنى مش شايف داعى إن اللى معترض على الكلام يبعت لحضرتك على الميل


انا كشخص متابع إستفدت إيه ..ولا حاجة
لإن المناقشة تمت بين حضرتك و بين صاحب / ة الميل ( بغض النظر إن ده ممكن يبقى باب لحاجات تانبة بالنسبة لضعاف النفوس ..)


الحاجة التالتة
و اللى ممكن تتفسر غلط غن حضرتك عملتى إشراف على التعليقات ، و ده ممكن حد يفهمه إن فى تعليقات اتحذفت او إن حضرتك بتنشرى التعليقات اللى تتوافقك مع هواكى


بس ..

دى كانت تعليقاتى المتواضعة ..


دمتم مبدعين

(ست* جنى* الحسن) يقول...

سلامو عليككو..
اولا بحييكى على شجاعتك فى الاعتراف بالغلط.
ثانيا انا كنت واحده من اللى قرو كلامك ومكدبش عليكى فور دمى ومقدرتش ارد وبصراحة ده كان غلط منى بس يمكن الوقت بفسه مداش مجال للفهم اد ماادى مجال للانفجار.
نصيحة من اخت اكبر الحزب الوطنى هيضيعك
لك تحياتى

صاحبه المدونه يقول...

اختى افروديت

انا بس عايزه اسألك سؤال

انتى لى قابلتى اى شخص مقتنع تماما بالفكره دى هيوكن ايه رد فعلك؟

اشكرك لمرورك

صاحبه المدونه يقول...

اختى سلسبيل

you are welcome

صاحبه المدونه يقول...

الاخ الكريم ابو حسام الدين

الشكر لله
اتمنى ان اكون افدتكم

صاحبه المدونه يقول...

استاذ جمعاوى

انا قبل ما اكتب الموضوع حطيت المميزات فى كفه والعيوب فى كفه
لقيت ان المميزات اكتر
وفى نفس الوقت حطيت حل لكل عيب

أولا :اللى هيدخل وهو عنده فكره سلبيه

كان زمانه علق وفى ناس وافقونى على الميل وانا اقنعتهم

ثانيا:انا مردتش اكتب الرد فى ساعتها عشان كنت عايزه اعرف ايه رد فعل حضراتكم وازاى هتتعاملوا مع الموقف ده

ثالثا: بالنسبه للاميل وضعاف النفوس فالاجنور كان شغال معايا الله ينور بعد ما وضحت ان المناقشه مع البنات فقط والرجال على المدونه

بالنسبه بقى للتعليقات والاشراف عليها

ده هيتوقف فى الاساس على حسن او سوء ظن القارىء

مع توضيح انى فعلا كتبت كل التعليقات ما عدا واحد فقط لانه وصلنى بعد ما كتبت الموضوع بالفعل

رابعا :جزاك الله كل خير على الارشادات
جعلها الله فى ميزان حسناتك

ودمتم مبدعين

صاحبه المدونه يقول...

(ست الحسن جنى)

اشكرك على مرورك وارجو المتابعه باستمرار

هو انا مقدرش اقول انى موضوع (من حقها )كان غلطه منى

لانى مكنتش مقتنعه باللى بقوله اساسا

وزى ما قلت ده كان كلام زماتى والدها من الحزب الوطنى
اما بقى موضوع الوقت اللى ادى مجال للانفجار فده كان المغزى من موضوعى اساسا
انه اننا المفروض مننفجرش اول ما نسمع رأى يخالفنا
احنا المفروض ناخد الكلام بعقلانيه عشان نقدر نرد عليه

وزى ما قال الامام
(رأيى صحيح يحتمل الخطأ ورأيهم الخطأ يحتمل الصواب)

وده الاختلاف اللى بينا وبين الغرب للاسف
الغرب اكثر عقلانيه مننا
احنا العرب مشاعرنا بتحكما اكثر

تحياتى لكى

محمود المصرى يقول...

شوفى الاْختلاف فى الراْى لا يفسد للود قضيه ولكن واضح لغة السخريه فى تعبيرك عن الموضوع الى فات انا عارف انك محروق دمك والى انت كتبتيه ده رد فعل طبيعى عن الى حصل من اْسرائيل ولكن عايزك تعرفى ان كل واحد ليه راْيه وهتلاقى الى ينتقدك والى يوفقك على كلامك بس انا عاوزك تكتبى الى جواكى بدون الرجوع الى اْراء الاْخرين عشان كده ممكن تبطلى كتابه ويجيلك بعد الشر الضغط والسكر اكتبى وخليها على الله وبصى لنصف الكوب المليان والسلام ختام
اْخوكى
محمود المصرى

صاحبه المدونه يقول...

استاذ محمود المصرى

انا شايفه ان الموضوع اكبر من مجرد اختلاف رأى وده يوافق وده يعارض

دى قضيتنا احنا المسلمين قضيتنا وديننا


ومن لم يهتم بأمر المسلمين فليس منا

مش كده ولا ايه؟

اما موضوع انى برجع لآراء الاخرين
فالمغزى من الموضوع انى اوصل فكره ازاى نقنع الآخرين بالصح مش لانك شايفه صح بل لان ده هو فعلا الصح

اشكرك لنصيحتك الغاليه واكيد هعمل بيها

تحياتى لك
والسلام ختام

افروديت يقول...

اوك /سؤالك أختي الكريمه لي .لولقيت حدمقتنع بالفكرة سي مثلاصحبتك الاذكرتيهافي البوست..هعرفهايعني ايه اصلافلسطين وليه راحت مننا وأخليهاتشوف كل المجازر والصورالخاصه بأجرام الصهاينه وهي طبعآمش من المريخ وانسانه ع الاقل متعلمة ولومش كانت فأكيدكلناعندناعقل نقدرنفكرونميزبيه وافتكربعدكده انهاهي الاهتقررمين الظالم ومين المظلوم مش بس لوكان بابهاحزب وطني .لا.دي لومقرالحزب نفسه في بيتهم.تقبلي مروري وتحياتي