الخميس، 3 مارس 2011

انا سجدت شكر للبارى فلنسجد جميعا

الف حمد وشكر ليك يا رب انت عالم بحالنا أكتر من أى مخلوق أخر

أخيرا أقال المجلس العسكرى أ وعين عصام شرف رئيس الوزراء وتشكيل حكومه جديده 

بصراحه حبيت عصام شرف أوى دون أن أعرف عنه أى معلومه لمجرد أنه جاء بدلا من أحمد شفيق

المليونيه موجوده غدا إن شاء الله للاحتفال بإقاله حكومه أذيال النظام السابق

ألف تحيه وألف شكر لثوار ميدان التحرير بقضل ربنا ثم بفضلكم أنتم مصر بتتغير فعلا

أحمدك يا رب ومبروك علينا يا مصريين وعقبال باقى المطالب ياااااااااااااااااا رب

البقيه قاااااااااااااادمه لا شك

والسلام عليكم

هناك 13 تعليقًا:

أقدم عاصمه فى الحب يقول...

السلام عليكم
.
مبروك يا بنت بلدى انا عرفت الخبر امبارح بالليل
حاجه تفرح والله
عقبال المحافظين يا رب
إنشاء الله هتم بخير
خدى بقه الخبر الجامد ده
المستشفى الشامله أشتغلت بحكم الحاكم العسكرى اللى كان موجود امبارح فى المستشفى وطلع القرار فى وجود مئات الناس متظاهرين أمامه بناء على طلبه فى وجود جمع كبير من الناس
وإنشاء الله هيمارس نشاطه أكتر وأكتر فى الايام الجايه حسب كلامه
.
بالنسبه لتعليق الاستاذ حسام الدين
انتى قولتى فى حد بيدافع عنى ..؟!
طيب هو انا بهاجمك ..؟!
والله عيب عليكِ انا عمرى ما اهاجم فى مناقشه شريفه بالزات مع بنت بلدى
وكمان الموضوع كبير يا اخ حسام

هو أكتر من اللى حضرتك راسلتنى فيه .. وانا كأحمد طلعت العبد الفقير الى الله عمرى والله ما هتناقش فى موضوع انا أجهله بالعكس .. انا علشان التناقضات اللى حضرتك نوهت ليها من وسائل الاعلام والاشخاص العاديين انا حبيت انى اعرف أكتر مين هما الاخوان .. فبالتالى كان تعليقى حسب مجهودى فى معرفه الجماعه ..
مبادىء الاخوان لا تختلف مع منهج الاسلام فى شىء .. وأنتم كجماعه مسلمه نفتخر بوجودكم فى مصر .. ولكن الكمال لله واحده هناك اشياء تنقص الجماعه انا أصغر من أنى اذكرها لحضرتك لانك ملم أكتر منى بنهج الاخوان ..
وانا قبلت دعوه حضرتك لمعرفه الجماعه أكتر او بصوره اوضح .. وأطمئن فأنا صدرى رحب (( بالى طويييييل يعنى )) .
.
.
كان نفسى أكتب التعليق ده عند استاذ حسام ولكن احب انها تكون فى مناسبه غير دى
مش يمكن تكون المناسبه أنضمامى للجماعه
مين عارف ..؟!
ودى وإحترامى لبنت بلدى :)
وشكرا على إقحامى فى المناقشه اللذيذه دى مع استاذ حسام
وإنشاء الله أكسب صداقه تشرفنى عن طريقك يا أستاذتى :)
ورده بيضا :)

الميكروباص يقول...

أريد ان أعرف كيف تدار مصر الآن
هل هي تدار من جانب مؤسسه عسكريه مسؤوله عنها أم انها تدار من الشارع؟
كيف يتم إقالة رجل لم يعمل إلا أيام؟ وعلى أي أساس تم قبول عصام شرف وهو أحد افراد الحرس القديم لحسني مبارك وكان في وزاره سابقه؟
وماذا ينتظر الناس من شرف وعلى أي أساس فرحوا به؟
هل هو فقط فرح من أجل ان شفيق قد استقال أم ان هناك هدف آخر من رئاسة الوزراء الناس تنتظره؟

مدونه ما كفايه بقى يقول...

ابن بلدى

والله بهزر لو فيه حد يدافع عنى يبقى ابن بلدى قبل أى حد تانى انت على راسى منفوق طبعا كفايه الشيكولاته اللى بتجبها معاك الا هيه فين صحيح؟؟؟؟؟؟؟؟

أنا هوصل الرساله للأخ أبو حسام

(مش يمكن تكون المناسبه أنضمامى للجماعه
مين عارف ..؟!)

يااااااااااا رب هههههههههه

الله المستعان

ورده بيضاء لابن بلدى

مدونه ما كفايه بقى يقول...

لورنس العرب

أولا أشكرك على زيارتك الطيبه

أنا هجاوبك على قد سنى وعلى قد عقلى الصغير وهقول اللى انا فاهماه ويكمن أكون غلط برده

لازم نعرف الأول أن الشارع المصرى هو اللى جاب المؤسسه العسكريه وبفضل ربنا ثم بفضل ثوار مصر العسكريين بيحكموا دلوقتى لكن بيحكموا على أساس أيه هل المجلس من حقه يعمل اللى هو عايزه ويشيل ويحط اللو هو شايفاه صح؟؟؟؟؟؟؟؟؟؟

أسمحلى أقولك لو حضرتك تعتقد كده تبقى غلطان مع أحترامى الشديد جدا جدا لحضرتك

ونلاحظ أن البيان الرابع للمجلس العسكرى كان فى مضمونه أنه مع الشرعيه الثوريه

هرجع أسأل حضرتك تانى سؤال سألته لحضرتك قبل كده بس حضرتك مجاوبتنيش :- حضرتك عارف يعنى أيه شرعيه ثوريه ولو عارفها فهل حضرتك مقتنع بيها؟؟؟

لو حضرتك عارفها ومقتنه بيها تبقى هتجاوب بنفسك على أول سؤال لحضرتك (كيف تدار مصر الآن
هل هي تدار من جانب مؤسسه عسكريه مسؤوله عنها أم انها تدار من الشارع؟)

نروح لثانى سؤال:- دعنى أولا أطره رأيى الشخصى وهو أنه المجلس هو اللى أقال رئيس الوزراء السابق ولطن تجميلا للكلام وحفظا لماء وجه شفيق قالوا ان شفيق نفسه هو اللى قدم أستقاله

ولكن فرضا أن شفيق هو اللى قدم أستقالته طبعا حضرتك عارف أن مع الاستقاله بيقى فيه ورقه ملحقه مكتوب فيها أسباب الاستقاله فلو أسباب الاستقاله مقبوله المجلس بيقبل أستقاله فكيف يكون سبب أستقاله هو أن الشعب الثورى لا يريده ثم لا يقبل استقالته ونقطه تانيه كمان شفيق من أيام النظام السابق كان رده على موقعه الجمل (أنا معنديش أى علم مين اللى عمل كده ) أزاى رئيس وزراء ميكونش عارف ايه اللى بيحصل ثم يستمر فى منصبه واحد زيه ( لو شريف ووطنى بجد)كان قدم استقالته منذ موقعه الجمل

وخلينا عارفين كمان أن شفيق جه لان زوجته كانت صديقه مقربه لسوزان مبارك يعنى (عك وليس كله كويس)

السؤال الثالث : أن مش عارفه شرف كشخصيه ومش عارفه ايه أعماله سب اللى اعرفه أن كبار الرأى العام اللى عملوا لقاء مع المجلس العسكرى قدموا ورقه مضمونها مائه بديل لأحمد شفيق كان فيهم عصام شرف ولأنى واثقه كل الثقه فى الكبار دول أقدر أقولك أنى كمان واثقه فى عصام شرف

حضرتك أتفضل الموقع ده وهتقد تعرف مين عصام شرف http://dostor.org/people/egypt/10/january/9/2484

السؤال الرابع الشعب فرح برئيس الوزراء عصام شرف لانهم طلبوه وده كان واضح فى انه من المائه بديل لاحمد شفيق( رئيس الوزراء السابق والذى هو ذيل من أذيال النظام السابق أيضا)

الشعب فرح لأن أخر أذيال النظام السابق تم إزالته ( مسحه بالجومه إن صح التعبير)

وننتظر بإذن الله تحقيق باقى المطالب فى ظل حكومه عصام شرف من أمن الدوله والحزب الوطنى والمعتقلين وكذلك مزيد من الإصلاحات الداخليه والخارجيه

وبكده أكون جاوبت على أسئلتك وأعترف أنى عصرت دماغى علشان أقدر أجاوبها كلها وبرده ممكن تكون غلط يا عالم

أخيييييييييييرا خلصت كتابه

تحياتى لك أخى

هبة فاروق يقول...

الحمد لله ويارب بكرة يبقى افضل ومصر تبقى فى امن وسلام بدل البلطجية اللى مالين الدنيا

أنا - الريس يقول...

لا تَبتئس بِالظُلم إن غَداً لَناظرهِ قَريب

أَشرق بوجهك ضاحِكاً وَلشمس شانئك الغُروب

ما بَعد غَمّك غَير يو م تطمئن بِهِ القُلوب

رشيد أمديون يقول...

نسيت أن أقول لك مبروك الشكل الجديد.

رشيد أمديون يقول...

أظن وأكيد أن تعليقا لي وضعته هنا يحمل استفسارا، فلما قمت أختي بحذفه؟؟

ツSmiLeY AnGeLツ يقول...

الف مبروك ويارب يكون كويس ويقدر ان يتمم المهم بما يرضي الله
ولا يتغريبة متاع السلطة
الف مبروك عليكم
اعذريني على تاخري
تقبلي مروري ^_^
سلامي لاجمل بنوتة.

elsha3er يقول...

السلام عليكم
أنا أسف ان بقالى فترة مش بزور المدونة لكن والله كان غصب عنى ثانيا الف مبروك وعلى فكرة د\عصام شفيق راجل محترم جدا وسيرته كويسة نضيف لكل دة ان واحد من 3 أسماء تم ترشيحهم لرئاسة الوزراء من قبل الشباب والشعب يعنى يعتبر تعين شعبى مش حكومى ويارب يكون على قدر الثقة ويشكل حكومة تلقى أستجابة وان شاء الله بدأ شعاع الشمس فى الشروق يارب تمها على خير
تحياتى

وردة الجنة يقول...

مبروووووك لينا جميعا ومبروووك لمصر

وعقبال الباقى ان شاء الله وتتم المرحلة دى على خير وتستقر الاوضاع كلها

تحياتى .......

افروديت يقول...

مبروك عليناجميعآ
ويارب يقدر علي المسئولية دي
أول حاجة أسعدتني فعلآ
هي وقف تصديرالغاز للملعونة اسرائيل
تحياتي ومصرحره

Unknown يقول...

أختي العزيزة
أنا معك ووجب علينا السجود والشكر لله
نعم أحمد شفيق يبدوا للسطحي الساذج أنة حمل وديع وهو صاحب لسان معسول
لكنة في حقيقة الامر بقايا النظام البائد الظالم والطاغية
وهو موجود لمحاولة الحفاظ علي الباقية الباقية للنظام
ربنا مايرجعة تاني