الاثنين، 28 فبراير 2011

وأسفاااااه

خبر أسفت لسماعه كثيرا لكنى كنت أتنبأه أيضا

عند أحتراق قسم شرطه كفر الدوار وجد به ملفات تثبت أنه يوجد دسائس من أمن الدوله فى جماعه الإخوان المسلمين

الأول أحنا عارفي إن أمن الدوله كان يصله مساعدات من أمريكا مش كده؟ الموضوع له ععلاقه وثيقه

بس أزاى؟؟ أزاى يكون واحد من الأخوان منافق ودسيس ؟؟

لاء والأخطر بقى أنه كان أخ من أخوه الصف ( لمن لا يعلم أخوه الصف دول حاجه كبيره فى جماعه الأخوان) ومعنى أنه من أخوه الصفانه منضم للجماعه منذ فتره ليست بالقصيره


بس أنا سلوانى الوحيد أنه كان فيه منافقين ودسائس فى المسلمين فى أيام الرسول

على فكره الخبر ده أنا متأكده منه والملفات اللى بتثبت الكلام ده مع الأخوه حاليا

الحمد لله على كل حال

هناك 27 تعليقًا:

غير معرف يقول...

السلام عليكم اختى الكريمه تب اعامل اعشان موضوع الفيرس ده مدونة اكسجين مصر

مدونه ما كفايه بقى يقول...

انا مش عارفه والله بس أسأل صاحب مدونه المنشد أبو مجاهد الرنتيسى هةو هيدلك بإذن الله

اللي فرط يكرط!! يقول...

السلام عليكم ورحمة الله وبركاته

كما تفضلتي أختي ، الخيانة أمر وارد
دايماً..
الأمريكان ولا الصهاينة والا مخابرات الداخل، كلهم يجب أن تكون لهم أعين من داخل الجماعة نفسها..
وفي هكذا حالات صعب يتم اقحام عنصر غريب أو جاسوس مزودج..
ببساطة يكون الجاسوس هو واحد من الجماعة نفسها.
تلك ضمانة لعدم كشفه، بينما يتم كشف مثل هكذا حالات باستمرار..
آخر فلسطين وجاسوس حماس من حماس اللي بينقل من داخلها للعدو.
وقاحة وخيانة ولابد من عقاب عبرة.

يوم طيب

مصطفى سيف الدين يقول...

الخائن هو كائن يتواجد في اي وسط ويستطيع ان ينمو فهو كائن طفيلي يتغذى على معلومات الوسط الذي فيه وينقلها لمكان اخر مقابل جزء من المال
لذلك ليس غريبا لمن في طبعه الخيانة ان يخون وليس غريبا لمن يحصل على جائزة اوسكار في الخيانة ان يستطيع التمثيل وان يقنع الجميع بعكس ما ينتوي
تحياتي واشكرك

أقدم عاصمه فى الحب يقول...

السلام عليكم

خلاص بقه مش هنلاقى تانى لا دسائس ولا اى حاجه مش كويسه
وكل كجموعه لا تخلو من الخطائين
ما علينا
وبالنسبه لسؤالى انا مش مقتنع بالمره بإنك إخوانيه
فيه حريه وكل حاجه
لكن انا كأحمد بجد مش هتكلم وأقول رأى عن جهل .. انا علشان تقريبا ملم بنهج الاخوان فقولت مش عاجبنى بالمره مع احترامى الشديد ليهم لكن انا مش معاهم فى اى حاجه من اللى بينتهجوها ولو تحبى نتناقش فى زوايا مناهج الاخوان انا مستعد وأحب طبعا انى اتناقش فى الموضوع ده بالزات
بس تعرفى ..
انتى كعقليه شابه فى بلدنا .. اقدر اقول انك أحسن فى اى مجموعه
وعلى فكره انتى ممكن تعملى لنفسك مجموعه لحالك مش شرط تنتمى للاخوان
أعبدى ربنا على طريقتك احنا الدين بتاعنا يسر طبعا ..
انا بعبد ربنا بطريقتى اللى هى بصلى وبصوم ولو فيه فرصه فى اى وقت انى اعلم احجه اكسب بيها حسنات مش بتردد فى عملها بالعكس بسعى ليها بكل حب ومع ذلك انا مش أخوانى ولا سنى ولا سلفى
انا مدون فقير الى الله
عموما إختلاف الرأى لا يفسد للود قضيه
سيبك انتى
كل واحد بيخار طريقه بمزاجه ولا على نهج والده ولا حاجه . بس تعرفى المره دى مافيش شيكولاته المره دى انا اللى عايز شيكولاته .. ماليش دعوه بقه :)

أقدم عاصمه فى الحب يقول...

ولو سمحتى لما تيجى المدونه بتاعتى تانى ما تجيش وانتى اديكى فاضيه انا عمرى ما جيت هنا واديا فاضيه
حتى هاتى طبق عتس حتى
ماشى ...؟!

أفلح اليعربي يقول...

سيدتي الكريمة

تحية طيبة


الخائن يمكنه أن يكون في أي مكان ، والنفاق كان دائما موجودا حتى في زمن النبي عليه الصلاة والسلام فكيف في زمن صار الصدق والإخلاص عملة نادرة


لك تقديري

هبة فاروق يقول...

الخيانة للاسف فى كل زمان ومكان ستظل موجودة ولكننا احيانا نصدم فى شخصيات تكون اهل ثقة ولكننا نعلم ان النفس امارة بالسوء وانا معكى اقول واسفاة على ما نسمعة ونراة الا يوجد انسان شريف ام اصبح الشرف عملة نادرة
تحياتى

حلم بيعافر يقول...

مش فاهم ايه المكشكلة فى وجود الفساد فى اى مكان

hend anwar يقول...

بجد حاجة رخمة اوى لما يبقى واحد بيقول قال الله وقال الرسول

وبيتاجر بالكلمتين دول

Unknown يقول...

السلام عليكم

1- مبروك على الشكل الجديد والاسم الجديد المليء بالبشر والبهجة.
[معذرة على تأخيرها، لكن والله فاتح الصفحة من يومين تقريبا ولم أتفرغ للتعليق إلا الآن!!].

2- بالنسبة لبوست أمن الدولة: معاك تماما في التخوف وكذلك في التساؤل عن نفي المجلس لموضوع إقالة وزارة شفيق..!!! وما استطيع قوله هو أن هذه الأمور (بقاء الوزارة وبقاء رموز الفساد في أمن الدولة) هي مما سيجعل جذوة الثورة متقدة ولن تنطفئ إن شاء الله حتى يتحقق ما تقر به أعيننا..

3- بالنسبة لموضوع المندس داخل الإخوان؛ فاسمحي لي أختي الكريمة أن اقول لك: هذا شبه مستحيل.. ليس لأن الإخوان كتنظيم إداري يستحيل على الإختراق بقدر ما هو لاستحالة تحمل فاسد من فاسدي أمن الدولة كم المراحل والطاعات والأنشطة التي يؤديها الفرد كي يرتقي تلقائيا في الإخوان (كتنظيم)، وهي تفاصيل يصعب الإسهاب فيها الآن..
من ثم فإن حدث ووُجد مثل هذا الشخص فهو واحد من اثنين:
* إما شخص تدرج داخل الإخوان بصدق، ثم تم تجنيده بضغوط شديدة عليه أو على عائلته!! وبالمناسبة مثل هذا لن يرتقي أكثر من مرحلته غالبا :)
* وإما أنه شخص (يعتقد) أنه من الإخوان، لأنه شارك في بعض الفعاليات أو اللقاءات، ومن ثم (يعتقد) رؤساءه أنه صار داخل الإخوان وكلاهما واهم!!! وقد حدثت كثيرا :)

4- اسمحي لي أن أبدي ملاحظة على تعليق أخي (أقدم عاصمة في الحب):
لاحظت أخي الكريم من كلامك أنك - صراحة - لا تعرف شيئا عن الإخوان، وهذا واضح بشدة من دعوتك لصاحبة المدونة بأن تعبد الله على طريقتها!!!!!!!! فهل عرف أحد عن الإخوان أنهم أصحاب مذهب فقهي مختلف أو أنهم يختلفون عن أهل السنة والجماعة في طريقة العبادة؟!!
ثم أن وصول أختنا (صاحبة المدونة) إلى أسلوبها الراقي الحر في التفكير الذي أعجبك أهم روافده الأساسية هو فكر الإخوان الذي تربت عليه (باعترافها في تدوينة قديمة نسبيا :)..
صدقني أخي الكريم، هذه ليست دعوة لتبني فكر الإخوان قسرا، كلا..كلا.. ولكنها دعوة للتعرف على الإخوان من أدبياتهم وليس من الإعلام أو الانطباع الشخصي في بعض التعاملات..

أرجو تقبل رأيي بصدر رحب..
وتحياتي.

mrmr يقول...

صوابع ايديك مش ذى بعضها
مش مندهشه ابدا لان الفساد بيزحف فى كل الاتجاهات حتى لو كانت دينيه
ربنا يرحمنا

مدونه ما كفايه بقى يقول...

لاتى

دعنى اولا اشكرك على مرورك الطيب

كلامك صحيح طبعا والعقاب واجب ربنا يتولانا

مدونه ما كفايه بقى يقول...

مصطفى سيف

أشكرك طبعا على مورك وأتمنى المتابعه

كلامك صحيح بس أنا حابه أعلق على حاجه تانيع

أغبطك أخى على أسلوبك الأكثر من رائع فى التعليق والاسترسال فى الكلام أسلوبك لفت انتباهى جدا فبارك الله لك فيه

كل تحيه وتقدير

مدونه ما كفايه بقى يقول...

أقدم عاصمه فى الحب

التعليق وصل لحد عندك والشيكولاته كمان أى خدمه

أصدقاء دوما

مدونه ما كفايه بقى يقول...

أفلح اليعربى

كل تحيه طيبه لك اخى

كلامك سليم وهذا هو سلوانى

أتمنى المتابعه

حماك الله

مدونه ما كفايه بقى يقول...

هبه فاروق

(اصبح الشرف عملة نادرة
تحياتى)

كلامك فى الجون لكن الدوام الحال من المحال سيعود الشرف ليكون السائد لا شك

تحياتى لكى أختى

مدونه ما كفايه بقى يقول...

حلم بيعافر

اولا دعنا نتفق على شىء انه لم ولن يوجد علم مثالى فلابد من عيوب

الفساد له حد معين لا يجب الا يتجاوز عنه أما إذا فاق الفساد هذا الحد بل وأصبح مقداره أكبر من مقدار الصلاح فهنا تقع المشكله لاننا حينها لا نكون عاملين بقول الله تعالى ( وما خلقت الجن والانس الا ليعبدون) وبهذا سينقلب الوضع على رؤوسنا نحن _سكان العالم_ لا أحد أخر

وهنا يكون سؤالك بمعنى أدق :- فيها ليه لو أنقلب الوضع على رؤوسنا؟

وهنا أقول أن سؤالك غير عقلانى _ مع أحترامى الشديد لك_ لذا لا أستطيع أن أجيب عنه بعقلانيتى المتواضعه

تحياتى لك أخى

مدونه ما كفايه بقى يقول...

شمس الحريه

مش كده برده؟

تحياتى لكى أختى

مرايتى يقول...

حبيبتى مافيش حد ولا مجموعه معصومه من أخطاء أو شذوذ عن قاعدتها
لأننا ببساطه بشر وأكيد فينا الكويس وإلى مش كويس النقاء مش حكر وكمان مش مسلم إنه موجود فى فئه أو غيرها
النفاق كان موجود فى عصر الرسول عليه الصلاة والسلام ما بالك بوقت إمتلء بالفتن والمغريات ومبدأ لازم أنافق علشان أعيش وأبقى حاجه

المهم ربنا يكفينا شر الدسائس والمدسوسين ويارب ما نشوفهمش فى مصر تانى

مدونه ما كفايه بقى يقول...

الأخ الكريم الفاضل ماجد القاضى

فعلا فعلا فرحت أوى بزيارتك لا تعتذر أخى فلكل منا ما يشغله

1- الله يبارك فيك يا رب وأسم المدونه من أختيار مدونه الشاب الصح فله كل الشكر

2- فعلاالحاجه الوحيده الايجابيه فى بقاء الفساد هى أنها تساعد على بقاء الثوره وعدم القفز عليها وهذا سلواننا الوحيد

3- ده اللى حصل فعلا ان فى أخوه _ كما كنا نطلق عليهم_ أخذوا فى الصعود داخل الجماعه حتى الوصول الى مرتبه أخوه الصف حاجه تحير العقل وتفرض الكثير من التساؤلات وأنا لن أخمد قبل أن أجد إجابه عن تلك التساؤلات سواء من الأخوه المندسه نفسهم أو من مكتب الإرشاد أو أو أو وحتى أعرف الإجابه سيبقى عقلى متحيرا وربى يتولانى بقى

4- أنا وصلت تعليقك لأحد عنده فى المدونه

(ثم أن وصول أختنا (صاحبة المدونة) إلى أسلوبها الراقي الحر في التفكير....)
حضرتك لسه مصمم برده على الإشادع بأسلوبى يبقى أكيد بقى أنا مش وواخده بالى من نفسى هههههه

أسلوبى ركيك ومستواه لا يصل الى أقل مستوى فى الكتابه حتى والله أعلم بقى

أشكرك لمرورك الطيب أخى ولك كل تحيه وتقدير

مدونه ما كفايه بقى يقول...

مرمر

اللهم أمين

أشكرك لمرورك حبيبتى

تحياتى لكى

مدونه ما كفايه بقى يقول...

مرايتى

يا رب يا رب يارب

بس تعرفى كل شويه ناخد صدمات من ناس نحسبهم من الئرفاء

أنا خايفه يجى يوم أخد صدمه فى نفسى ربنا يتولانا بقى

تحياتى لكى

الشاب الصح يقول...

السلام عليكم و رحمه الله و بركاته
طبعا هى حاجه مؤسفه جدا بس انا فرحان لانه بين كل واحد على حقيقه و هى زى عمليه الغربله و التطهير و الوحش بان و بالعكس على الامر يزيدنا اخلاص و اخيرا انا من وجهه نظرى خبر زى ده لا احبز نشره!!! لانه بفقد البعض الثقه و يطول بالاخوان كلام العامه الغير فاهمين
تحيتى لك!!!!!!!!!

مدونه ما كفايه بقى يقول...

الشاب الصح

عندك حق كل واحد يبان على حقيقته

بالنسبه لوجهه نظرك فأنا أختلف معاك

الفساد مبقاش ينفع يتسكت عليه سواء داخل الاخوان أو داخل أى جماعه أخرى

وسؤال بسيط لو الفساد ده كان فى أى حزب أخر كنت برده مش هتحبذ تنشره ؟؟؟؟

معتقدش أن إجابتك هتكون بالإثبات

أفضل أنى أكون حياديه وزى ما هعمل مع غيرنا همل معانا بل وأكتر

أما بالنسبه لكلام الناس فربنا موجود وهو عالم بنيه الاخوان وقادر ينصرهم

وأخيرا أختلاف الرأى لا بفسد للود قضيه

تحياتى لك أخى

الشاب الصح يقول...

اللهم لا شماته فى اى حد ولكن دى وجهه نظرى ...اكرمك الله جزاك الله خيرا

مدونه ما كفايه بقى يقول...

اللهم آمين

رأيك يحترم طبعا