الخميس، 27 يناير، 2011

غدا موعدنا لنخرج من صمتنا

سبق وذكرت المظاهره التى ستقام غدا فى كفر الدوار

والان سأذكر بالتفصيل المكان والزمان

المكان عند عمر افندى عند الكوبرى العلى

الزمان بعد صلاه الجمعه مباشره

الرجاء الأتى:

1- احضار كل فرد لافته او لوحه تعبر عما يريده من هذه تظاهره

2- الحذر النهااااااااااااائى عن التبليغ عن طريق الموبايل لان جميع الموبايلات مراقبه وأرجو كل الرجاء غدم التهاون بهذا المطلب والا سيتم قمع المظاهره كما تم قمع شبكه النت

3- السلميه فى التظاهر وأكرر السلميه فى التظاهر كفى ما سيفعله الامن من تخريب ( مش احنا وهما )

4- النيه الخالصه لزجه الله وصلاه ركعتين حاجه ليقف الله معنا وليس علينا








هناك 9 تعليقات:

الشاب الصح يقول...

ان شاء الله خيرا
يا رب سلم

catroz يقول...

ربنا يكرمكم يا شباب بجد ..

ماجد القاضي يقول...

السلام عليكم

أرجو أختي الكريمة عندما يعمل الإنترنت أن تطمئنيني عليك وعلى الأهل.

أقدم عاصمه فى الحب يقول...

انا موجود بالتأكيد زى ما كل صحابى وكل معارفى موجودين بكل حماس وبكل رغبه فى تغير ما نريد تغيره
فنحن شعب كالاسد .. يا ويله من يوقظ اسد من نومه ..
موجود انشاء الله فى اى مكان مصر عاوزانى اكون فيه
ربنا معانا
.
وعلى فكره
انا مش ع8ايز الريس يبقى فى الفتره الانتقاليه .. انا عاوزه يمشى النهارده .. لانى مش متعاطف معاه
ومش صعبان عليا علشان انا ما صعبتش عليه
.
ودى وإحترامى ليكِ يا بنت بلدى وأفتخر :)

زهرة(جنى)الاسلام يقول...

السلام عليكم
من الواضح ان النت كان واصل عندك بدرى انا لسة واصلى انهاردة وهتلاقوا المظاهرة نازلة فيديوعندى
ومبروك الحرية

mallouk يقول...

اللهم عجل بنصرك يا رب
اللهم إنا مغلوبون فانتصر
تحيتي ومودتي

خواطري مع الحياة يقول...

مبرووووووووووووووووووووووك عليك ياصمر
مبرووووووووووووووووك عليك ياشعب الابطال
بكرة يوم جديد امل جديد وحياة جديده
الله يحمي مصر وشعبها

د . عاطف الشهاوى يقول...

اكبر غلطه يا شباب غلطناها اننا فرطنا فى الميدان و اعتقدنا ان الثوره كده خلاص انتصرت مع انها لسه بتبتدى

مدونه ما كفايه بقى يقول...

والله العظيم يا دكتور عاكف عندك حق

احنا متعلمناش من ثوره تونس ادينا اتضربنا لما قولنا هنعتصم تانى وع ان قبل كده محدش كان يقدر يحى جنبنا ربنا يستر