الأحد، 19 ديسمبر 2010

ردا على تعليقاتكم....مدونه الشاب الصح تقول.......

السلام عليكم يا اخوانا ليه شايف فى التعليقات خمول و كسل عن المقاطعه ده واجب شرعى و غير كده مين قال اننا منعرفش نعيش من غير مقاطعه و الله و الله انا مقاطع و عايش قدامكم و بكلمكم و عادى ايه يعنى لو مكلتش حاجه انا بموت فيها و عارف انها مقاطعه المقياس مش كده خالص قال ايه لو مقتعتش مش هعرف اعيش و مع احترامى الشديد 100 طظ فى صنع فى امريكا مين قال ان الصناعه الامريكيه احسن صناعه و فعلا احنا لانملك الا الدعاء و المقاطعه و اللى يثبت ان المقاطعه لها اثر كبير لما الدنمارك سبت الرسول صلى الله عليه وسلم المسلمين كلهم قاطعوا منتجاتها و خسرت كتير من الشركات و افلست و غير كده شيل كلمه اصل انا مقدرش ايه يا شباب احنا شباب و منقدرش امتى هنقدر ان شاء الله و على فكره المقاطعه نوع من انواع الجهاد لو مكنت تعرف تحارب م تقاوم مع اخونا المسلمين فى فلسطين و غيرها من البلاد المحتله شباب لو عايزين الاسلام يرجع تانى و احنا كده يبقى من الاخر جلينا زى اى جيل جه عادى و مات عادى لكن احنا لو عندنا اراده ان شاء الله نقدر نقاطع و مان الاخر ضع نفسك مكان اخوانا فى فلسطين ترضى ان اخوك المسلم يساعد فى موتك لو ترضى انت حر بس اعرف انك هتسأل امام الله عن المقاطعه و الله مش بهزر عايزين رجاله مش هنفع كده خالص و الله وافتكر قول الله عز وجل انك قد يكون الامر عليك صعب دلوقتى لكن اجره كبير و الله
قال الله تعالى : "من ذا الذي يقرض الله قرضا حسنا فيضاعفه له أضعافا كثيرة ، والله يقبض ويبسط وإليه ترجعون"

و قول الرسول
الخير فى امتى الى يوم الدين

من الحديث ده ارجوكم ننفذ حديث الرسول لو بتحب الله و رسوله نفذ اوامرهم ان المحب لمن احب مطيع
و ان شاء الله نقدر استعن بالله ولا تعجز و اعرف انك راجل تقدر تعمل كل حاجه خير مفيش حاجه صعبه و تكون شخصيه مؤثره فى غيرك و تنشر فكره تصبح قضيه و تنال اجر كل واحد سعى للقضيه دى و ان شاء الله يكونفى تعليق اخر للكتبو بانهم ان شاء الله هيقطعو و اخيرا اذكركم ان العلاقه مش بينى و بنكم ولا بينكم وصاحبه المدونه العلاقه بينك وبين ربنا و هنشوف بقه انا بتحب و بتسمع كلام ربنا ولا ايه؟؟؟
اسف على الاطاله و جزاكم الله خيرا


وأفروديت قالت:-وبالفعل كماقالوا من سبقوني بتعليقاتهم صناعتهم أفضل من صناعة بلدنا

ولكنهالاتساوي ثمن قطره دم من طفل فلسطيني أو عراقي


وأنا أقول: لا يوجد ما أزيد به فهم قالوا ما أردت قوله  فما قولكم أنتم؟

هناك 8 تعليقات:

محمد الجرايحى يقول...
أزال المؤلف هذا التعليق.
محمد الجرايحى يقول...

السلام عليكم ورحمة الله وبركاته
ليس هناك اعتراض على المقاطعة فكلنا نتمنى أن يكون لدينا القدرة على المقاطعة الفعلية.
ولكن القسم يضعنا أمام أمانة الوفاء به وهذا صعب ...
هل يمكنناعلى سبيل المثال وليس الحصر مقاطعة مدونات بلوجر وجوجل والوردبريس وبرامج الكمبيوتر...؟
هى كلها صناعات أمريكية.
هذا الوضع مخزى ومحزن.....
لماذا لانبحث عن أسلوب آخر أكثر صدقاً وفاعلية؟
لماذا لانفضح السياسة الأمريكية من خلال مدوناتنا التى هى أساساًصناعة أمريكية
ونكون أكثر فاعلية وموضوعية..مجرد رأى قد يجانبه الصواب.

المنشد أبو مجاهد الرنتيسي يقول...

بسم الله وبعد
أنا رأيي من رأي أخي في الله محمد الجرايحي
عندنا في فلسطين مقاطعون للبضاعة الاسرائيلية ولكن الشيء المحزن أن البضاعة صناعة فلسطينية أو عربية ولكن المواد الخام يأتون بها من ما يسمى بإسرائيل فالمقاطعة الحقة هي أن نستغني عنهم في كل شيء ولكن عربنا بشكل عام ليست عندهم الجاهزية لذلك وللأسف

أخوك في الله \ المنشد أبو مجاهد الرنتيسي

لورنس العرب يقول...

أقولك على حاجه
تعرف اني بنتظر صاحبي اللي في أمريكا لما يحضر مرة كل سنه وبيتل بي قبل ما ينزل بشهر واحد وبقوله على كل اللي انا اريده انا والعائله وبيجيب معاه كل حاجه من اول الموبايلات لغاية الهدوم، والجزم كمان ماركات عالميه واسعارها لا تقارن بما هو موجود هنا في مصر
تعرف ان فيه جزمه قعدت في رجلي 5 سنين وهي صنع امريكا؟
عارف بقولك كده ليه
لأن الصناعه فعلا عندهم شيء مختلف
ورغم فرحي بما يأتي لي من الخارج، فإني لا اخفي حزني على بلدي ذات ال 80 مليون مواطن ومازالت تستورد الابره من الصين
صدقني فلسطين في دمنا ولا يغضبنا شيء في الدنيا أكثر من وجود اليهود على الارض، وما احدثك به -صدقني- أقوله من حزني على الحال الذي وصلنا إليه
لماذا لا نصنع شيء محترم ؟
في أمريكا بيقولوا ان صناعتك هي شرفك امام العالم
فماذا فعلنا في صناعتنا؟ انا تحدثت عن الصناعه في آخر بوست عندي بالميكروباص يا ريت تشرفني وتقول رأيك فيه
الرافضين للمقاطعه مش بإديهم، لو وجدنا البديل -اي بديل في اي شيء- ومن صنع مصر لأتجهنا إليه
احنا بلد ذات 80 مليون يعني المفروض نكون منتشرين في افريقيا والبلاد العربيه بصناعتنا، ولكن مع الاسف اضعنا الدنيا

elsha3er يقول...

أسف ولكنى أعترض على الأسلوب فهو يحمل كثيرا من التهكم والتوبيخ وهذا الأسلوب أرفضه على طول الخط يعنى اية عايزين رجالة وانت اللى بتحدد الرجالة تعمل اية
ويعنى اية نشوف انت بتسمع كلام ربنا ولا لا هو انت اللى بتحدد انى لو منفذتش اكون عاصى

ارفض هذا الاسلوب فى النقاش رفضا صريحا ليس لى فقط بل لكل قارئ تخاطبه بهذا الاسلوب انك بهذا الاسلوب قد انتهكت جميع مبادئ الديمقراطية الليبرالية

الشاب الصح يقول...

@ الشاعر اخى انا ولا قصدى حاجه من اللحاجات اللى انت ذكرتها انما الاعمال بالنيات انا بقول ان المقاطعه من شيم الرجال لان الراجل اللى يقدر تيحكم فى نفسه لا يمشى بهواه و غير كده انت شايف انك لما تشترى المقاطعه انك كده بتعمل عمل كويس ولا بتضر غيرك و (لاضرر ولا ضرار)و اخيرا انا لا قولت انك مش راجل ولا قولت انك عاصى بالعكس انت على راسى من فوق وانت احسن منى 1000 مره و رغم نقدك انا احترمك و هذه وجهه نظرك و الاختلاف فى الرأى لايفسد للود قضيه و جزاك الله خيرا

elsha3er يقول...

أخى الشاب الصح
أولا انا لم أنقدك شخصيا لان دة مش من أخلاقى انا نقدت الأسلوب او الطريقة ثانيا والله كل واحد يعرف مصلحته وعارف لما بيشترى الشئ اليهودى او الأمريكى دة صح ولا غلط وفى كلتا الاحوال انا مقدرش ألوم على حد مش مقاطع لية دى حرية شخصية انا مقدرش أقمعها اللى عايز يقاطع يقاطع طب واللى مش عايز هو حر يا جماعة انا بدافع عن قضية تانية خالص ازاى نكون عايز ديمقراطية فى بلدنا واحنا بنستخدم أسلوب يقمع الحريات وأسلوب تهديدى لو معاملتش ربنا حيوريك انت بتعصى ربنا الاسلوب دة من وجهة نظرى فاشل كل واحد عنده عقل احنا مهمتنا نوضح الدين مش نلزم أختيارات محددة

أرجوكم يا جماعة أرجوكم ما تستخدموش نظام وحنشوف بقى انت حتقدر ولا لا او انت بتطيع ربنا ولا لا أرجوكم لان دة انتهاك للحرية الشخصية

وأخيرا ان مش ضد المقاطعة ولكن انا ضد الاسلوب فى كلام حضرتك وفعلا الاعمال بالنيات بس وانا بقرأ مش حقعد بقى أخمن ياترى نيته أية
وأرجع أقول انا بدافع عن الحرية الشخصية مبدأ مش المقاطعة أو غيرها

الشاب الصح يقول...

@الشاعر جزاك الله خيرا بس اخيرا اوجه كلمه لك
((كنت اتسائل لماذا لا يفعل احدهم شئ فوجت نفسى احدهم))اكيد انا مش قصدى على نفسى واكيد انت فهمت انا قصدى ايه......
تحياتى لك