استجابة للحملة التي أطلقتها الأخت الفاضله (لولوكات - أم هريرة / صاحبة مدونة المدينة الفاضلة) بعنوان (ليه أنت مدون؟) جعلها الله فى ميزان حسناتها
قررت انى أشترك فى الحمله وأدعو الجميع للمشاركه فيها لما لها من فائده فى تقريب المسافات بين المدونين وتوسيع دائره التعارف بيننا
مدونه حنعيش يعنى حنعيش
مدونه الشاب الصح
مدونه مجال خليك فى حالك
مدونه مش عارفه بس نفسى أعرف
مدونه مش عارفه بس نفسى أعرف
مدونه زهره الاسلام
مدونه هبه فاروق
مدونه بنوته اون لاين
أعرف نفسى الأول أختكم فى الله أمل شاهين مسلمه طبعا وكفانى شرفا
بدأت التدوين منذ سنه تقريبا فى البدايه كان إنشاء مدونه الكترونيه مجرد واجب نفذته لكن الفكره عجبتنى ليه بقى عجبتنى؟؟؟؟؟؟؟؟؟
لأنى كنت متابعه مدونه أخرى ( مصر الفرعونيه ) وحبيت فكره أن يكون ليا قلم وأكتب رأيى وأشارك أراء الغير
وجدت انى ممكن أخرج من محيط الدائره المحيطه بيا لمكان أوسع وأتعرف على أناس جدد ,أعرف أفكار ومعلومات وثقافات أخرى يعنى بمعنى أصح كده أشوف الدنيا ماشيه أزاى
وأن أخيرا صوتى هيبقى مسموع ولو مجازا سواء فى إبداء رأى أو التعليق على رأى أخر
بصراحه كان عندى مخاوف فى الأول
زى مثلا ممكن محدش يدخل مدونتى أو الاقى وقت منين أكتب أو ركاكه أسلوبى ( وده اللى مش عارفه أتخلص منه حتى هذه اللحظه) أو عدم مقدرتى على جذب أنتباه الغير وبصراحه اترعبت من فكره ان الكلمه أمانه يعنى هل أنا متاكده انى هكون مؤديه للامانه بحق
للاسف الشديد كل اللى حواليا أحبطونى وكان رد فعلهم ( مدونه أيه دى ابقى قابلينا لو عرفتى تكتبى ) وده لصغر سنى طبعا بس كلامهم شجعنى على أن أتحدى كل اللى يقول أنى مش هعرف أعمل حاجه
بعد كده عرفت ان مفيش اى مدون هيدخل مدونتى الا لما أنا ادخل مدونته الأول بمعنى تانى أنى أعرفه بنفسى وأقوله أنى موجوده
مدونتى أقدر أوصفها بإنها دينيه( مع العلم أن السياسه جزء لا يتجزء من ديننا الحنيف ) وأحيانا بكتب موضوع يكون هدفه أنى اخرج اللى جوايا من ضيق
هدفى أنى أكون نافعه للغير وأنتفع من الغير مع الحرص الشديد على إرضاء الله فى كل كلمه بكتبها
ويا رب تكون حجه ليا وليست عليا امام الخالق وربنا يثبتنى ويرشدنى للصواب
بس كفايه كده
تحياتى لكم جميعا وأرجو الا أكون قد أطلت عليكم
هناك 53 تعليقًا:
السلام عليكم
فعلا اختاه الكلمة امانة
لكن من يعرف ربه ويسعى للحق ونشر القضيلة والعلم النافع ب.التأكيد يعرف قدر هذه الامانه
مدونتك لازالت فى البداية كما قلت لكن المهم ان تستمر ودائما تسعى للفائدة والابتعاد عن اتوافه الامور
والكل يلاحظ خرصك على ذلك بارك الله فيك
حاولى دائما التجديد والتطوير ولا تقفى فى محطة واحدة وحاولى اضافة صفحات جديدة تبعث الحياة فى مدونتك وتكون لها اهداف اجتماعية وادبية دينية كما تفضلى ذلك.. المهم ان تصنعى جسرا بين الدين والمجتمع لتتم الفائدة
اخيرا اشكرك حبيبتى لتلبيتك الدعوة واشتراكك فى الحملة
أسال الله ان تعود علينا جميعا هذه الفكرة بالخير والفلاح وان نجتمع على صالح الاعمال ان شاء الله تعالى
تحياتى لك وارق الامنيات
ماشاء الله
جميل ’’
وفقك المولى لكل خير عزيزتي أمل
هو سؤال بسيط بس الحمله دى انا قرأتها فى مدونه المدينه الفاضله و انا كنت مفكر اللى يشترك فيها المدونات اللى هى محدداهاالمهم ازاى اشترك فى الحمله و الاسئله دى اجاوب عليها فين معلش انا اول مره اشترك فى حمله(انا جديد فى عالم المدونات) وغير كده انا لو جاوبت على الاسئله دى هههههههه ولا خليها مفاجأه
ارجو الرد السريع
و النسبه لحضرتك بجد نيه طيب لانشاء هذه المدونه و حاولى تجديدها عسى ان تكون سبب دخولك الجنه ان شاء الله
جزاكم الله خيرا
الشاب الصح
دبستك معايا معلش بس ده من عشمى فيك طبعا
انا الاول كنت متلغبطه زيك تمام
هو الموضوع اسهل بكتير مما تتصور ومما كنت انا متصوره
اولا حضرتك هتضيف صوره الحمله اللى حطاها عندى على المدونه عند فى مدونتك مع الرابط بتاعها ازاى بقى تعمل كده؟
http://1.bp.blogspot.com/_-iKyuEP1u50/TQGQwPP3GLI/AAAAAAAACq0/g57Um6n4CRU/s1600/man_question_mark.jpg
ده رابط الصوره
وده رابط الحمله
http://lolocat-q.blogspot.com/2010/12/blog-post_10.html
بعد ما تضيفه عندك بقى
هتكتب توبيك جديد عنوانه زى ما حضرتك تحب
تجاوب فيه على الاتى
اولا تعرف نفسك
ثانيا ليه بدات فى مجال التدوين
ايه هدفك من التدوين
بس ده كله دون اى مساعدات خارجيه او الاستعانه بصديق او حتى حذف اجابتين هههههههه
بس خلاص الموضوع ساهل والله
ربنا يوفقك
بسم الله وبعد
نسأل الله العلي القدير أن يوفقك إلى كل خير ويجعل عملك في ميزان حسناتك إن شاء الله
إخوانك في الله
المنشد أبو مجاهد الرنتيسي
أحلام الرتيسي
نفع الله بك عباده
انتظرت دعوتي للمشاركه في الحمله ولكن لم يدعوني احد
السلام عليكم
اولا انا بس احب اوضح شئ انا دخلت التدوين من 6 سنين كان أملى ان شعرى يتقرا واحصل اكبر عدد من التعليق لكن بعد اول شهر لقيت ان دة شئ فاشل انا عايز أغير خصوصا لما أخدت جايزة الجامعة فى الشعر وأثبت أنى بعرف أكتب وبعد كل الشغل دة فى التدوين بعدت عنه لان حتحسى ان مافيش حاجة بتتغير وكلامك مش أكتر من كلام غير بقى لما تتعودى على اسلوب مدونيين وتبقوا أكتر من الأخوات وفجأة تلاقى المدونيين دول أتبخروا بجد احساس باليأس وان الواحد فقد عيلته يمكن تكونوا شايفين مكبر الامر لكن اللى يعرف الكلام دة كويس اوى حد بقاله فترة بالتدوين
لكن الكلمة امانة ولازم أعبر واقول رأيى كل دة كويس لكن شايف ان دة شعارات كل مدون بيقول الكلام دة طبعا بس بقى عندى يقين ان أحنا بنغنى على نفسينا
أعقب برده على الدين والسياسة انا مع تسيس الدين مش تدين السياسة
طولت اوى صح
السلام عليكم ورحمة الله
صورة الحملة هذا هو الرابط ياجماعة
http://2.bp.blogspot.com/_-iKyuEP1u50/TQGRJT54qNI/AAAAAAAACq4/ScCsGaIS7VQ/s1600/Untitled-1.jpg
اللى فى منتصف الموضوع عندى
والكل بدون استثناء لازم يقوم بيها مش اللى محدداهم عندى بس
الاسماء دى مجرد بداية فقط وكلامى فى الموضوع لكل مدون دى حملة جماعية لمراجعة اهدافنا وليه بندون
تحياتى للجميع
اشكرك حبيبتى للحماس الطيب
بارك الله فيك
تكرمي يا حجة علي تعريفنا بنفسك .
مع احترامي لاسلوب خش عندي عشان أخش عندك .. إلا أنني في الأونة الأخيرة بدأت أكرهه جدا .
حبيبتى شكراً على
التدبيس أولاً
و حشانى موووت و الله
علفكرة انا فى حجات كتير
متشابها بنا فى حكاية
التدوين دى بس موضوع جميل
تسلم أيدك حبيبتى
مبدئيا شكرا على التدبيسه و عادى ولا يهمك انا متعود على كده ثانيا اشكرك على الوضيح ثالثا ان شاء الله ربنا يوفقنى و اعرف اعمله فى صوره محترمه رابعا و ليس اخيرا علم و سيتم التنفيذ قريبا ان شاء الله اخيرا السلام عليكم و جزاكم الله خيرا
بارك الله فيك أختى الفاضلة
وحفظك ورعاك وسدد خطاك..
وإن شاء الله تعالى تستمر مسيرتك التدوينية
فى طاعة الله سبحانه وتعالى..
واتمنى لك مزيداً من النجاح والتألق.
تقديرى واحترامى
اختى ما كفاية بقى
ودى واحترامى الى مدونتك
حتى وانتى بتتكلمى عن ارائك
بتتكلمى بعقلية رائعة
اسلوبك فى الكتابة رائع
استمرى فى البقاء والتدوين
ودى واحترامى اختى
صديقق غير معروف
الاخت الكريمه ام هريره
اولا الشكر لله يا قمر
اشكرك على نصائحك واعدك اننى سأنفذها
اللهام امين
احبك فى الله
تحياتى الطيبه
جواهر المطيرى
سعيده بمرورك اختى ومدونتى نورت بمرور سعوديه عليها وترك بصمه لها فيها
اتمنى المتابعه اختى
لكى ارق التحيات
الاخ المنشد ابو مجاهد الرنتيسى
اللهم امين ولتلعم اخى انك خير مدد لى فى مشوارى
اشكرك لمرورك الطيب
تحياتى وودى واحترامى
شارم
يسعدنى مرورك اكثر مما تتصور
اللهم امين اخى
ودى واحترامى:)
المدفعجى
الدعوه وصلت لحد عندك مفيش حجه بقى
تحياتى لك ابن السناهره
الشاعر
سعيده اوى بتعليقك
بس انا ليا رأى مخالف طبعا مع احترام رأيك
اولا مش معنى ان محدش بيعلق يبقى محدش بيقرأ
كتير اوى مش بيحبوا يعلقوا عندى بس ده مش معناه انهم مش بيدخلوا ويقرأوا
انت واخد الموضوع بحساسيه كبيره اوى
مع ان الحساسيه دى المفروض تكون لغيتها من زمان لانك من 6 سنين مدون
سؤال بقى هل انت بتدخل مدونات الغير وتعلق ورغم ذلك هما مش بيدخلوا عندك؟
معتقدش ان ردك هيكون ايوه
كلامك هيبقى مسموع امتى؟ لما يكون ليه هدف ومعبر
انت بتقول انك اخدت جايزه الجامعه فى الشعر يبقى اكيد اكيد كلامك ليه هدف
اعتقد انك وصلت لمرحله الملل من التدوين
ولازم تكسر الملل ده اما بترك مجال التدوين وده انا مش بفضله واما باضافه روح التغيير وجذب الانتباه ولكل منا طريقته فى ذلك
وربنا يوفقك
ودى واحترامى
انا الريس
الريس مره واحده هنا لاء وعرف انا مين كمان
كده كتير اوى
على فكره انا ملاحظه فعلا انك مبقتش تحب المبدأ ده وشارم كمان زيك
بس تأكد انك من غير ما تزورنى انا دايما متابعاك اما بقراءه ما تكتبه والتعليق ايضا واما بالقراءه فقط
نورت المدونه يا سياده الريس
تحياتى
سلسبيل
انتى وحشانى اكتر ربنا يعلم هموت واكلمك على الميل
الشكر لله يا قمر انا دبستك عشان عشمى فيكى والله
اكيد فى حاجات متشابهه مش احنا اصحاب ولا ايه؟
احبك فى الله
اشكرك لمرورك حبيبتى
تحياتى لكى
الشاب الصح
اولا الشكر لله ثانيا الشكر لله برده ثالثا انت بس توكل على الله واى مساعده انا موجوده رابعا ادينى منتظره يا مسهل خامسا جزانا واياكم وعليكم السلام ورحمه الله
استاذى الفاضل محمد الجرايحى
سعيده جدا جدا بمرورك اخى
اللهم امين وجزاكم الله خيرا
ودى واحترامى لك اخى:)
اخى/تى وصديقى/تى غير معرف
فرحانه جدا انك متابعنى
اشكرك لمدحك الطيب اخى/اختى
ويا رب تفضل/ى متابعنى دايما
دائما أصدقاء
احترامى لك ابن/بنت السناهره
السلام عليكم ورحمة الله
اجابات كافية شافية اختي امل
بارك الله فيك وفي مدونتك الرائعة التي احب هنا ان اشيد بها وبالعنوان المميز
بارك الله فيك يا طيبة
السلام عليكم
أول ما عرفت مدونتك كان من أيام قافل الحرية التي ضربتها اسرائل، وكنتِ يومها عملت سؤال للنقاش...
على العموم مدونتك جميلة وهدفها دعوي، أسأل الله أن يجعل ذلك في ميزان حسناتك.
السلام عليكم
يا سلام ياعينى ياعينى على الكلام الحلو
اولا انا زعلانة منك
فين المحشى ؟؟؟؟؟؟؟؟؟؟؟؟؟؟؟؟؟؟؟؟
كلام بجد حلو اختى
ولية الاحراج بالواجب دة
هههههههه
مس يا مس
اعمل الواجب امتى
طب فى عقاب يا مس ( مع اللدغة فى السين)
ههههههههه
والمصاصة كمان موجودة
السلام عليكم ورحمة الله وبركاته
ماشاء الله حملة رائعه أشكر
صاحبة الحملة الأخت أم هريرة
وأشكرج إنتي كذلك على إعلان عن الحملة
في مدونتج ويسرني أن اشارك معكم
طبعا سةف ادخل مدونة
الأخت أم هريرة وسوف أطلع على الحملة
وسوف أضع الحملة في منتديات ركاز
لتعزيز الأخلاق في قسم الحملات
والأنشطة التطوعية القيمية
بالتوفيق لجميع المدونين :)
حلم
جزاك الله خيرا على مدحك الطيب
سعيده بمرورك ومشاركتك
ودى واحترامى
أبو حسام الدين
سعيده بمرورك اخى جزاك الله خيرا
اللهم امين
تحياتى لك
زهره الاسلام
كله الا زعلك يا قمر ده انا اعملك حله مخصوص وابعتها على الميل
معلش دبستك معايا بس انا بدبس اللى بعزهم اكتر
طبعا فى عقاب ده انا محضره الفلكه للى ميعملش الواجب واللى يتأخر كمان احنا بنهزر هنا ولا ايه
منتظره واجبك حبيبتى
احبك فى الله
النور القريب
جزاك الله خيرا اخى ولتتفضل بالاشتراك فى الحمله والدعوه لها
منتظره اشتراكك
ودى واحترامى
السلام عليكم
انا بس جى اوضح سؤ فهم انا ما قصدتش بكلامى ان ما فيش تعليقات حضرتك لو جبتى المواضيع القديمة ليا حتلاقى فيه مواضيع عاملة 100 تعليق بالعكس التعليقات كانت كتير وكان ليا متابعين كتير جدا لدرجة ان بقينا اكتر من أخوات وعاملنا لقاء مدونين هنا فى أسكندرية واتقبلنا كان شئ رائع لكن للأسف الناس دى واحدة واحدة اختفتاللى قفل المدونة واللى ما بقاش يكتب خالص فعلا أصبنى شئ من الأحباط لان الناس اللى اتعودت عليهم 6 سنين مش موجودين شئ والله بيوجع فعلا عشان كدة بقول مش حيفهم كلامى اللى بقاله فترة كبيرة فى التدوين وصاحبة الحملة بقالها 7 شهور لسة فى خبرات كتير ناقصها عشان تعمل حملة زى دى مع طبعا كامل احترامى لرجاحة عقلها هو دة اللى كنت اقصده وان بعد فترة كبيرة من التدوين كل الافادة هى الزيادة الفكرية واللغوية والثقافية لكن تغيير واقعى مافيش
تحياتى
هدف نبيل ياأمل
تستحقي عليه الشكر وعلي فكرة ألحظ دائمآهذه المقولة في تدويناتك
"سامحوني علي ركاكه أسلوبي "
أنتي أسلوبك كويس ودي مش مجامله لآني ماليش في الجوده
في ناس بتكتب بطرق فعلآ ركيكه وبيتسقف لها
يكفي أنك بتعبري عن نفسك وعن الي جواكي
http://islam-nogodbutallah.blogspot.com/2010/10/blog-post.html
لماذا التدوين؟
حمله جميله جدا ويسعدنا انكي قد بداتي في التدوين وانا ان شاء الله حشارك في هذه الحمله
أول مره أزور مدونتك دائماً بصادف اسمك في التعليقات عجبتني اجاباتك و نيتك الطيبه
تحياتي لكي و جعلك الله نافعه لدينك و وطنك
يابا يا جدعان الشعب المصرى بيموت فى التسيح متشكرين على التسيح اللى عندى فى المدونه طيب عرفتى خليه فى سرك مش علنى ع العموم جزاك الله خيرا على مرورك و تحياتى لك
الشاعر
اعتذر عن سوء فهمك ( نعشل على قد عقلى بقى)
حضرتك نبهتنى لنقطه مهمه وهيه ان العلاقه اللى بينى وبين اى مدونه تبقى فى حدودو التدوين لا غير
بالنسبه للتغيير فأنا بقالى سنه واحده وأقدر أٌول غيرت حاجات فيا بنسبه 40 فى الميه ودى كانت سلبيات فيا طبعا
فأنا شايفه ان كلنا بنتغير ولو حاجه بسيطه
ده غير زياده الثقافه طبعا
تحياتى لك اخى
افروديت
الشكر لله حبيبتى
أما بالنسبه لاسلوبى أول مره حد يمدح فيه على فكره فأعتقد انه حتى لو كويس ممكن يكون أحسن من كده
ربنا يعينى بقى
تحياتى لكى
مجنون كتابه
أشكرك لاشتراكك اخى
ولمرورك جزيل الشكر
تحياتى لك
شيرين سامى
سعيده جدا بزيارتك وده شرف ليا طبعا
أشكرك لمدحك الطيب أختى
اللهام أمين
أرجو المتابعه وتقبلى منى أطيب التحيات
الشاب الصح
المشكله بقى انى من الشعب المصرى ههههههههه
أعتذر أخى ولو حضرتك عايز تمسحه مفيش مانع خالص
ولا أقولك انا هروح وامسحه بنفسى
تقبل اعتذارى أخى
تحياتى لك
السلام عليكم
اول مره ازور مدونتك
عجبتني مواضيعك جميلة
شخصيه طيبة
ويارب تتحقق كل امانيكي وتكون اجمل مدونة
ان شاءالله لن تكون زيارتي الاخيرة
تقبلي مروري
سلامي لاجمل واطيب امل.
امل .. مدونتها ما كفايه بقي
لا تعليق
الحمد لله الذي جمعنا علي الخير و علي صالح هذه الدعوه دعوه الاسلام
تحياتي لاهل كفر الدوار جميعا
و خاصة جمعاوي حبيب قلبي
خواطرى مع الحياه
متتخيليش ندى سعادتى بدخولك عندى لا وكمان عقتى ده كتير عليا كده
اشكرك لمدحك الطيب اختى
امين يا رب وبتمنى متابعتك فعلا
تحياتى لكى اختى ولكى اطيب الامنيات
المصوراتى
شوفت سبحان الله عجايب ههههههههه
سعيده لمرورك اخى وارجو متابعتك
وتحياتى لك ايضا وسلامك لاهل كفر الشيخ خصوصا حضرتك طبعا
السلام عليكم اختى الكريمه شكرا عل ى الزياره الرجاء ان توضع مدونتى عندك
ربنا يعلمنا ما ينفع وينفعنا بما علمنا ويزيدنا علما
وربنا يقدرك دائما على نقد النفس
نقد النفس فيما تخط يدانا اهم كتير من مجاملات المحيطين
تحياتي
اكسجين مصر
ده شرف ليا أخى انى ادخل عندك
مدونتك من أوائل المدوناتت اللى بتابعها لا شك
اشكرك لمرورك أخى
تحياتى لك
ستيته حبيبتى
ستيته حسب الله الحمش عندنا يا مرحبا يا مرحبا أهلا بيكى يا قمر
بس انتى مش هتعملى الواجب ولا ايه
مفيش هروب من الواجب هتعمليه يعنى هتعمليه
انا مش بدبس أى حد على فكره
حبايبى بس
ودى واحترامى لكى :)
إرسال تعليق