الأربعاء، 1 ديسمبر 2010

لو كان............. لكنت

فكره الموضوع قرأتها فى مدونه إبن بلدى وقلت لازم أنفذها عندى

بعد إذن إبن بلدى طبعا

لو كان بإمكانى أن أكون طعما ........لكنت طعم الجاتو

لو كان بإمكانى أن اكون نكهه.........لكنت نكهه الحبهان

لو كان بإمكانى أن أكون كلمه ........لكنت النسيان

لو كان بإمكانى أن أكون أداه استفهام.........لكنت متى

لو كان بإمكانى أن أكون طائرا......... لكنت الحمام

لو كان بإمكانى أن أكون شيئا فى السماء..........لكنت نجمه

لو كان بإمكانى أن أكون فصلا..........لكنت الشتاء

لو كان بإمكانى أن أكون شخصيه خرافيه......... لكنت سندريلا

لو كان بإمكانى أن أكون آله موسيقيه.......... لكنت الجيتار

لو كان بإمكانى أن أكون صوتا ....... لكنت صوت النقشبندى

لو كان بإمكانى أن أكون جزئا من الجسد .........لكنت القلب

لو كان بإمكانى أن أكون حرفا ........... لكنت الميم

لو كان بإمكانى أن يكون لى إسما آخر........... لكنت رحمه

لو كان بإمكانى أن أكون رنينا ........... لكنت رنين الموبايل لشخص أريد سماع صوته

لو كان بإمكانى أن أكون لونا ........ لكنت لون السماء

لو كان بإمكانى أن أكون سائلا ......... لكنت البحر

لو كان بإمكانى أن أكون ظاهره طبيعيه .......... لكنت ألوان الطيف

لو كان بإمكانى ان أكون وقتا........ لكنت وقت الفجر

لو كان بأمكانى أن أكون جمله........... لكنت الإسلام منهج حياه

لو كان بإمكانى أن أكون أمنيه ........ لكنت راحة البال

لو كان بإمكانى أن أكون أمنيه أخرى......... لكنت لقائى بالرسول

لو كان بإمكانى أن أكون كلمه فى السر...........لكنت سبحانك

لو كان بإمكانى ان أكون قلبا........ لكنت قلبا طيبا

لو كان بإمكانى ان أكون بلدا ........ لكنت فلسطين

لو كان بإمكانى أن أكون ارضا........ لكنت الأرض المباركه

لو كان بإمكانى أن أكون مخلوقا آخر......... لتمنيت أن أكون إنسانا

لو كان بإمكانى ان أكون صفه ..........لكنت الوفاء

لو كان بإمكانى أن أكون صفه أخرى ........ لكنت الثقه

لو كان بإمكانى أن أكون شيئا مكروها ............لكنت الجرح ولتمنيت أن أختفى من الوجود

لو كان بإمكانى أن أكون شخصا عظيما......... لكنت أسماء بنت أبى بكر

لو كان بإمكانى أن أكون هدف............. لكنت تحرير الأقصى

لو كان بإمكانى ان أكون سلاحا..........لكنت الوقت

لو كان بإمكانى أن أكون صغيره........... لتمنيت ألا أكبر أبدا



هناك 15 تعليقًا:

أنا وحماتي يقول...

الله ...حلوة الفكرة اوووي
واجاباتك جميلة بجد
حلوة مدونتك كمان
بجد مش مجاملة

محمد الجرايحى يقول...

أحسنت الاختيار والطرح
تدوينة مميزة

تقبلى مرورى وتقديرى واحترامى
بارك الله فيك وأعزك

سلسبيل يقول...

جميلة اوووووووى
تسلمى حبيبتى على النقل
الراااائع
تحياتى لك صديقتى

Sharm يقول...

الاخوان منجحوش في البرلمان

أم هريرة (lolocat) يقول...

السلام عليكم ورحمة الله

مع ان لو تفتح عمل الشيطان بس جميلة الفكرة اوى هههه

وكلماتك اجمل واجمل
اشكرك غاليتى
جزاك الله خيرا

تحياتى لك حبيبتى ...مودتى

مدونه ما كفايه بقى يقول...

أنا وحماتى:

أشكرك يا حبيبيتى

ده من ذوقك مش أكتر

تحياتى الطيبه :)

مدونه ما كفايه بقى يقول...

الاخ الفاضل محمد الجرايح

جزاك الله خيرا على مرورك

تحياتى الطيبه

مدونه ما كفايه بقى يقول...

سلسبيل

حبيبتى هنا؟؟؟؟؟؟؟؟؟

يا مرحبا يا مرحبا

اخييييييرا زورتينى

وانا اقول النور ده منين

هيه مش منقوله

الفكره بس هيه اللى مقوله

لكن الكلام أتغير أكيييييييييد

تحياتى

مدونه ما كفايه بقى يقول...

شــــــــــارم

أشكرك لتعليقك الرااااائع على التدوينه هههههههه

يكفينى مرورك بمدونتى أخى مهما كان ما كتبته


على فكره الاخوان داخليين وهما عارفين أنهم ممكن أوى مينجحوش

لكن لان الانتخابات عندهم وسيله وليست غايه

ولان فيه أهداف غير النجاح(يطول شرحها) هما بحمد الله حققوها

فهم راضيين على أى شىء يريده الله

الأهم اننا قدمنا واجبنا أمام الله وأثبتنا حسن نيتنا وأخذنا بالاسباب

أما الباقى فلا دخل لأى مخلوق فيه فقط الخالق ما أراده هو ما كان

ده رأى الجماعه كلها

أما أنا فليا وجهه نظر زياده

وأعتقد أنها صحيحه

لو عايز تعرفها مفيش مانع

مدونه ما كفايه بقى يقول...

أم هريره

انا أترددت فى الاول قببل ما امتب الموضوع علشان لو دى

بس قلت اسيبها على الله والاعمال بالنيات برده

أشكرك يا قمر

تحياتى لكى

elsha3er يقول...

السلام عليكم
اولا أجمل ما فى البوست فكرته بجد جميل جدا
ثانيا انا حتكلم على الشئ اللى ضايقك انا معظم صحابى من الجماعة وبحبهم كأشخاص وبحترمهم لكن انا عندى مشكلة فى منهج الجماعة نفسه الاخوان ناس محترمة طبعا ولازم يكونوا موجودين دلوقتى على الساحةالسياسية عشان يعملوا توازن سياسى أكتر من كدة للأخوان لا
لكن فى كل الاحوال انا أحترمك كشخصية وأحترم رأيك مهما كان مخالف لأفكارى
لكى منى كل تحية

مدونه ما كفايه بقى يقول...

الأخ الفاضل الشاعر

وعليكم السلام ورحه الله وبركاته

أولا أشكرك لمرورك الرائع على مدونتى المتواضعه:)))

ثانيا أشكرك لمدحك الطيب

ثالثا: سأرد عليك بمقوله

تستطيع ان تعجب بعض الناس كل الوقت
وتستطيع ان تعجب كل الناس بعض الوقت
لكن لا تستطيع ان تعجب كل الناس كل الوقت

الاحترام متبادل أخى

أتمنى متابعتك لمدونتى فهو شرف لى

تقبل تحياتى الطيبه

اقدم عاصمه فى الحب يقول...

السلام عليكم

اممممم شفتى بقه ..؟!
ليه .. لو كان بإمكانك أن تكونى جزئا من الجسد .........لكنتى القلب
المتقلب هذا لا يتمنى احد ان يكونه
.
بس انتى عارفه مبسوط اوى ان فيه بيننا تواصل
ربنا يديمه بالحب والخير
سعيد بالزياره مع انها متأخره بس ماشى
لسه هتشوفى فى ابن بلدك عيوب كتير غير انه بيتأخر على التعليقات
.
ودى وإحترامى :)

مدونه ما كفايه بقى يقول...

إبن بلدى

أولا كفانى شرفا أنك تدخل وتعلق عندى كمان هتأمر تعلق أمتى

دى حتى تبقى قله ذوق

ليه بقى أخترت القلب

لأن القلب الوحيد اللى فى الجسم اللى ليه إراده يعنى هو اللى بيحب وهو اللى بيكره مش أنت اللى بتقوله يحب أمتى ويكره امتى

أما المعده فأول ما يدخلها أكل أو شرب بتشتغل غصب عنها مش بإيدها تقول هشتغل ولا لاء

ومن منظور تانى أنت أعتمدت فى أختيارك على الماديات يعنى أنت همك على الاكل والشرب ودى ماديات
علشان كده قلت المعده

أما أنا أعتمدت فى إختيارى على الشىء الروحانى
اللى هيه الإراده

أما بالنسبه للتقلب فأنا شايفه أن ده جزء من إرادته

انت ايه رأيك؟

مروه صابر يقول...

فكره رائعه ولكنك أفضل من كل ما ذكرتيه ففيك يجتمع جمال الأشياء التى ذكرتيها