الخميس، 25 نوفمبر، 2010

حملة التوعيه السياسيه ........ بلدنا أمانه فى إيدينا

حمله اشتركت ولله الحمد فى تنظيمها فى كليتى (كلية التربيه الرياضيه بنات جامعه اسكندريه)  فكرت ان أكبر قدر ممكن يستفاد منها مش الكليه بس عشان كده قلت اكتب خلاصتها هنا مع بعض الاضافات البسيطه

الخلاصه:-

ليه لازم نروح نشارك وننتخب؟

عشان تكون ايجابى
عشان يكون لك دور فى تحديد مستقبل بلدنا
عشان تقدر تحقق لبلدك المستقبل اللى نفسك فيه
عشان ده حقك ولازم تستخدمه
عشان ده اكتر وقت بيكون لك دور مؤثر فيه
عشان مجلس الشعب هو اللى هيحدد سياسه لابلد فى الفتره القادمه
عشان جه الوقت انك تقول كلمتك مش تكون مجرد متفرج

ليه لازم نفهم السياسه؟ 

لان السياسه بتدخل فى كل حاجه فى حياتنا
الاقتصاد له علاقه بالسياسه
مستقبل بلدنا واخواتنا له علاقه بالسياسه
عشان نقدرنحسن وضع بلدنا لازم نفهم السياسه

هل فعلا الانتخابات متحدد مصيرها من البدايه عشان كده مش فارقه ننتخب ولا لاء؟
ربنا قال( وقل أعملوا فسيرى الله عملكم)
احنا نعمل اللى علينا قدام ربنا ودى معنى الايجابيه وفى الآخر اللى ربنا عايزه هو اللى هيكون
ربنا قال ناخد بالاسباب ومن الأخذ بالاسباب هنا هو انك تروح تنتخب اللى انت شايفه الاصلح

طب بالنسبه للناس اللى بيقولوا ان أمن الدوله بيضرب وبيمنع الناس من الانتخاب؟
انت روح وسيب الباقى على ربنا اهم حاجه ان نيتك تكون صافيه ومفيهاش حاجه لو صليت ركعتين حاجه قبل ما تروح تنتخب وربنا اكيد اكيد هيسدد خطاك

مفيش حد كويس عشان ننتخبه:

لاء فيه لأن الرسول قال ان الخير فى الأ مه ليوم القيامه

فتح عينيك ودور وأسأل واكيد هتلاقى

أحنا ناس على قد حالنا ملناش دعوه بالانتخابات:-

الشعب المصرى كله شعب معروف بطبعه الطيب لكن لو كل واحد فينا قال مليش دعوه يبقى مفيش حد هيروح ينتخب والفساد هينتشر أكتر عشان كده كلنا لازم نحط ايدينا فى إيد بعض لان بلدنا امانه فى إيدينا





هناك 14 تعليقًا:

أم هريرة (lolocat) يقول...

السلام عليكم ورحمة الله

جزاك الله خيرا اختى الحبيبة على موضوعك الهادف والمهم لكن يحزننى ما يحدث الان من دسائس ومؤامرات اسفرت عن وجهها الغبى القبيح ومحاولة زعزعة امن البلاد والتفريق بين ابناءها

مش عارفة انت متابعة للمدونةدى ولا لأ ( هكذا عاملتنى الحياة )
اقرأى الموضوع ده يوافق كلامك

http://magidalkady.blogspot.com/2010/11/blog-post.html

دمت بخير غاليتى
تحياتى لك

مدونه ما كفايه بقى يقول...

وعليكم السلام ورحمه الله

جزانا واياكم اختى ام هريره

ما يحزنك يحزننى اختى

لنا الله لما يفعلوه بنا

أبو مصعب يقول...

سلام عليكم
دعوه لانتخاب الافضل
الاخوان المسلمون

محمد الجرايحى يقول...

الأخت الفاضلة
أحييك على هذا الطرح الطيب والصادق
ولدى مشكلة أن فى دائرتى الانتخابية كلها وجوه قديمة محروقة ولايوجدبينهم من يستحق......

muslim youth يقول...

ايها الاخوه الاحباب لابد و ان نصوت فى الانتخابات القادمه لانك سوف تسأل عن صوتك اما الله عز وجل يوم القيامه لان بيدك ان تقدم خطوه من اجل الاصلاح و لكنك تكاسلت و نأتى بعد ذلك نشكى لماذا لاتتقدم البلد م كان فى ايدك تغير خلاص متعترضش على النظام انت اللى ساهمت فى كده(استحمل بقه و مانت عارف)و انا لا ادعو الى انتخاب جهه معينه و الله ابدى برايك لمن تراه يخدمك و يخدمك اهل دائرتك وان كنت محتار او لا تعرف المرشح الافضل فعليك بالمشوره و ان شاء الله الكل يكون يوم 28/11/2010 فى لجان الانتخابات وتقولش انا ماليش فيها لا انت لك ونص
و تقول م هى كده ولا كده هتتزور اعمل اللى عليك وخد بالاسباب ولا تكن كاهل السبت و غير كده علشان تكون شاب صح الصح اللى مشارك فة تقدم بلده و دينه وجزاكم الله خيرا اسف على الاطاله

المدفعجي يقول...

موضوع هااااااااااادف وجميل وارجو المزيد من الموضوعات

غير معرف يقول...

السلام عليكم

مدونتك جميلة وهادفة

وجزاكى الله كل خير على مواضيعك


تحياتى ليكى

معلش انا من السناهرة بردو علاشان كدا هاسيب تعليقى بغير معروف


تقبلى مرورى

المنشد أبو مجاهد الرنتيسي يقول...

بسم الله وبعد
بوركت على موضوعك الهادف
ندعوا الله لكم ولبلدكم بالتوفيق والسداد إن شاء الله
---
إخوانك في الله
المنشد أبو مجاهد الرنتيسي
أحلام الرنتيسي

مدونه ما كفايه بقى يقول...

الاخ ابو مصعب

جزاك الله خيرا على مرورك

اكيد الاخوان افضل من اى شخص اخر مرشح

ربنا يسدد خطاهم

مدونه ما كفايه بقى يقول...

الاخ محمد الجرايحى

ان لم يوجد فعلا فى دائرتك احد يمكن ترشيحه فعلى الاقل تكون مقتنع بفكره ترشيح الافضل

بل يمكنك ان تقنع من هم فى دائره اخرى على ترشيح افضل مرشح عندهم

بذلك توكن قد فعلت واجبك امام الله

تحياتى الطيبه واشكرك على مرورك

مدونه ما كفايه بقى يقول...

الاخ muslim youth

جزاك الله خيرا على اطلالتك الرائعه

سدد الله خطاك على على مشاركتك

هذه هى الايجابيه التى نتمناها فى الشعب المصرى

اشكرك لمرورك

تحياتى لك

مدونه ما كفايه بقى يقول...

الاخ المدفعجى

جزاك الله خبرا على مرورك

انتظر المزيد ان شاء الله

واتمنى ذلك فى مدونتك ايضا

مدونه ما كفايه بقى يقول...

غير معرف

سعدت بتعليقك كثيرا

اشكرك على مرورك ومدحك لمدونتى المتواضعه وتشجيعك لى وأتمنى منك المتابعه

أحسنت فعلا بعدم ذكرك لاسمك

تحياتى لك ولكل أهل السناهره الكرام

مدونه ما كفايه بقى يقول...

الاخ المنشد ابو مجاهد الرنتيسى والاخت الكريمه احلام

جزاك الله خيرا عبى مروركم وتابعتكم المستمره

اخى نحن فى أمس الحاجه الى دعوات خارجه من قلوب نقيه مثل قلوبكم

سدد الله خطانا وخطاكم

تحياتى الطيبه لكم وجزاكم الله خيرا مره ثانيه