ها قد مضى عام على إنشائى مدونه إلكترونيه
راجعت نفسى يا ترى كتاباتى تضمنها رياء ونفاق؟؟؟ طيب أنا رضيت ربنا فى كل كلمه كتبتها؟؟؟
طيب يا ترى انا استفدت؟؟؟
طيب لو أستفد يا ترى قدرت أفيد غيرى ؟؟؟ طيب أكمل تدوين ولا كفايه لحد كده؟؟؟
طيب انا قدرت أحقق هدفى بنسبه كام؟؟؟ طيب يا ترى النسبه دى كافيه أنى أكمل وأقول لا تراجع ولا إستسلام؟؟؟؟
طيب لو أكتفيت يا ترى هكون سعيده بإبتعادى عن عالم التدوين والمدونين؟؟؟
طيب لو كملت ايه الهدف اللى هسعى لتحقيقه الفتره القادمه؟؟؟
طيب يا ترى بالتقريب كده ايه نسبه المدونين الموافقين انى اكمل لأهميتى فى عالم التدوين؟؟؟
طيب ايه نسبه المعترضين على إستمرارى فى التدوين حيث لا يجدون أى أهميه لى؟؟؟؟ ( عدمى أحسن من وجودى)؟
أسئله صعبه أوى يمكن صعبه لأنى خايفه أواجه نفسى بالحقيقه ..... بس مش دايما الحقيقه مره فقلت أسيبها على الله وأبدأ أجاوب
,,,,,,,,,,,,,,,,,,,,,,,,,,,,,,,,
أنتهيت من إجابابتى وقفلت الورقه وسلمتها لضميرى وجلست أنتظر النتيجه ويدور فى ذهنى عدة تساؤلات لن أبيح بها لخصوصيتها
رأيت على شفتيه إبتسامه فهدأ قلبى وعقلى ولكن رجع عقلى يتساءل ترى هل تلك الإبتسامه توحى عن الرضا أم السخريه والإستهزاء؟؟؟
ولكنى نظرت لقلبى فوجدته هادئا مطمئنا فأرتاح بالى وعرفت النتيجه بل تيقنتها قبل حتى أن ينطق بها ضميرى
نطقها ضميرى فأرتاح عقلى ولكن عاد يتساءل ما الخطوة القادمه؟؟؟؟؟
,,,,,,,,,,,,,,,,,,,,,,,,,,,,,,,,,,,,,,
نخرج بقى من جو الدارما ده ونحتفل بالنتيجه
أولا أشكر من علمنى التدوين ووضعنى على بداية الطريق ( صاحب مدونه فكك منى)
أشكر كل مدون وكل زائر لمدونتى وكل معلق وكل متابع
أشكر من علمنى التدوين ووضعنى على بداية الطريق ( صاحب مدونه فكك منى)
أشكر كل من أحتفل بمدونتى فى جروب (فى حب مصر) وأخص بالذكر
مدونه جايدا العزيزى http://httpjaedacom.blogspot.com/
أخى الكبير شريف صابر ( من غير مستر) صاحب مدونه الحياة http://sheref2010.blogspot
سعيده جدا بالتعرف عليكم بجد والله حسيت ان التدوين ليه طعم تانى أول ما عرفتكم
وكمان أشكرهم على الهدايا الغاليه ( ربنا ما يحرمنى منكم ياااا رب) وشرف ليا أنى أعرض هداياهم عندى
من أخويا الكبير شريف
من ماما جايدا حبيبتى
من شريف ربنا ما يحرمنى من ذوقه يا رب
من ماما جايدا ( دى ليا أنا ومدام جايدا وشريف أوعوا تقربوا منها:) )
سعيده جدا أنى دخلت عالم التدوين لأنى عرفت ناس بجد بجد يشرفنى أنى أتناقش معاهم وأسمع لآراءهم
مش هذكر أسماء علشان محدش يزعل لكن هما أكيد عارفين مقامهم قد ايه عندى:)
أتفضوا بقى عندى فى البوفيه وأدعولى لأنى تعبت فى التحضير :)
اللى أخد من التورته دى يقول وانا مش هعمله حاجه
ندخل بقى عالمشروبات
ليا ومدام جايدا وشريف اللى هيقرب منهم غيرنا هيندم
دول بقى مقاطعه أوعوا تقربوا منهم
دى بقى لأبن بلدى وبقوله انا اسفه ومتزعلش منى :)
انا هكمل تدوين وربنا يقوينى وأحقق هدفى فى السنه الجايه
محتاجه لدعمكم جدا علشان أكمل وسعيده للتعرف عليكم إخوتى
تحياتى لكم جميعا
هناك 52 تعليقًا:
طبعا لازم تكملى
التدوين هو منبرنا الذى نعلوة
وانت مميزة وصادقه
وذلك وحده يكفى
اكملى ما بدائتيه
ودوسى على الصعاب وتحديها
ويجب ان يعلوا صوت الحق
اما صوت الباطل فالى زوال
سعيده بقرارك
وصمودك وتميزك
تحياتى
مبووووووووووك وعقبالنا كلنا يارب
المهم انتي راضيه عن نفسك والمهم انك حققتي من مدونتك مكان لمتنفس كنتي من زمان بتحلمي بيه
استمري مادام صمدت عام تستطيع ان تصمد أعوام
السلام عليكم ورحمة الله
الف الف الف مبروك صغيرتى
طبعا طبعا تكملى حبيبتى انت لسه كتكوتة ولو كان من وجهة نظرك حدثت اخطاء وهذا حسب قناعتك انت..... مش حد تانى اللى يقيم لان الاراء بتتفاوت دائما يبقى انت اللى ممكن تخلى السنين الجاية طريق لتصحيح اى خطأ ومافى حد معصوم
لكن نصيحتى لك انك تخلى طريقك دايما نبراسه و دليله هو شرع الله وتقوى الله وان شاء الله ربنا هيكون معاك حبيبتى
وتذكر قول الحبيب محمد احفظ الله يحفظك
اكيد انت اضفت شىء جميل بحياتك فى سنك الصغيرة دى وان شاء الله القادم يكون اجمل واجمل واجمل ربنا يوفقك فى حياتك ودينك ودراستك وكل خطوة غاليتى
فى انتظار جديدك وتجديدك
الف مبروك حبيبتى السنة الاولى :)
http://1.bp.blogspot.com/_W_KHImkKwMw/TN04MaXgl5I/AAAAAAAAAWo/urahTVv6NGI/s400/15774.png
تحياتى لك وتقديرى
الأستاذة الفاضلة أمل
صراحة أنا جاي مدونتك و مكسوف إني داخل إيدي فاضية ، بس مش هخرج و إيدي فاضية فلو سمحتي متنسيش و انا خارج شوية جاتوه على شوية مقاطعة علشان نبلع على شوية شكولاتة ، و لا الواحد هيقلك كل سنة و مدونتك بخير كده بلوشي ؟
السلام عليكم أختي فتاة الإخوان...
أولا: مبروك عليكي إتمام سنة أولى تدوين.
ثانيا: أليس عجيبا أن تتكلم فتاة يانعة مثلك ما زالت تتلمس الحياة بهذه الطريقة الدراماتيكية... "ماذا فعلت في حياتي؟ ماذا قدمت؟ هل أكتفي بما قدمت وأتنحى؟..."!!!
ناقص تقولي: يجب أن أترك المجال للأجيال الجديدة... هييييييه.. هناخد زمانا وزمن غيرنا!!!!!!
أختي الكريمة.. بالتأكيد أمامك الكثير جدا لتقدميه لدينك بكل تفاؤلك (الذي ألاحظه دائما) وبروحك الوثابة (التي لا تخطؤها عيني)... مش عيب يا حفيدة البنا لما تتركي منبرك وساحتك... إحنا اتعلمنا كده برضو؟!!!!! :)
جميل منك وقفة التقييم، وكنت أتمنى أن تشركينا معك، لعلنا نستفيد...
ثالثا: هي ناقصة يعني لما تسألينا: هل أستمر في التدوين؟ أجب بـ(نعم) أو بـ(لا)..!!
الناس لسه ما فاقتش من الاستفتاء اللي فات.. ولا انتي عاوزة الناس تنقسم تاني إلى فسطاطين؟!!!! :)
بلاش استفتاء... هو قرار دكتاتوري قوليه مباشرة: "قررت أن أستمر في التدوين إلى آخر عرق ينبض"..!! واحنا علينا نقول "هييييييييه".
رابعا: أنا معتذر عن الجاتوهات بسبب مشاكل الكوليستيرول..! متنازل عن نصيبي لصديقي اللدود (محمد عمارة)..
خامسا: أعتذر بصدق عن تقصيري في التعليق (رغم متابعة المواضيع) في الفترة السابقة..
سادسا: النقطة دي من قبيل زيادة الكلام فقط، على اساس إن احنا في حفلة وكده يعني :))
تحياتي وتمنياتي بالتوفيق الدائم يا بنت دعوتي.
مبروووووووووووك كل عام وانتى متجدده دوما ان شاء الله فى الخير
انا عاوز التورته اللي فيها شيكولاته كلها لوحدي
مبروك
ولا داعي للتوقف او الانقطاع
استمري في الكتابه طول ما هناك حياه
والله يعطيكي العمر الطويل والعمل الصالح
لن نسمح لمن يضيفوا للحياة التدوينية إضافات جيدة أن يرحلوا.. :)
عقبال مليون سنه كمان وكمان تكتبى فى رضا الرحمن
حميل اوى انك توحدى بين كتابتك وقلبك وعقلك وضميرك وان دل يدل على انسنه واعيه جدا
ربنا يوفقك كمان وكمان
لك تحياتى
كلللللللل سنه ومدونتك طيبه
اول مره أزور فيها الممدونه يبقى فى عيد ميلادها
ان شاء الله لن تكون الأخيره
ربنا يوفقك ويحققلك كللللل اللى فى نفسك
وتحققى أهداف التدوين السنه دى اللى مخططهاها لنفسك
وتأكدى ان أى حاجه اى حد بيكتبها بتفيدنا كلنا
هابى بيرس دااااااى لمدونتك
وتعيشى وتكتبى
(:
مبرووووك كل سنه و مدونتك طيبه يمكن ماتبعتكيش من زمان لكن مفيش سبب يخليكي تدوخي نفسك كده و تفكري انك تتوقفي عن التدوين واضح انك انسانه متحمسه و لك قلم و فكر بتمنى لك التوفيق دائماً.
تحياتي لكي أختي العزيزه
كل سنه ومدونتك طيبه
زعقبال مليون الا ربع سنه تدوين
طبعا هتقوليلى اشمعنا مليون الا ربع
اقولك عشان مااكونش مبالغ فى عدد السنين ولتحرى الدقه
تحياتى
مساء الورد
أولا: مبروك عليكي إتمام سنة أولى تدوين.
طبعا كنت اتمنى ان اكون اول المعلقين
فى احتفاليه المدونه الجميله
بس قدر الله وما شاء فعل ويكمن ده علشان ارى التعليقات الرائعه ممن يحبونكى
ثانيا:اتمنى طبعا ان تكملى فى عالم التدوين وتسيرى على نفس النهج
وباذن الله تقدمى المزيد والمزيد
ثالثا: ذكر اسمى ومدونتى وجروبى شرف كبير ليا بجد
اخيرا: اتمنى لكى مزيد من النجاحات(مش نجاح واحد لا نجاحات)
تحياتى ليكى(شريف من غير مستر)
أسعد الله أوقاتك
ربما حين عرفت مدونتك السنة الماضية كانت بمناسبة ضرب اسرئيل لسفينة الحرية، وانا أذكر ذلك جيدا، لان موضوعك كان مطروح للنقاش وقتها. يا سبحان الله مرت سنة بسرعة، المهم كل عام ومدونتك بخير وأنت بخير وصحة وهناء.
أعتذر لم أقدم لك هدية فلا أملك إلا الحروف أضعها هنا.
شكرا على الحلويات والمشروبات، لذيذة جدا. دمت بألف خير أختي.
احم احم
وحشتينى اوووووووى
الله عليكم بجد
كل سنه ومدونتك بخير ودايمآ متألقة حبيبتى
بجد فرحت اوى
يارب الفرحه دايمآ لينا كلنا ياقمرتى
واحلى زغروووووووووووووووووووووطه
لولولولولوى
من تقدم الى تقدم
أهم حاجة ..
لماذا تدون و هدف مدونتك ..
و لتدون من أجل قضية ..
دمتم مبدعين
جيت متأخر يوم بحاله
:(
:(
:(
الف مبرووك على مرور عام كامل على التدين
و ان شاء الله تكملي و تفضلي موجوده على طووول ان شاء الله
السلام عليكم ورحمه الله و بركاته
كل عام وانت و مدونتك بخير
جعلها الله فى ميزان حسناتك
و ان شاء الله الاعوام القادمه تكون افضل لكى فى عالم التدوين
بارك الله فيكى و جعلك زخرا لنا
الف الف الف مبروووووووووووووك
جزاك الله خيرا على الطعام الجميل
========>♥ ◕‿◕ ♥<========
اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا
========>♥ ◕‿◕ ♥<========
السلام عليكم
كل سنه وانتى والمدونه وكل اللى بتحبيهم اللى أتذكر أسمهم ولا ما أتذكرش اسمهم .. يكونوا الى الله أقرب ..
.
يا رب تفضلى تدونى وسطنا وانتى بكل خير وسلام .. ويا رب يرزقك دايما بالصحه والستر وراحه البال .. وعريس يحبك ويصونك ويخاف عليكِ وعربيه أخر موديل وميه ألف جنيه وشقه على البحر قولى آمين :)
اما بالنسبه للشيكولاته دى مش عارف المفروض مين اللى كان يقدمها للتانى .. عموماً شكرا اوى عليها
وأعرفى حاجه .. أغلى هديه عندى الشيكولاته على فكره .. شكرا يا استاذه أمل :)
.
.
.
ودى وإحترامى :)
السلام عليكم ورحمة الله وبركاته
الأخت الكريمة ...
المدون الذى له هدف ولديه مبادئ يسير عليها ومن أجلها صعب أن يتخلى عن رسالته....
حفظك الله ورعاك وسدد على طريق الحق خطاك
اولا الف مبروك وكل سنة والمدونة بتاعتك يا قمر طيبة
وانتى خدتى القرار الصح
وطبعا صح جدا انك تفضلى فى التدوين
بسم الله وبعد
مبارك عامك الاول
ونتمنى لك أعواما أكثر تفوقا ونجاحا
ونسأل الله عز وجل أن يجعل كلماتك صدقة جارية إن شاء الله
إلى الأمام
لك منا أجمل وأرق تحية
إخوانك في الله
أبو مجاهد الرنتيسي
أحلام الرنتيسي
كل سنه وانتى طيبه و مدونتك بخير
طبعا لازم تكملى عشان مدونتك دى بقت نافذه بتطلى بيها على اللى حواليكى و بتدى فرصه للناس يعرفوكى من خلالها
و بعدين كنت هعرفك ازاى بقى من غيرها يا قمر
كل سنه و انتى طيبه مره تانيه
السلام عليكم ورحمه الله وبركاته
استفتاء ينتظر آرائكم
بعد الانتصار العظيم لشعب مصر بفضل الله
هل توافق ان تحكم بلدك حكومه اسلاميه تطبق الشريعه الاسلاميه؟
اذا كنت توافق ذلك لماذا؟
واذا كنت لا توافق لماذا؟
ننتظر اجابتكم على الاستفتاء وتعليقتكم ووجهه نظركم
مع تحيات اخوانكم فى لو عرفوه هيحبوه
مدام جايداسعيده جدا انك اول واحده تعلقى
انى احبك فى الله يا ماما جايدا
أشكرك على كلامك الجميل ده:)
هكمل بس خليكى معايا انتى ومتسيبنيش
فارسه بلا جواد
الله يباركلك يا قمر ويبارك فيكى يا رب هستمر بس محجتاجه دعمك أكيد
منورانى والله
أم هريره
الله يبارك فيكى يا حبيبتى
كلامك مظبوط فعلا وأكيد هعمل بنصيحتك
نورتينى والله
استاذ محمد عماره
والله والله كفايه انك دخلت مدونتى ده أكبر شرف ليا بجد
امممم طيب خد مقاطعه بس انا مليش دعوه بقى انا حذرتك:)
سعيده بصداقتك أسـتاذى
ادام الله الود بيننا
أسـتاذ ماجد القاضى
منوووووووووووورنى والله العظيم تلاته
بفرح أوى كل ما أشوف تعليقك والله
حضرتك عارف ان ليك معزه خاصه عندى
هههههههههههه ما انا قولت بلاشاسألألهم لحسن يطلعوا فيا هههههههههه
حضرتك كفايه تنورنى من غير حتى ما تعلق
يكفينى جدا ان حضرتك تهتم بكتاباتى والله مافى شرف ليا بعد كده
أكيد اكيد اكيد سعيده بصداقتك أخى
بالله عليك تقف جنبى وتنصحنى وترشدنى لأن حضرتك بجد أكتر واحد بثق فيه من غير مجامله والله
أدام الله الود بيننا استاذى :)
أسـتاذ ماجد القاضى
منوووووووووووورنى والله العظيم تلاته
بفرح أوى كل ما أشوف تعليقك والله
حضرتك عارف ان ليك معزه خاصه عندى
هههههههههههه ما انا قولت بلاشاسألألهم لحسن يطلعوا فيا هههههههههه
حضرتك كفايه تنورنى من غير حتى ما تعلق
يكفينى جدا ان حضرتك تهتم بكتاباتى والله مافى شرف ليا بعد كده
أكيد اكيد اكيد سعيده بصداقتك أخى
بالله عليك تقف جنبى وتنصحنى وترشدنى لأن حضرتك بجد أكتر واحد بثق فيه من غير مجامله والله
أدام الله الود بيننا استاذى :)
حبيبتى اتأخر تعليقى
بس بجد انا قريت البوست
من اول ما اتنشر
جميلة ان شاء الله يتمر السنين
و انتى مدونة راااائعة
و مواضيعك هادفة
تحياتى لك و لمدونتك حبيبتى
محمود باحث عن حب
والله منورنى يا استاذ محمود
جزاك الله خيرا على الزياره الجميله دى
تحياتى لك
لورنس العرب
هكمل بدعم منك لى أخى موافق؟؟ متسيبنيش بقى:)
اتفضل التورته بس كده انت بتعترف ان انت اللى أخدت الحته صح؟؟؟ :)
أشكرك لدعمك المتواصل لى وأدام الله التواصل بيننا
دكتور ابراهيم
كلام حضرتك شهاده أعتز بها يا دكتور جزاك الله خيرا
أشكرك لزيارتك دكتور أدام الله الوصال بيننا
لنت الاسلام
ربنا يخلييييييييييييييييييكى
ايه الذوق ده كله بس بتحرجينى والله بكلامك ده
ربنا ما يحرمنى منك حبيبتى :)
ربنا يديم المعروف يا رب:)
ودى واحترامى لبنت الإسلام
دعاء العطر
ياااااما سمعت عنك والله
كل خير طبعا:)
كان نفسى أوصلك بس الشيطان بينسينى أوصل للناس المؤمنه اللى زيك ربنا يهده الشيطان ده:)
بصى لو قولتك منورانى هتقوليلى هو كله منورك ولا ايه
بس انتى لكى لمسه مختلفه بجد
إن شاء الله هوصلك وهتابععك وهغيظ الشيطان:)
أشكرك على كلامك يا قمر كلك ذوق والله
تقبلينى صديقه لمدونتك مقدما
تحياتى لكى حبيبتى
شيرين سامى
كنت زعلانه علشان المدونه منورتش من يوم ما غبيبتى عنى:)
بس انا دلوقتى فى قمة السعاده طبعا
أشكرك على ذوقك يا قمر اللى دايما اتعودته منك :)
متغيبيش عنى تانى بقى :)
حبيبتى امل
اخبارك ايه معلشى دخلت الموضوع متاخر بسبب الدراسة ... على فكرة انتى وحشتينى جدا جدا
ومبرووووووووك عليكى اول سنة تدوين ويارب تستمرى بالافضل والافضل دايما
وجميييلة اوى العزومة بتاعتك انا اكلت كتيير اوى لغاية لما تخنت ههههههه
ربنا يوفقك يارب ويديم المحبة
........
شريف صابر
انت عارف انا عايزه اقولك ايه من غير ما انطق
ربنا ما يحرمنى من ذوقك ده يا شريف وطبعا انت عارف انا قد ايه سعيده انى عرفت شخص مثلك مش كده؟
جزاك الله خيرا اخى :)
أدام الله الود بيننا
تحياتى لك أخى الكبييير الكبير أوى كمان
أبو حسام الدين
أسعد لله أوقاتك أخى
يشرفنى دايما أنى التقى بشخصيات عظيمه مثلك أخى
جزاك الله خيرا وأكيد محتاجه دعمك ومساندنتك لى
أطيب التحيات
نبع الغرام
اممممم بترديلى الزرغوته بس بتاعتى أحلى طبعا :)
الله عليكى انتى يا قمر
وحشتك؟؟؟ بجد والله طب ده انا كده هعيط من الفرحه انا طلعت بوحش حد أهو :)
وانتى طيبه يا حبيبة قلبى
أشكرك على الهديه هه :)
ههههههه
كفايه انك تنورينى طبعا
الف تحيه ليكى يا قمر
استاذ جمعاوى
جزاك الله خيرا من هنا للسنه الجايه
بفضل الله ثم بفضلك اكتشفت ان فيه عالم جميل اوى كده وكمان عرفت ان الانترنت مفيد جدا وليه منافع كتير
ربنا يجعله فى ميزان حسناتك أخى
ودمتم مبدعين :)
سبايدر مان
لسه فاكر !!!!
ههههههه لاء طبعا كفايه انك تتابعنى ده أكبر شرف ليا بجد
أدام الله الود بيننا
تحياتى
الشاب الصح
جزاك الله خيرا أخى
لا حرمنى الله من عونك الدائم لى :)
أدام الله الود بيننا
كل تقدير واحترام لك
ابن بلدى
امممم يا خوفى يا بدران من لهجتك فى التعليق دى
انا استاذه امل؟؟؟؟
يعنى مش امل بنت بلدك
وكمان مليش شيكولاته كبيره؟؟؟
يبقى لسه زعلان منى ومتقولش لاء بقى
انا مش عارفه اقولك ايه عشان اصالحك كل اللى هقوله انى بجد حررررررمت
خلاص بقى :)
ربنا ما يحرمنى منك يا احمد وميجيبش زعل بينا يا رب
أشكرك على الزياره الجميله
تحياتى لك يا ابن بلدى
استاذى الفاضل محمد الجرايحى
جزاك الله عنى كل خير على تلك النصيحه الغاليه وان شاء الله هعمل بها
آمين يا رب يا استاذ محمد
أدام الله الود بيننا أخى
كل تقدير وأحترام لك ولقلمك المميز دائما
ندا منير
الله يباركلك ويبارك فيكى يارب
انتى شايفه كده ؟:)
هكمل تدوين بس بشرط
تفضلى تتابعينى دااااااااااايما :)
تحياتى لكى حبيبتى
استاذى ومعلمى القدير الأخ الفاضل المنشد ابو مجاهد الرنتيسى
لن أجد كلام يصف مدى سعادتى بمعرفتك أخى فمنذ أن عرفت مدونتك تعلمت منك الكثير والكثير
فجزاك الله كل خير وأحسبك عند الله فى أعلى درجات الجنه بإذن الله
لا حرمنى الله من علمك أخى
تحياتى الخالصه لك
صيدلانيه طالعه نازله
أشكرك يا حبيبة قلبى ربنا ما يحرمنى منك يا رب
كلامك صح وانا كمان كنت هعرفكو ازاى من غيرها
هستمر بدعمك اكيد
وانتى طيبه يا حبيبتى
تحياتى لكى وكل ود واحترام
حبيبه قلبى ورده الجنه
وانتى والله وحشانى كل شويه افتح اقول لسه ورده معلقتش اهىء اهىء اهىء
كلك وق والله يا ورده ربنا ما يحرمنى منك ابدا
ربنا يوفقك فى دراستك با قلبى
اشكرك على كلامك الحلو ده
دمنا أصدقاء
تحياتى لكى قلبى
سلسبيل
كووووووووووووول ده تأخير ينفع كده؟؟؟؟؟؟؟؟؟؟؟
هههههههههههههه يا حبيبتى انتى صاحبه المدونه تدخلى اى وقت يعجبك طبعا
اشكرك على التهنئه الطيبه دى من قلبك الطيب
الف تحيه ليكى
دمنا أصدقاء
إرسال تعليق